我唔同99住，一至兩個星期見一次面都會有糾紛。
我99好順得人，我又習慣大家庭長大好多事都忍得。基本上我地兩個關係非常唔錯。冇細路好多事都吞左去，但有小朋友…紛爭可以話無可避免。始終大家價值觀唔同，如果你要99幫手湊，實要隻眼開隻眼閉，但個心又唔舒服；如果唔洗佢湊，就更加唔會忍佢插手教個小朋友。好似有時我同老公教女，99硬係要加多句，幫住我個女搵藉口，係唔係都塞粒糖比佢先。講真，我嬲佢仲嬲過個女曳。
我就係好擔心bb出世後先多糾紛，而家疫情好少見都好啲，自己阿媽我都可以出下聲，人地阿媽就唔得。
我仲有隻狗仔，不嬲都當寶咁養開，因為我阿媽唔鍾意狗仔，但奶奶都錫開佢，同埋奶奶後生過我阿媽好多，所以佢會幫手湊。
而家間中見一次，每次見我都覺得煩，唔敢想像遲啲坐月差唔多日日見
Exactly [quote=“harris, post:12, topic:19507, full:true”]
真係生完先係惡夢開始 尤其坐月時 有好輕微產後抑鬱都完全係因為佢 成日好煩比意見 聽到就好炆
[/quote]
我真係未生都已經糾紛咗，因為我死都唔肯俾佢哋湊 
同我99一樣咁煩，又係把口講唔停，又要干涉我地生活，咩都要聽佢指示，冇一齊住，生左唔好俾佢湊已係最好嘅安排
我諗有啲位我地可以堅持，我老公平時都會話下佢，但遲啲返工都係要靠佢湊，我老公唔肯請工人。
佢會不停俾意見，最煩係佢好鍾意講嘢，所以週圍拎晒鄰居親戚嘅意見（老一代嗰啲），又話要咁要咁，講咩topic 無論佢識唔識，都搭嘴搭到乜都識咁⋯
同埋好鍾意問到督，例如朋友食飯，又話我老公有咩人出席、食咗咩etc； 朋友俾咗啲物資我地，純粹update 佢，費事佢又週圍問人拎，佢又要問邊個俾，我心諗朋友咪朋友囉，我地朋友佢都唔識㗎啦⋯⋯
你決定左俾99湊？
如果你99真係咁多主見又咁大女人，你真係要睇開啲，否則日日開火
大前提你99係咪一個乾淨嘅人，呢個真係底線，其他嘢都可以忍，呢樣不能讓步
我帶bb去99度食飯，bb食到通地都係，佢執返啲大舊嘅食物俾阿b食，我出聲話佢，佢反駁我太緊張，地板下午才拖完
又話太乾淨，bb好易病
放完產假，我份工就算resign 點都要返一足月先走得，其實諗緊之後仲做唔做嘢，但佢開頭點都會嚟幫手，陪下狗仔都好，所以都預咗個產假差唔多日日見㗎啦
不過佢衛生都ok 嘅
盡量減少見面，過節先返去
我以前都覺得99衛生OK，但自從有個小朋友之後就留意到好多以前冇留意既嘢…
1, 99唔用公筷，就算一開始用，夾夾下又用返自己果對筷。
2, 佢用自己食完既湯匙響阿女碗湯水度搞黎搞去…
3, 明明係食Pizza, 一人一塊，佢係都要用自己隻叉叉走佢果塊唔要既食材落其他pizza度
4, 大家share一碟黑醋食麵包，個個都meet個麵去點，佢就咬一啖之後用食過既位去點。
5, 明明已裝好留起既餸，但大家食完飯有餸剩，佢食到唔食之後，都要夾返落去留起果碟餸度。
6, 唔冚廁所蓋，冚蓋係我好細個已有習慣，99 有時過黎過夜我同老公都分別提過佢。有次仲要比我聽到沖左廁先有冚蓋聲…要成日提住，其實我都覺得煩。
7, 響廁所吐完啖，掂完個廁板唔洗手，要不斷提佢。
我99已經唔係同住都比我見到咁多衛生問題，最慘講完又講又唔鬧得。我已交比老公自己教育佢阿媽。其他嘢可以隻眼開隻眼閉，但衛生問題真係唔得。
唉，99喺衞生呢part真係令我極頭痛，
淨係你講緊嗰啲，我99都全部中哂，
仲有用抹枱布去抹地，自己飲緊嗰杯茶又餵阿b，
自己咬過嘅食物又餵，我完全睇唔過眼，出聲話佢又俾佢反駁返，佢話佢已經思想前衞，佢話以前佢99嗰代餵細路係將啲食物放喺咀咬爛再“筆”返出嚟餵細路。。。我頂佢
但係咁樣可以避免之後嘅摩擦同激心
呢個真心好彩，好彩企硬
我有一刻有少少動搖，因為佢哋湊既話，時間上我的確慳好多，咁有多D時間休息
點知佢哋見我有d動搖，以為得米
然後62串串貢咁叫我哋要早D講清楚(佢呢D人係好衰，唔搵佢幫手就話唔尊重佢，搵佢幫手就巴之閉咁)
我99就話要請姐姐 (頂你，我請姐姐仲駛鬼你湊)
結果，我知如果我俾佢兩個湊，我做硬下靶
然後我俾咗我媽湊，將請姐姐舊錢俾咗我媽
呢個我稱為成世人做得最啱既決定
4個讚
想請問係咪淨係請姐姐夠，先生話點都要有老爺奶奶幫手睇住
生完之後我直頭睇我99唔順眼
我無比佢湊，但佢每次探bb都質疑我湊b手法
又話以前唔係咁咁咁
大佬，時代會進步架嘛
我行blw佢話我痴線
我教佢飲水又問點解唔比檸檬茶甜甜地BB一飲實鐘意
係必然有，只會係程度多與少
我ftm無長老無姐姐，自己一手一腳搞掂兩個小朋友，有時都有說話聽（兩邊長老都有份）
所以要學識左耳入右耳出，唔想聽就唔聽
最緊要就係你老公識走位，咁會少好多爭執
1個讚
真係至理名言，我要到一年後先領悟到。
好多時真係唔使太認真太聽話。
呢句係真，認真便輸了
而家又成日拎我個BB同人比較，成日話佢點解未識行，人哋邊個邊個個孫已經好穩陣
人哋個孫成夠飯咁冇反應你又唔講
結果我俾說話佢個仔聽，再由佢個仔駁咀
1個讚
衛生問題真係中晒，不過係我阿媽 佢鄉下長大教唔聽，不過佢間唔中先過嚟玩下B。 同埋我好怕我阿哥教緊個女，我阿媽成日插手又話個B仲細，點識咁多嗰啲，父母有自己教育方法，唔同佢幾十年前嗰套啦
有時同老公講太多，佢夾係中間都好難做，盞嗌交，但奶奶嚟幫手，有咩我又要忍，所以要上嚟呻下