我係怕到時同fresh grad嘅爭會難上加難 本身個人比較悲觀
年紀不是重點, 能成熟處理問題, 好好教導下一代便可以…仔女是自己的, 旁人說三道四不用太在意呀。祝福你
1個讚
呢個真，我陀住bb見到啲同學去trip周圍食好西都down過一輪，甚至覺得自己冇咗社交…又唔敢同佢哋講自己有咗，到而家都冇乜人知，除咗比較close嘅。我都打算以後做翻嘢有多啲錢就進修咖
我都好早生b, 大學第一年就輟學, 自已有手有腳養到就得啦, 唔需要理人點睇。
我大囡同我講返佢同學話我好後生又靚女, 聽見都開心。
今年我女都升中喇, 得閒一齊行街買衫shopping, 咁樣幾好啊。
我個人唔係好接受到落仔, 不論幾歲都好。所以一定要做足安全措施, 及早灌輸正確嘅性教育俾下一代。
既來之, 則安之, 享受做媽媽嘅快樂。
1個讚
我有幻想過自己可以一邊讀大學一邊生仔，大學畢業個bb就可以去幼稚園我可以去翻工，全部都係美好的幻想。。。
好羨慕年輕就生左bb又搞得掂學習同經濟既女仔，30幾歲生仔都可以唔成熟加一事無成，一切與年紀無關。
啱啱大學畢業…我都冇乜經濟能力，讀u靠grant loan. 屋企都冇乜錢，冇support 而家係老公出去做嘢，幸好我哋本身思想都比較成熟，亦極少買嘢(講緊半年都唔會買衫)，份糧都叫儲到一大半
好羨慕~
我23歲結婚,如果果時我肯即刻生,宜家個囡20歲~我就自由啦~~
就係後生唔肯生掛住玩
如果一邊讀書一邊照顧小朋友, 咁頭幾年嘅經濟應該係靠屋企人，同埋都要屋企人幫手湊。
我識得一個朋友係Year 4大肚, 停學一年生完再讀, 之後順利畢業再出黎工作。
隔咗兩年又生多個, 以家一家四口過得好好。
1個讚
公屋啊，太早出來冇人幫手湊，太早請工人又唔放心，計落似乎仲costly，所以先暫定做年半兩年ftm，當然如果可以等bb大啲會盡量翻pt幫補下
順其自然啦，唔好諗得咁悲觀，小心你嘅情緒想法可能會感染到小朋友
我都係大學畢業禮時就陀住個女行畢業禮，果時個個同學都搵工，我就無得搵，靠我老公份糧撐住。加埋我餵人奶，其實都無乜錢要洗。後尾斷續翻下part time再一邊睇住個女到依家，無長期翻full time ，有時都覺得對唔住自己個學位，但可以睇住個女大，所有嘢親手教，又覺得好值得，我本身讀教育架，最後真係係屋企全職教女
其實唔一定要靠屋企人既，當年我一邊大肚都一邊去幫小朋友補習，月入都有六七千，加埋老公翻夜人工高d，一切都可以自己搞掂。
我都住公屋, 同另一半屋企人一齊住。仲要老公又搵得唔多, 之前佢仲失業加要還loan一段好長時間, 啱啱先還清。你有大學學歷, 我得中學學歷, 搵錢都唔多，都已經捱到個女上中學, 第二個上小學, 你都要加油啊！既然生咗就俾心機養大佢教育佢。
1個讚
我同6299住，99幫bb沖涼洗衫，其他嘢我同老公搞掂，我係做緊fyp做到傻唔知自己有咗，直到去完grad trip搵到工先知
學歷呢家嘢浮雲黎，我老公中學畢業收入係我的全職時的三倍，我成日同個女講讀大學係享受黎，唔係一定為搵錢，努力去生活，努力過日子，努力去求學問，日子總會充滿滿足感，係錢買唔到的滿足感。
5個讚
咁上堂返學嘅時候都要屋企人幫手照顧BB, 你頭先係話一路讀書已經生咗, 一畢業佢已經上幼稚園, 同final year先有咗嘅case好似有唔同喎。
都生咗，就積極向前看，小朋友上幼稚園媽媽搵PT
啱啊, 最緊要向前望, 唔好同自己過唔去, 有小朋友嘅生活係充實同有滿足感嘅。
我到時想bb翻全日幼稚園自己搵ft咖…
我話呢個係我美好的幻想。。。
事實係我grad果年六月簽紙結婚，七月就有左，十月行畢業禮。
我一直覺得讀大學時懷孕其實係個好時刻，可以一邊讀書一邊睇住小朋友。大學其實都幾free下。