奶嘴奶樽果D緊係唔好啦。
如果係衫仔玩具又冇所謂喎。尤其衫仔，其他小朋友著過洗過咁多次，乜嘢至敏物質都冇晒，幾好。同埋小朋友大得好快，尤其初生BB，D衫真係可以兩三個月就唔岩著。衫仔屋企著唔洗見人冇所謂架，加兩三套出街威威既咪得囉。與其花錢去買衫，不如儲錢讀書學嘢好過。
1個讚
絕對唔介意, 當年出世開始用, 成長過程, 只要企理乾淨唔係貼身用品用二手嘢係無問題…
1個讚
衫仔, 鞋仔, 玩具呢D無所謂
衫褲真係要好多, 個仔日日換幾套, 所以新舊都要照要, 最緊要岩身唔好過大過細就得, 比較舊既咪屋企食飯時著
除咗奶樽之外，其他物品二手無問題
衫,褲,鞋,玩具,carseat,high chair就無所謂, 奶咀奶樽呢d就吾好啦
二手衫我唔介意，小朋友太得快，到識行識走先再買靚衫
玩具更加無所謂，自己再大清潔就放心比小朋友玩，跳跳樂我都係買二手的
至於其他會入口既我就接受唔到了，換個角度奶奶都唔會用二手牙刷啦，咪玩自己個孫
玩具普通衫仔都唔介意 奶嘴底衫就唔好啦
環保d 幾好
我都會free 野出去
太貼身或會放入口果D就唔會二手啦, 但衫仔或其他用品例如玩具BB車呢D冇咩所謂… 鞋仔我會睇下係幾大個啦, 如果好細個唔會成日落地行其實都OK, 而且小朋友對腳大得快, 鞋底未蝕對鞋未變型都已經唔啱著了, 哈哈!
衫/鞋，既話我唔介意啊，仲好樂意接收tim, 因為小朋友真係大得好快，好快就唔岩用。
但係如樓上話齋，貼身物品例如，奶樽，奶咀，紗巾，我就接受唔到了。
我諗你99都係想幫你地慳錢啫，畢竟有小朋友之後，花費開支的確係會大好多。
Bb野真係會介意、貼身野唔會、唔識都有d介意、到大d就買過d2手書同車仔囉
衫仔我覺得二手無所謂因為洗乾淨都得，同埋bb大得好快，除左慳返之前真係環保d～但奶樽奶嘴就唔好二手喇～ 其他野我覺得睇新淨程度喇，例如bb床果d
當然不介意啦、有人送不知幾開心
我小朋友細個陣有d 用二手褲同衫仔，但食用同貼身內衣褲就冇啦
我女細個都系用二手野，我不知用得幾開心。bb大得好快，好快就唔岩著，不過太貼身嘅野我就唔會用二手，奶樽奶嘴都唔會（除非係朋友比話無用過）…
貼身嘢唔會, 其他例如衫褲玩具圖書都冇問題.
得一個b，唔介意，衫褲鞋仔襪仔，包括初生連身果d，玩具，地墊，圖書，high chair,網床，細個果d奶樽，全部同事，同學二手野，一個着完至下一個，之前有件羽絨有4個小手小朋友着過。長大後，底衫褲，襪買新，其他全部唔介意。
衫，家私，電器果啲我ok。但係放得入口嘅同膠製品就不了。
落地行既鞋就唔要，衞生問題，但bb鞋要黎保護唔係行既我都ok
奶樽奶咀成日用熱水浸，d膠會老化都唔會用，基本上會放落口，都有呢個問題，衫同玩具,bb車bb櫈我就會2手
衫褲，玩具同床果啲冇乜問題。
底衫紗巾同奶樽咁私人同就唔會用二手，bb有時便便漏咗出嚟會整污糟，又會嘔咁。俾著係大人都唔會要人哋啲二手內衣。
唔介意