係咪一定會發生?
有什麼事發生左令你有這感覺?
大家同住嗎?
唔係同住呀,不過婚前試過同住關係好差,都好多年前。知道性格好唔夾,佢好煩好鍾意講嘢,乜都鍾意俾意見⋯ 我本身就好怕人煩
同我果個一樣
最討厭係唔關佢事既野都會幫你做埋決定
佢會多野講。但要你跟佢意見做嗎?聽左算,跟返自已做法可以嗎?
會比意見,同一定要你跟住做,是兩回事。你個是那一種?
生左先係惡夢既開始
要睇下你老公取態。
佢係偏父母多d,定你多d?
你老公處理得好,你日子會過得好d
認同,我都會對奶奶啲說話覺得唔耐煩,
但我老公會主動出聲幫我擋,
咁我奶奶就唔會再出聲。
我諗試下同你老公傾下你既憂慮?
係生之前傾下先,總好過生左出黎有事先諗點解決呀
同你老公講清楚等佢handle 返自己阿媽,唔好諗咁多,船到橋頭,婆媳糾紛係文化黎,唔多唔少都有,我生之前完全同奶奶各有各生活,唔使多見,生完之後奶奶唔幫手湊,但就成日當個孫玩具咁玩,一得閒又要黎同個孫影相send 去啲朋友group到扮好嫲嫲,自以為個孫好痴佢(其實用嘢食引個孫理佢),當我屋企好似玩具反斗城咁,現在疫情,唔出街唔使見,我生活得更自在
我老公都覺得&知道佢阿媽好煩,但要佢幫手湊無計,佢話你由佢up啦,如果佢唔肯湊仲煩。
有時佢意見同個仔講就可以唔理佢,同我講點都要應佢。
其實佢唔係衰,只係真係好煩。例如我買咗bb衫,俾佢望下,講咗有特價買,又不停望住原價話又貴又唔靚,點解唔買日本貨,佢之前send俾我日本貨咪仲好⋯ 一來我覺得著幾個月就唔啱唔駛著太貴,二來唔係日本製唔等於唔好姐。
又例如買咗架餐車,諗住方便餵奶同沖涼,佢又話做乜買咁大架嘢係屋企咁阻位etc
煮飯又話我成日食豬,又話要我地買牛𦟌煲湯,又話要我地食呢樣嗰樣,但明明佢餐餐出街食,煮飯都唔叻⋯。我鍾意食王林蘋果,又話叫我地食另一隻;我慣咗批皮食,佢又話唔駛批,刮咗果蠟都得⋯⋯ 總之乜都要俾意見,其實好少事,但我地咁大個人,聽得多就覺得煩,咁每個人習慣唔同,我地鍾意點咪點囉⋯
佢個人真係無乜嘢, 但把口慣咗乜都要俾意見同批評,聽完令人心情唔好囉
我奶奶都係,你做A,佢就話B,好似佢個套必然係王道咁。出發點係好但方向錯錯地,令人好無奈
真係生完先係惡夢開始 尤其坐月時 有好輕微產後抑鬱都完全係因為佢 成日好煩比意見 聽到就好炆
問題就係宜到,可以想像到你生b後,佢會當正自己先係老母,乜都管。
到時更多問題,好好諗清楚係咪畀佢湊。
聽到都覺得好煩
忍耐下啦,我老婆同我媽兩個脾氣都麻麻,未生仔都好d,生完之後好多衝突。而家儲近錢買樓。搬咗會好好多。
如果唔洗佢湊都好啲,最多間唔中見吓面
叫老公同佢講下
做父母拎唔到個主動權就慘
個仔女變到係佢仔女咁
同我奶奶一樣,咩都關佢事,咩都要管,我地唔係同住,佢上親黎都會裝我地D衫,就連我著咩底褲,都要比佢話
要睇你需唔需要佢幫手…
如果擔心有婆媳, 可唔可以少D接觸???
樓主係咪有左BB, 有左就唔好想太多…
安心養胎…
我同6299同住, 我覺得一定會
始終佢地嗰套同自己嗰套好唔同
我99係一個極度中意小朋友既人
我已經feel到佢一定會寵同埋會餵勁多野阿B食
不過樓主唔同住, 應該差好遠既
加油呀, 如果樓主依家有左BB, 唔好諗咁多啦
點煮到埋黎咪點食
加油