我奶奶都係呢種人，我懷孕同小朋友細時成日嚟做家務，但就樣樣啲擺位同用品都要係佢自己話事，連鑊鏟放邊之類都要管，仲有又唔接受我講嘅嘢。
到我小朋友四年班仲要日日嚟睇我啲飯之後先俾我送去小學，又成日話自己整好過訂飯，但我小朋友係好想訂飯！於是我都「管pair」,日日煮一模一樣嘅飯。後來我老公知道後，同奶奶講我小朋友以後喺學校訂飯，我奶奶又扮晒嘢話佢無講過唔俾訂飯！
仲有好多嘢。總之個個奶奶都控制狂
仲有我七八年前成日自己整糕點，佢就話唔好整，有次我整咗啲自製烏冬俾佢，點解佢發爛渣！唔要。仲有同期佢又自己整包，勁難食，我朝朝收到佢啲包，都要扮多謝，俾大女食（佢最唔識守密），我喺背後丟曬我自己同細女嗰份，大女返咗學，我就帶細女去麵包店買早餐。諗返起我都覺得好搞笑
冇辦法，鬼叫大家都搶走咗人哋個仔咩
我99成日都好想約我爸媽一齊食飯，但呢啲飯局我心中有數啦，佢一見到我爸媽就自吹自擂發噏瘋都算喇，仲要專登同我爸講話我唔會做家務（咩呀？我日日放工返到嚟都做喎，只你未放工睇唔到囉好冇…）但我爸好波呀
即時回應佢話：「係呀，我好錫我個女㗎，所以由細到大都唔做阿女做家務㗎」
婚後我都無再約兩邊父母一起食飯，有次初三話去我爸度拜年，我話佢有親友上嚟拜年，推咗
99次次約我次次推，因為真係好恐怖
但就有次老公唔信邪玩花式自殺
竟然約四大長老去旅行，仲要唔跟團玩自由行…
結果99全程唔係呷醋就係發爛炸扭偈
我就梗係care自己父母啦，食花生食到滯…
嗰次之後老公就誓神劈願以後冇必要都唔俾99同我父母見面
1個讚
好勇呀你老公
我未結婚前都有同老公一家去過旅行
又係去到西口西面，因為大家行嘅嘢都唔啱
之後我99自己都say no話唔再一齊去
一聽已經自殺式行為淨係同一對長老已經難頂，仲要兩對長老
老公將一切諗得太理想太美好
人都係要從錯誤中學習嘅
講出個重點來，思想見識差太遠，
跟唔上時代，但都係念在佢日子唔多就算，
日常少接觸，真係好過份就出聲
好大穫，真係要想辦法搬出來，小朋友第時好易被洗腦
我諗9成9都會出事 
可預見嘅將來，唯有見招拆招
呢類奶奶真係會好煩，你最好同老公講定，坐月時想盡量避免奶奶出現，你想休息，坐月時真係好易抑鬱，如果奶奶成日比意見，會好影響心情，我就係因為咁有產後抑鬱，之後好抗拒見奶奶，我老公又唔明，幫住晒奶奶