全新衣物可能會有化學劑，就算洗完一次都可能有殘留，二手衫的好處是之前已洗多幾次。
食具和奶樽奶咀紗巾口水肩等就唔好用二手啦！
3個讚
環保意識從細培養
我自己唔介意呀
朋友俾果d照著
但奶奶俾果d我全部掉哂無著,係因為佢俾果d太娘啦
唔係掉哂,係拎左落去回收
冇咩野架,你唔想得失佢既,俾你咪照袋,返到屋企先處置啦
1個讚
我唔介意，好多衫褲都係二手，不過奶咀咁平，用二手好似唔係幾衛生
睇新舊程度同埋咩類型物品
衣物嗰啲冇咩所謂 努力減廢！
舊時啲講法話著健康小朋友啲舊衫會 容易啲養大/健康啲
用呢個諗法可能會令你易接受啲
1個讚
如果唔太舊既衫ok既，我奶奶成日話如果原物主聰明讀書叻，著佢件衫可以沾染到佢啲聰明，不過呢啲老人家迷信野我唔信，當笑話聽
大部分都二手，唔係無錢，但愛護環境，點解要下下買新，着一陣又唔要，製造廢物。
ps其實我連奶泵都係二手
1個讚
睇下係咩
3仔就無所謂
其他就no
我玩具都唔要2手
我會買新奶樽奶咀紗巾，其他無所謂個個小朋友都係寶貝唔會污糟
只限衫仔接受到，奶樽，鞋，餐具絕對唔得。
衫仔同其他用品，床仔BB車揹帶呢啲身外物冇所謂，有人送二手更好！但奶樽奶咀呢啲食落肚就唔好喇，消耗品又唔係好貴。
衫鞋我冇所謂。因為小朋友真係快大。同埋唔岩就自己再買過啦。
但奶樽冇記錯要6個月更換一次喎。因為啲膠常蒸唔可以重用。
其實紗巾咁污嘈都唔好意思俾人啦。
奶樽奶嘴都二手 
衫褲鞋二手都冇咩問題既
但內衣褲,紗巾就免喇
二手衫果d就ok
食落口果d就唔好了奶瓶奶咀no la
我唔介意衫褲果d，食用既就唔接受
介意
唔會用
我小朋友都有用二手野，high chair、car seat都係，本身bb車我都買左架勁新二手，但太大太重，賣返出去，買咗部新。我唔介意二手，有好多都好新，省返好多錢
1個讚
我ok ar, 小朋友大得快，嗰陣時都好多謝好多朋友好好俾咗啲二手衫小朋友，慳唔少。
不過，奶樽同鞋就唔好啦。
鞋二手的話，唔同腳形會着壞腳。
食落口嗰啲更加唔好，因為衛生問題。
我指的是衫、褲、玩具可以二手。
唔介意，我小朋友細時都用唔少親戚朋友嘅二手野，老人家會話用人哋舊野仲好。