所以我覺得, 兩年後嘅事兩年後再算, 要相信自己嘅決定。到時可能你另一半人工高咗你可以繼續做ftm, 又或者好順利搵到工作, 未來嘅事唔好擔心太多, 要活在當下。有老爺奶奶幫手, 已經好幸福。 我當年都係, 不過我就無做ftm, 坐完月就即刻搵工喇, 不過我同你情況又唔一樣嘅。
我覺得咁樣可能更加美好, 我Year 1 X’mas 知道有咗, 下學期就退咗學喇。現實係殘酷嘅, 無屋企人support, 好難同時兼顧學業。
有d可惜，school life我到依家做左人呀媽咁多年我都回味緊。。。。。。anyway個個人生都有唔同重點，可能我唔翻full time都係損失緊，無係職場創造自己一塊領域。
1個讚
你依家會覺得同朋友有脫節，佢哋食好西去旅行，你回家湊仔，餵奶，佢哋行zara，你就行mother care
話題唔同，風馬牛不相及。
但過幾年，當你身邊朋友都結婚做媽媽時，你就變成佢哋既專家顧問，有乜湊仔難題都揾你，因為朋友中你最有經驗，到時大家又有共同話題。
我都係早生，畢業之後做二，三年工就生仔，朋友們仲係拍緊散拖，但兩公婆搞得掂，一直無求人就唔使理人地點睇，依家我朋友先剛剛陀bb，我大嗰個已經上小三，先苦後甜，到我仔女大時候，我先去玩返失去嗰幾年時光，我都仲有氣有力
1個讚
我朋友10幾歲就生b,而家個小朋友就大學，我個先小學。我朋友有樓有車。所以早生遲生，最緊要識諗。
好羨慕，亦好佩服你
早啲生bb，真係多啲精力陪佢地，同埋無咁易有代溝
最重要係，唔使理會別人的目光，做好自己就好了，好媽媽係不輪年齡架，加油
2個讚
我之前情況同你有d似，岩岩出來想上得快d, 叫係搵到份好少少的工，要捱要博先上到位，但做左大半年就迫住辭職做ftm。做到1歲後排到嬰園，就出嚟做返working mum, 冇工人，家人幫手接送下，其餘自己來
搵工其實視乎你係咩專業。我唔算好專，老實講，我空白期後都搵左好耐先搵到，以前哥行工種真係做唔返，因為工時太長，而家重心已經放起家庭上，我只想準時收工，工作量適中就算，人工係差咁d, 但我有多d時間可以放起家庭上，返工又可輕鬆d搵下育兒教學資訊。重可以讀course同發展第二事業，都算係一條出路，唔一定做返老本行。
睇你點調節事業心態。對我來講，親子都係我的事業，之後讀書重多野操心呀…
另外後生生真係體力好d可以多d精力陪佢玩，人哋話後生生仔,bb健康聰明d
你好堅強吖～希望我都可以好似你咁
但願我啲友情可以last for咁耐啦，始終我已經有成年冇聯絡大部分大同中同…人哋嗌我出街又去唔到，恐怕最終都會被遺忘
不過，可以分享經驗，幫到人的確好開心，就好似有時我都可以以過來人身份喺bd解答一下人哋新手媽媽問題
你朋友係十幾歲就有樓有車？定你意思係生完都可以搏殺？
我讀嗰科都其實唔係話易搵工，不過都算彈性，我本身都唔係太care要有咩特別事業大道，只要穩定工作夠洗儲到錢就夠，本來以為自己唔重家庭，生完先知唔係咁，起碼我都會想自己教佢照顧佢
後生生有後生好處
我21歲生大女，27歲生細女，經濟可以30歲前可以追多件好過仲高齡產婦，起碼仲有氣力同小朋友跑跑跳跳，我意外有第一胎，仲要閃婚，結婚仲比人問我夠18歲（我有童顏，到今時今日仲比人當家姐
），我17歲出黎做野，一直做到23歲就無做野，做FTM而家得閒幫老公公司做野（在家工作），但預咗一世做湊女婆
唯有兩件大，去學下野唔好同社會脫節
我意思是生完都可以搏殺，雖然開頭會辛苦D,但當朋友們三十幾歲才第一胎時，你個小朋友已大學，人地要努力儲錢時，你可能已經儲到一大筆錢了。
1個讚
其實冇人保證到。不過你愛佢既心，係會得到回報的。我呢啲老媽媽反而因為自己太多負擔放棄唔到自己份工。
好好支持老公返工，你後生。搵工我又唔覺得會難。但怕你到時唔捨得。但如果俾佐屋企人太大負擔（如果家人都夠支持就冇所謂），就諗下點走。
其實係仔學校我都好鐘意啲後生媽媽，你地有好大既活力同熱情。
目前喺6299度住，都係99煮飯俾我食，我有講過「等bb大少少搬出去」之類嘅說話，想bb多啲活動空間，但佢又好似想個孫同佢住咁。
如果睇住bb大。會唔捨得。當然如果係為個孫好。都應該會幫你地。
如果同6299相處到，99又幫到手湊bb,可以早d出去番工, PT 也好，一來儲定d錢,幫輕老公又多d安全感，二來唔會脫節，三來唔使全日對住bb和99，當休息下
1個讚
同年紀係無關，唔負責任嘅媽媽幾多歲都有，2年之後你都仲好後生，搵工只要肯做肯搵，大不了再進修，只要你而家經濟無問題就ok了
齊齊整整有個家，將來一定好。咁後生前途無限，有好多可能性。
我相信你都做到ga, 為母則強
以家諗返轉頭, 辛苦嘅過程都係人生嘅一部分。
1個讚