距離生仲有幾個月
99已經周圍拎啲二手野反黎比個b用
但我始終唔係太鐘意比自己小朋友用人哋用過嘅嘢
例如鞋 奶樽果啲
連奶嘴都想拎人哋嘅
想問大家會唔會介意依個問題
衫仔唔介意，粗著。
底衫奶樽鞋仔個啲唔會，奶奶俾會照要，廢事煩，但唔會用。
2個讚
唔介意，除咗底衫褲
1個讚
小朋友尤其初生，啲嘢好快又唔啱，所以反而我鐘意二手嘢，環保啲又慳啲
但貼身嘢例如底衫紗巾奶嘴呢啲我覺得就一定要用新嘅，乾淨啲。
1個讚
生之前好介意，小朋友大左就冇嘢介意
而家勁後悔買咗好多鞋外套，9成9新已經要送比人
不過奶咀奶樽床舖會用新。
新手媽媽時，都係心態問題，放鬆d，bb好快大
1個讚
貼身嘢，例如奶樽奶嘴、内衣褲一定要新嘅，其他一概唔介意
1個讚
我有點潔癖，我好介意，盡可能唔用二手。
奶樽，鞋，口水肩，枕頭，奶咀及所有貼身嘅/放入口嘅我唔會用二手。
一般衫褲外套我就覺得二手都冇所謂，但都係好熟嘅俾至會要。
1個讚
睇你介意邊類二手，唔想要嘅搵你老公出聲。
唔好自己出聲。
其實衫果啲粗著無咩所謂
但要擺入口同內衣果啲真係唔係咁鐘意
諗住照要 廢事煩 但唔會用
1個讚
吾介意，但會睇下邊個比先要
鞋奶樽都唔會呀，衫褲會要，因為我個女以前喪嘔奶，一日換四套衫又洗唔切。好彩朋友比左好多二手bb衫我
就憑你一句廢事煩，日後陸續有嚟。
你要學識點同你老公傾。
唔係日後有排煩，你認為你奶奶只會畀一次你？
太貼身唔會，例如奶咀，奶樽，但有野隔住，例如面衫，外套，bb床之類就唔介意
之前同佢傾過一次
佢話覺得無所謂
而且佢係極少同自己屋企人溝通
反而調返轉平時係我幫反佢轉頭同佢屋企人傾
點搞好 
咁係你老公同屋企人問題，佢點都要插手幫。
亦要睇你奶奶乜性格，
可以直接講嘅你就講明邊類唔要或者只收邊類，又或者問問你哋先。
奶樽奶咀果啲就唔好啦講真 我老公都好鐘意二手 但我覺得轉讓果個要我識先囉 三唔識七一定唔會要 玩具果啲 唔放落口我覺得二手都冇問題
唔介意，人地都係好意，如果你唔鍾意，可以要咗先，安撫奶奶，再慢慢揀囉
奶樽如果係玻璃奶樽我覺得OK, 消毒咗, 換過新嘅奶咀就無問題。如果膠樽就唔好, 因為用得耐啲膠始終會老化。衫褲鞋襪都OK, 貼身內衣就唔好。我當時連奶泵都係二手嘅。最緊要自己接受到就OK。
1個讚
為免影響關係收左先，有時D二手衫可能真係著過一次，非常新浄，可考慮留返黎著，如果真係唔想咪keep一排，話bb大左唔合身，要畀其他人