如果唔係劏房 ，窮生仔我覺得冇問題，佢地本身好多資助，車錢食飯錢書包文具書簿費游學團興趣班政府幫你比 ！ 唉，低中產慘啲，多少少錢冇資助！ 窮唔怕，但唔好灌輸窮人思維，要有時間用心教養，比正確觀念小朋友先好生 ！
1個讚
我覺得係
無謂累人累物
愛不飽肚
有D人三餐都搞唔掂
生完小孩啃老，仲要大大聲
我好不齒ga
1個讚
係未有支共種族清洗之前，我覺得俾到小朋友自己一間房，有私人空間，或者有兩個小朋友，細個時同一間房親密啲做伴，但最終都可以提供到各自一間房，咁就ok 啦，唔算窮人生仔都唔駛pk嘅…
但黎到2020，做父母嘅無本事送小朋友出國/移民，已經斷送咗小朋友前途，本身唔窮都會pk了…
利申：係pk 
先唔講唔係所有父母都咁鍚仔女，就算窮父母傾盡所有養育子女，最後比到既都唔一定係好好既環境同資源。同埋我覺得唔可以一刀切，話讀唔成書一定只係子女能力問題，都有好多其他因素。有錢讀直資名校，冇錢讀普通學校，師資都好大分別啦。如果大家都成績唔好，有錢家庭仲可以請私人補習，但唔係個個窮家庭都請得起。再講如果父母付出有限，又點解覺得子女單憑個人能力就可以出人頭地？
讀書係其次，窮人家庭既問題更多係限制左小朋友發展既可能性同視野。
其實你講既「人格」睇落更加似係「捱得」…而家香港社會係就算捱得，都好難靠到份工飛黃騰達。咩都肯做，日日ＯＴ都唔代表會唔窮。唔做，都可以係份工要求唔合理啫。
冇錯，親情唔係用錢計，但部分窮人父母又何嘗唔係將生仔視作穩賺投資，只係為左自己老左定期有錢洗？
5個讚
中
所以生活太緊就最好吾好生
生佢出黎又係要捱
你好勁啊。我只係聽過佢講。一陣問下佢係咪講緊呢套野先。。。。。
近排有一集港台節目就係講窮人仔女疫情下的上堂情況，有啲真係窮到無得上網，唔識睇學校信息，其實呢啲我真係覺得唔應該生，好深印象，個小妹妹個個都讚佢醒目，讀得書，但上到初小已經因為唔夠資源變左追唔上，真係有天資都無用
3個讚
我問佐佢。佢原來冇睇過呢個programme.佢話可能係連登仔講過。不過我頭先click入去睇過你條link.原來成個story係咁樣。頭先我同佢傾時(因佢讀果間都算鄉下地區名校)。佢話只有好agressive既人先上到位。
捱得唔係唔好，不過長期捱都唔知為乜
畢業想揾個錢進修都冇，焗住做份冇前景嘅工…因為家累唔敢轉工，我覺得呢d慘架
1個讚
係、 我有朋友係放假冇事就訓醒打電話落大浪灣定邊到問今日啲水平唔平、ok就落去滑水、呢啲生活水平真係佢出雞我出豉油都支持唔到。
當日識佢、係因為佢係老闆啲親戚、嚟公司做左半年、當年幾個後生女嘻嘻哈哈日前夜見所以先熟。跟住幾個朋友年年約生日飯先做有聯絡。
去旅行、佢會比到好多食好住好的意見
2個讚
唔係今次疫情、父母可以同佢去圖書館、一樣有需要的資源。 好多中心、綜緩家庭小朋友係免費補習。
問題係、父母識唔識咁做。
上網問題我又唔明、窮到咁一定有支助。我有朋友生四個、同老公扮離婚、佢話一年上網費資助都六千幾。啱啱果三千五、出咗成萬幾、買左兩部炒價switch 打機
學我朋友話齋，窮人捱係為生活，富人捱係為享受生活。
我幾怕d人話後生唔捱得…點解唔問下點解要捱？我出$3000請人，話比機會後生仔去捱？講到尾咪揾人笨
3個讚
呢d人會有進步咩？
有時又唔係淨係睇錢。
有朋友、結婚時買左樓上車、小朋友上小一時全部測驗得幾分、英文A-z都搞掂、出左去做左幾個測驗話疑似學障。
朋友本身都揾幾萬、到小二時情願唔做、唔要姐姐賣樓全職睇實小朋友、好多人話佢兩公婆傻、但自從朋友睇返實自己小朋友、呢兩年成績起碼及格。（好明顯唔係讀書財料、有多口人話唔做野教都係讀成咁不如做番野冇咁嬲。）
朋友自己都話、自己小朋友唔係讀書叻、但唔想佢由細到大都拎住幾分做人、咁會好冇自信。佢同小朋友温默書、係做曬動作、跳曬舞咁幫佢記得啲字點串。
佢唔係要谷到小朋友做band 1, 但起碼成績中游、見到小朋友係自信左。
日日陪佢打波、睇書。 自己再freelance 每月揾千幾至幾千幫補訓練同興趣班支出。
1個讚
你呢個case完全係證明無錢唔好生喎
基層手停口停，唔返工邊有錢？同埋佢哋點會有自住樓可以賣
6個讚
咪話自己佛系養、同埋比小朋友自由發展
獨立同孤立係唔同架
我都有睇呢個節目。我小朋友學校都有D咁既家長，所有電子通告唔睇，只會睇實體通告；有關學校或學習既資訊過左一星期先至係whatsapp group 問，感覺唔在乎小朋友既學習，而呢類家長普遍都係攞綜緩。而點解我我佢攞綜緩？因為佢哋係家長group 成日問係咪攞綜緩就可以免費參加活動/獲得資助
1個讚
最慘係佢媽拎綜緩，有時間但唔識教。其實佢媽都算好識搵野俾個女學，免費補習班，免費樂器，但佢媽都講，免費唔係期期有份，抽唔中就無得再補習，免費學器又唔係個女想學嗰樣，所以呢啲位就真係無錢嘅無奈。