上連登會不時見到Ｄ巴打講呢句說話，仲改埋佔中張圖，
因為佢地覺得培養小朋友成材其實要用好多錢，
珊珊都講過養一個小朋友要四百萬，
冇錢就不如唔好生出黎害左個ＢＢ。
亦見到唔少人埋怨父母生自己出黎，又冇能力好好裁培，
自己大個左都係庸庸碌碌，甚至延續家庭貧窮 
但Ｄ父母只係想養兒防老，老左有仔女可以依靠
想知道各位點睇呢個思想？窮人係咪真係唔應該生仔？ 
1個讚
窮人生仔本身無問題, 最緊要唔到教下一代有窮人思維!
否則就真係跨代貧窮!
17個讚
我30頭唔夠醒目人工唔高，都唔敢生仔害咗佢，但人生冇細路又真係悶咁
1個讚
呢個諗法最要不得，自己如果搞唔掂要靠個小朋友，咁不如唔好生，自己儲下錢養老好過！
13個讚
窮有窮養, 我唔覺得有好大問題, 問題係D人生仔出黎為左拎綜援, 識生唔識教先係問題!
6個讚
-
400萬呢條數其實係當時銀行用嚟推銷儲蓄用，400萬用幾耐？ 無提過，點用？
-
最憎D人口口聲聲埋怨父母窮，佢地唔知，父母點窮都係第一時間餵飽佢先，讀唔成書係自已能力問題
-
做人最重要人格，有無錢係其次，見好多年青人搵工，呢樣唔做，個樣唔做，時間長又唔做，唔窮就假
-
做父母，做仔女唔係用錢去計
7個讚
今集最慘的受訪者就係有小朋友嘅
2個讚
窮極都有個譜
生小朋友唔係種棵菜
窮人真係唔好生
生出來害咗兩代
2個讚
呢代窮人生仔係難
真心，連自己兩餐，交租都成問題，我覺得真係唔好生
14個讚
你見劏房果d，揾個位做功課都冇，已經under 窮有窮養mode
7個讚
2 嚟講，好多父母真係唔係架，打到d仔女豬頭咁
2個讚
視乎咩國家，窮到咩地步。有D地方窮有窮養，可以返鄉下耕田。但香港窮真係唔可以生仔，因為無樓住，唔係你忍就得。
4個讚
果d好多新移民，可能要生個仔香港男人先申請佢落黎。
其實自己兩餐都未搞掂仲要生，真係對個小朋友好不負責任。
4個讚
果d窮到一家人瞓一張床，做功課都冇位，鄰居係一樓一，唔通真係有愛就可以唔駛面對柴米油鹽問題咩
1個讚
以前覺得有冇錢生小朋友唔重要。
但呢個年代就冇錢極都要有個譜。
可能大咗身邊好多人經歷唔同問題都係同錢有關。
香港地養大個小朋友唔容易。而且每個人要求唔同。
最緊要肯教。
4個讚
都係㗎！無謂將不幸延伸到下一代
我覺得有冇錢完全唔係重點
識唔識教先係重點
係香港窮人如果識善用資源，肯花時間教
仔女都可以成長得好開心同有好成績
相反 啲好有錢嘅家庭都可能教出啲打人尖同通街屙屎屙尿嘅垃圾
所以錢唔係最大嘅問題
4個讚
係外國冇問題, 係以前既香港都冇問題
但係而家既香港就好有問題
香港做基層向上流既機會太少
5個讚