d人羞成怒！恨唔到！得唔到！就憎恨！平平常常好恨移民，但冇資格，所以憎恨外國，要不停出post踩！大力個仔入唔到港大，就唱衰人哋，早排出post笑港大世界排名由20跌至169，最好笑有班c9 fans信佢，一齊笑港大，唔fc，點知係假新聞，根本港大無上過20
舊年係171，係比去年升咗
1個讚
咁當然有野要適應。我以前有工人，而家同老公分工合作搞掂d家務。移民最緊要係夫婦同心，識d人唔同心，移民，其中一方會怨自己響到浪費生命，留港，其中一方又唔甘心。
至於二等公民⋯我其實唔係好明。入籍後可以投票、參軍，做某d國家級公務，我唔知何謂二等，有法例大家跟足，公民有責任、有義務，唔投票要罰錢，唔方便投政府諗辦法令你方便d，福利就大家一樣。
至於比人睇唔起⋯咁要睇個別背景，一個人嘅自信好緊要，有自信人地會feel到。就講朝頭早跑步，你可以黑埋塊面自己跑，覺得自己比周圍嘅人睇唔起，亦可以笑容滿面同迎面嘅人打招呼同傾計。我主動叫人人地都會應返我，講句早晨，人地有時答How are you，唔想傾嘅，講句Good可以繼續自己嘅活動，想傾嘅咪開始吹水lo，外國人好吹得，尤其是講去玩。
至於排華⋯因為外國人分唔到Asian中嘅中國人，所以香港人、日本人、泰國人、馬來西亞人等都好受影響，叫所有Asian go back to China，我都唔知咩玩法，唯有講自己唔係from China，再同佢update下China嘅情況。我新鄰居真係問我China野，佢好驚架，我咪同佢再強調自己from HK，自己唔食bats and cats。我冇親眼見到周街鬧人case，老公話差d嘅區可能會有，因為嗰d地方嘅人嘅質素又唔同d，未必係well educated同識得respectful.
8個讚
決定移民就係要放低香港生活模式，容入當地嘅生活，欣賞不同之處。
當我每晚喺backyard抬頭見到數之不盡嘅星星，我就好感恩自己有咁嘅機會移民。
1個讚
都唔容易，始終文化唔同…
在歐美國家，戴口罩都已係一個洪溝…
我始終最鐘意香港，但可見嘅10年應該好恐怖
加上，自私又自大，唔肯融入呢度文化，將啲惡習帶過來嘅人又愈來愈多～ 唉⋯
1個讚
我記得果邊話過好多黃C有能力你估唔想走，香港連買層自住樓都難。果邊有個藍毛居然狗眼看人低話做廿幾年人都無本事買樓同移民真係要檢討喎。跟住另一條藍毛又仆出嚟附和。 把口賤到。。
2個讚
事實證明移民係冇錯個喎～ 正如大陸，有錢嘅移民，冇錢嘅就偷渡。總之要離開中國。
4個讚
我有次講US福利好過HK亦冇遇到歧視係US生活幾好, 跟住俾佢地圍左4日, 一時話我講大話移左民, 一時又話我住係US鄉下地方, 佢地真係好痴線
2個讚
個人認為，有兒有女，金錢上負擔得起，就應該諗下為他們攞多一本passport，多一條後路。
3個讚
其實二等公民係針對一班唔想融入嘅移民，對於全心全意展開新生活嘅，呢個名詞唔適合。去到每一個地方都會有生活嘅問題，你唔走留返黎香港，一樣會有唔同嘅生活問題。係睇你個心態點樣面對同埋點樣解決。
香港唔一定容易啲解決，例如最緊要嘅住所或者經營間小商店突然間俾人大幅加租，尼個問題夠大掛。其他地方行完美國加拿大日本因為受到法例保障，好少會出現呢啲情況。
