我老公都係淺藍半紅
上年直頭要避講政治呢個問題
一講就鬧交
99 好喜歡講食少少唔怕,乜都試吓
同病相連
還好喺第日照顧BB方面我同老公都係同一陣線
我99都係咁,尋晚仲High high地叫我一齊飲酒,一罐半罐唔怕,我拒絕佢,佢仲喋喋不休,最後俾62話
唔通我同你係同一個奶奶?(喂)
我依家大緊肚我99叫我魚生都照食
話飲杯熱水就冇野喎
我話唔好啦 佢就話我好咩都唔食 話新鮮嘅有咩問題
可能係失散咗嘅姊妹
我99都成日話乜都食啲,唔怕唔怕,今朝先叫我飲齋啡…
但我話生BB前最尾個月可以食西瓜涼粉呢啲寒涼野就話唔好唔好
我好期待西瓜涼粉嘛
嘩好難捉摸
我係比飲酒但係唔比食辣嘢同海鮮,因為驚皮膚唔好
好多99話可以同唔可以嘅都好飄忽,所以有懷疑我同老公都係問Google神算
大家嘅99都一樣
我依家先5個月多啲
佢已經叫我清下胎毒同埋唔好飲咁多水
話我已經有水腫
我個日忍唔住問佢邊度腫
係咪個肚腫左
好有趣嘅99
感覺會泥足深陷,越嚟越精彩
辛苦你了,Bb千祈唔好俾佢地洗腦
我奶奶明明好後生識上網都唔問google, 成日聽啲老人家亂up,仲太無聊成日好心做壞事
無啦啦係生前4個幾月去煲薑醋,話人地阿婆話要早半年,已經遲咗⋯ 但佢煮嘢唔好食,又求其買啲薑醋汁,我一心想買悦和嘛仲要我阿媽識煲又住得近我⋯
早排又話發咗啲海蔘,發咗幾個星期又無拎過嚟,我估佢諗住等我生咗先煮,咁好心等我生先發啦⋯ 幾日就發到,駛乜發幾個月⋯ 樣樣都擺幾個月,我真心唔敢食,陣間肚屙惹埋俾阿B,我腸胃本身都敏感⋯
但願
你99都好緊張喎,我99就應緊唔緊
我99基本上都唔理BB野,但就鍾意加把咀唱反調
佢都有問我媽媽會唔會買薑醋,我話我媽媽打算自己煲,佢竟然話我媽媽自己煲嚟派咁把閉
聽到我反晒白眼…
佢成日緊張係唔應該緊張嘅地方,錯晒方向。佢得閒而家不如過嚟煲下湯煮下飯,或者買下生果都仲有用,佢做嗰啲嘢,全部都唔駛咁早做;太早做反而有變壞風險⋯佢好心,反而搞到我受氣⋯
其實佢俾少啲意見就得,乜都唔駛做。
早幾日又批評我地買咗嘅衫,叫我地之後買要淺色啲唔好咁深色⋯ so far 買咗淺黃同淺藍,我唔明有咩咁深色囉
我99連我同老公着咩內衣褲都要理要管,有時返屋企會發現冇啦啦多咗一堆唔合身或唔啱款嘅新衫褲,有時會唔知點解多個櫃… 我哋唔接收又唔高興
咁你奶奶嚴重好多你咁都唔反枱咁勁
呢啲小事仲可以靜靜雞處理到
99本身有焦慮,自己又曾患抑鬱症,所以冇咩事都唔想太勞氣,不過都試過反枱,嗰次大鑊好多
話說我同老公兩邊都兩親友,婚前已調協好夾年出席婆家(大陸)或娘家(香港/大陸)新年家族聚會,話就上年輪到出席娘家聚會,老公又見我有幾年冇見過我媽媽大陸嘅親戚,所以就特別選擇北上啦。
事件完咗之後返到嚟99就大吵大鬧,鬧我哋做乜上大陸又唔去佢嗰邊,又鬧我要老公新年流流去我娘家攪到老公冇晒地位!(What?99你夠年年都捉62新年返你娘家啦,62點算?)老公聽到佢咁講真心嬲咗,鬧咗幾句99跟住就上演一哭二鬧三上吊嘅戲碼,又話要死又乜又物咁…