為母則強，慢慢努力
只要老人家係無惡意的（好似我奶奶咁，純粹只係鍾意講講講，但無惡意的），通常我聽完哦哦哦就算，再唔係就大叫「老公，奶奶問點解唔同bb剪頭髮喎」，拋返個波俾老公
如果有啲野真係要講的（例如一啲規矩），可以溫柔而堅定咁同佢講（面帶笑容眼神直望住佢咁講，呢招最work），同埋最緊要對事不對人，咁樣大家都會舒服
當然有時老人家都係想表演下啫，咪順下佢意，呃下氹下，咁就大家都舒服又唔會委屈啦
1個讚
嘩～～～跌落地仲食
呢個唔得喎！
點解女人都可以咁污糟俾我直頭唔會一齊食飯唔會俾佢過夜啦
呢啲聊交嗌舉動我都係極度頂唔緊
經常會無意激親自己 
不過今日之後學下得啖笑先
就算我個心係咁諗都唔可以做到咁絕，話晒係奶奶黎。所以我叫左佢個仔自己再教育佢阿媽。呢件事上好在老公都認同，因為衛生問題真係會影響個女。如果老公係豬隊友就麻煩。
其實我奶奶家居清潔做得好好，佢好勤力打掃，屋企好乾淨，不過個人衛生就真係「老人家」囉。
非常認同。我阿媽都仲好D，佢成日話我唔識教女，湊得個女唔夠好，但我響佢面前教女時佢係唔會多咀，只會事後哦我。
但奶奶就好麻煩。我同老公教女，佢係要加把口幫我個女搵藉口，係唔係都話「一陣比粒糖你」，聽到我老公把幾火叫佢阿媽收聲。我試過拉埋奶奶一邊話比佢聽阿女衰乜點解要教，但佢都係聽唔入耳，總之個孫喊佢就覺得我地做乜咁惡，點都要氹返佢。真係好勞氣！有時我就係寧願佢唔好成日過黎！
我都預見到自己同BB嘅未來
未有BB已經有好多磨擦…
未生已經意見分歧…
好有同感
我依家都係
未有個時都可以當佢發下UP風
依家陀緊有時佢啲說話都幾UN耳
係咁話佢當年點點點
想我用返佢當年個套
仲話要拎返佢個仔bb個時條揹帶出黎用
連我老公都忍唔住同佢講叫佢唔好再想當年
1個讚
尋日99先為咗堅持BB出世瞓覺要用枕頭嘅事而發脾氣，又話以前啲BB都係咁用，唔用枕頭BB瞓得唔舒服呀，又話個頭會瞓到變形點點點呀… 話現代嘅方法唔一定好，要我信佢嘅傳統智慧…
信就真係冇智慧喇…
1個讚
同佢講知唔知咁多年黎全世界有幾多bb係畀枕頭焗死，其實長老湊仔嗰套都講緊幾十年前，地圖都每年update啦何況湊b，仲成日舊時舊時咪只係唔肯接受新事物既藉口
好慶幸自己媽媽唔係咁，雖然都會有守舊嘅一面，會接受新事物，仲為咗BB走去上陪月課
我同老公都諗緊可以點做先同99有效溝通到… 99只相信佢堅持或佢想信嘅野，老公又唔想下下都要鬧佢令佢屈服，但好聲好氣又聲唔入耳… 我同老公都會經常夾戲扮晒話產檢時醫生話建議咩咩咩 / 呢幾編醫學文或微訊文章講咁咁咁，都係冇用…
如果老公係度，有時都可以stop/糾正奶奶，最慘係得自己同奶奶兩個人的時候，自己阿媽都可以話下，人地阿媽點得⋯始終唔同
而家都還好，唔駛成日見，之後先大鑊
1個讚
我同6299同住…
尋晚先又有意見…
辛苦你，真心唔容易甚至難頂 
有冇計劃搬出黎？
想咗好耐…
租又唔抵，居屋又抽唔中，買私樓又太貴
個個99都煩，思想同見識同我哋差太遠，有時真係好火，但見到我6299年紀咁大，淨返日子唔耐，忍咗就算喇，唔好太計較
尋日買咗新孭帶翻嚟研究下學下點用
99就一臉嫌棄話第日佢湊BB求其攞塊布綁住咪得囉！
嗰刻真係有啲躁，係你都唔好講出口啦
好唔想俾99湊呀…
我老公俾99攪到越嚟越紅
而家一播新聞就要聽住佢兩母子發噏瘋
好彩62都仲會明示暗示叫佢哋收聲
我好驚第日BB跟得99多會變小粉紅呀
老錢係紅… 
你同佢傾多d枕頭計潛移默化佢，無理由聽阿媽唔聽晚晚瞓喺隔離仲幫佢生左個嘅老婆架
冇用，每次枕頭傾講到政見嘅野佢就會收線，我亦會抑鬱到喊，根本傾唔到落去，佢認同政府廢到核爆同警察都有錯已經好好，但唔知幾時開始佢竟然由淺藍中立L變咗紅… 可能係疫情期間佢HO日子多，不斷俾99洗晒腦。老公從來只會喺政治立場以外嘅事會同我同一陣線…
男人的確唔可以同媽媽一齊住，會長唔大
1個讚
我都忍咗十幾年
最佳方法係唔好見