譬如去到美國加拿大，一生人只留唐人街或者華人社區，搵工做就係做中國人超級市場收銀。根本冇意思融入主流社會。如果要學習英文，好多免費課堂，有啲返學甚至會畀返資助俾你。好多人係唔想行出去。
唔係乜嘢都用錢衡量。我哋搬咗黎之後收入少咗。但係所有嘢都多咗。時間過咗，生活指數高咗，資產多咗（其中一個原因就係去少咗旅行，因為生活好滿足，唔需要旅行放鬆心情），最緊要就係健康左，因為食物有質素好多。
用收入比例，同樣比例嘅食物開支質素比香港高。香港街市見到啲菜太過平，又驚係走私，農藥超標。呢度平因為農夫直接買賣出嚟（大部份超級市場都有一個咁嘅本地菜部份），少咗好多中間人。你又知道佢哋個農場喺邊，肚痛可去搵佢算帳。
你可以當我係一個逃兵，但係我真係承受唔到香港嘅壓力。
12個讚
我知你係邊個，派免費飯個個post係咪？
佢哋思想仍然停留係90年代許冠傑個首歌入面，以為移民係做二等公民，仲成日以為去到外國要做遞菜斟茶
有d人壓根底就係自卑心，成日覺得呢d係低下階層嘅工種，會比人睇唔起，外國人反而唔會有咁嘅睇法，中國人有句說話，職業無分貴賤，中國人反而做唔到，成日講咩中國人有幾強都無用，其實係自卑心作崇
4個讚
我同老公分別各自係台灣、美加都長住過，問心其實最喜歡是以前的香港，現在因為父母年長及身體狀況越來越差，所以呢幾年暫時唔會考慮住，反而會安排小朋友讀完初中返美加嗰邊讀書，我哋就搵多幾年錢先走。
1個讚
我老公都好中意澳洲，但依家移民澳洲都不容易，都要幫小朋友計劃下。
Yes ar, 宜家都費事再同佢地拗, 不過佢地攪到我有D憎HK人, 我what’s app HK D friends, 佢地提我呢D未必係真HK人, 我先至緩和番D. 老實講, 我唔係黃又唔係藍, 我只係有果句講果句, 但BK變哂質, 宜家都唔會回post, 睇下就算, 冇謂俾人鬧
1個讚
佢哋統一叫中國人
果班人冇錯，好多人去到外地只係敢做嗰啲工。搵超級市場收銀工都要搵華人超級市場，。但係我記得主流超級市場人工福利乜都好啲。（例如Safeway). 餐廳一樣, 華人餐廳通常刻薄啲, 貼士少啲. 但係佢哋唔敢去西餐廳做.
呢啲人多過肯走出comfort zone 嘅人多好多.
係外國搵西人嘅工唔係易事，有啲地方普通一份收銀員嘅工都幾百人爭，分分鐘一個大學生都唔夠一個有經驗嘅人爭，所以唔好睇少所謂低下階層嘅職位
我最記得一講美國佢哋就癡曬線話有槍㗎啲人！日日殺人㗎！最危險嘅地方
我唔識死，回覆個住美國嘅人話我都唔少親戚朋友住，真係唔係咁恐怖，咁當然一定有啲區係正常人唔會去啦。我咁樣都俾人話我盲撐同俾人report
1個讚
我一年前移左民，當時主要係想囡囡唔洗喺香港讀書，亦有心理準備一定搵唔返之前嘅人工，但既來之則安之就好，到移民之後又唔覺得好難適應，有親人係當地會好好多，慢慢自然就會適應，反而生活空間大左，空氣好左，鼻敏感冇左。食物質素好左，生活費用便左，仲儲到多左錢 . 總括我嘅生活質素好過住係香港時，咁當然呢到無香港咁方便，一落街就有應有盡有，而且亦冇香港精彩嘅夜生活，但對於我來講巳經足夠，家庭生活同對小朋友成長來講，呢到愉快得多。
3個讚
無謂同班村姑大媽拗，佢哋睇新聞就以為能知天下事，一咪信報導！相反，如果有大陸唔好嘅新聞，佢又會話一單半單啫，然後
吠你，話你無限放大，又會話中國進步緊！
4個讚