好想知大家會點睇嗰啲畢業冇耐/未畢業就有咗嘅媽媽，好似未有經濟能力就生咗佢出來，一切都要見步行步，啱啱有份工但因為決定做兩年ftm辭咗職，眼見香港咁樣我有時覺得自己會唔會太天真，太睇小養大一個細路嘅成本同艱辛。
但我當初真係做唔到落仔呢件事，個bb係意外有嘅，(做安全措施but.）而家都好努力去學點樣湊bb，都感恩佢嘅出現改變咗我，比以前活得開心咗，老公99都好肯幫我，本身應該好感恩，但我呢排睇到隔離登係咁鬧某啲後生仔女「咁早生不知所謂」「自己受咪算何苦連累下一代」成日好驚自己會害咗佢，有時半夜忍唔住喊但唔敢俾佢哋知…
又會好擔心兩年後自己會唔會好難搵工，冇工作經驗又半脫離社會咁，好驚會冇人請。
到D仔女大晒，你仲係好後生靚媽
都係緣份，只要努力做人比心機教小朋友，無論咩年紀嘅媽媽都值得人尊敬
唔洗理人點睇，自己生活到就得…宜家選擇做ftm，唔等於以後都係咁，係職場起點遲啲啫
早生都有好處
到仔女長大
你都仲係好年輕, 可以享受人生
我覺得做人有得有失，當然太細，畢竟在財政能力同成熟會差少少，但同時又唔代表40歲做父母一定冇出錯者…既來之則安之
好羨慕人咁早生
先苦後甜
人地第一次做父母雞手鴨腳緊你已經上岸
唔會因為人地既人生選擇同我唔同就話人
我自己選擇暫時唔結婚 + 成世唔生仔姐, 唔等於人地都要同我一樣
每個人想要既野都唔同
不過個人覺得經濟都係一個好大既問題黎既…
香港地窮養真係好蝕底架對小朋友…
後生唔係問題，最緊要無經濟壓力，起碼養得掂自己同BB, 一畢業就生BB，你啲朋友可能可以周圍去玩，你只可以湊BB, 但你仲後生，可以的話出去做下野，見下世面，增值下自己，無理由一世就做黃面婆。
實際上就算遲生，一樣有啲不知所謂嘅父母。我身邊就有三十幾歲嘅朋友，做左人父母一樣理財超差一身債。又有個朋友一日到黑向仔女面前食煙講粗口，縱容個仔打他小朋友，驚死個仔唔學壞咁。真係唔係年紀大就識教小朋友嫁。
我覺得無嘢係絕對，每個人有自己嘅選擇，冇話後生定年紀大做媽媽就一定好。
我有舊同學一讀完教育學院就大肚，佢生完有不斷進修，而家响名校教書，佢好滿意自己生活，佢個女都大學畢業了
兩個兩姊妹咁。
另一個係朋友個妹，個個話佢未夠19歲就生B一定後悔，又話全家得佢一個讀唔到大學。但佢好努力學做媽媽同太太，佢生咗三個，佢啲小朋友全部好乖好有禮貌，一家好好。
早咪早囉, 係上天的安排.
我算後生生小朋友，一大學畢業就生
咁我又細粒喎，睇落仲細過d
去做產檢時，已經有師奶問我是否讀緊書
到小朋友讀小學，有八婆家長的小朋友係我小朋友面前講！「你唔好學你阿媽，未讀完書就生你！你俾心機讀書啦！」
我小朋友不是省油的燈，答同學「我阿媽讀完大學先生我㗎！」
現在女人40，已經可以放低小朋友，同閨密去旅行！又可以同小朋友一起shopping 買衫，阿女會俾意見我㗎！
那對耳環靚，那個袋好襯…etc
後生姐係幾細先？
我覺得大學畢左業就冇問題，連登個post我都有睇係咪17歲生果個？
佢地鬧主要係因為個媽媽都未有經濟能力養到自己，點養小朋友？同埋有左小朋友搞到自己要輟學他日又點搵份好工同教小朋友做功課？
當然屋企有錢就唔係問題
同埋家庭support好重要，太多case+我身邊有個朋友又係讀緊書生小朋友，生左冇耐就同男朋友分開，因為大家都唔成熟亦未準備好成家立室
上天嘅安排，唔洗理人點睇，好好生活，先苦後甜啫，加油
工作方面睇返你經濟情況，如果冇問題做兩年ftm都ok
但如果好似連登果個要住劏房又住公屋咁，就儘早出黎搵錢，養個小朋友唔平
冇咩特别。
唔好仲係中學生就生仔，就OK。
反正都懷了，那就好好地照顧孩子
將來妳會得到前所未有的滿足感 
God Bless your whole family
如果經濟上負擔到我覺得咩age 生都ok
要其他人金錢上照顧就唔係太好
後生生有佢既好處
我朋友未到三十五個仔讀中學、試過比老師同學以為係阿e/家姐