其實呢次疫情，大陸人真好乞人憎，去外國人地又唔識分係香港人定大陸人。移民又要錢、找工唔易
老公之前話唔移，打算捱大小朋友，佢去外國就算，現在睇到政府咁做嘢，真好恐怖。我驚十年之後都唔知咩世界
8個讚
而家搵工都盡量揀國際公司，希望仲有個內部調遷的選擇
4個讚
其實真係睇人，睇自己適唔適合，自己期望，調節同適應。
有啲人肯融入當地文化，肯投入就自然會好啲。但如果個心態好負面就真係好難。
去定留，每個人有自己原因。
我覺得有機會可以試，試吓至知
3個讚
如果有一日真係移民，一定好吾捨得香港
12個讚
我覺得依家資訊科技咁發達，反而應該有一種世界公民嘅概念，喺邊度住都唔緊要，隨時搬去唔同地方。
14個讚
認真答你
如果響香港搵80K 以上
去到外國不能maintain same social class as HK
如果搵少啲果d 損失無咁大
雖然自由的空氣是無價的
5個讚
為下一代教育，或者自己退休金好使D 係主要理由。
其實睇吓自己係想要乜嘢，係搵錢有物質上嘅富足？定係平淡安穩嘅自由生活？香港搵錢一定係多啲容易啲，但有時又要睇埋生活指數同生活質素，講真香港人工係全球數一數二地高，但物價同樓價都一樣好高，住屋亦空間細好多，所以有時唔一定淨係睇收入有幾高。相反外國賺少啲稅高啲，但基本生活所需例如食物、住屋都比香港平好多質素亦高好多，工作同讀書都無香港果種咁大壓力。
9個讚
移民生活唔好成日同香港比較，好多人走咗會掛住香港人工，稅又低。
但外國好多嘢都唔可以用錢去計算，所以價值觀亦要改變。
5個讚
講真，我喺香港土生土長，香港幾好都有，一定好有感情，見到香港而加攪成咁，嬲就唔駛講，失望但唔可以絕望，好想繼續守護呢個地方，光復返真正嘅香港，所以就唔想移民。
不過而加有咗小朋友，諗法變咗，自己就冇所謂，小朋友就寄望點都要送佢去外國讀書 (暫時首選加拿大)，讀完之後佢想喺邊度發展就等佢自己決定，起碼選擇權喺佢手。
12個讚
曾經睇過內地人介紹移民，第一句就話，如果你是喜歡多資多彩的生活，不適合移民。我個人認為，如果你成日將香港同外國嚟比較，就唔好移民！因為移民係你放棄香港生活模式，去融入一個全新模式，好唔好係睇你個人鍾唔鍾意！
15個讚
我之前要去德國出Trip，去左一個Exhibition，入到其中一個Booth對方見到我即話話 “No Chinese, get out”。於是我禮貌回應同佢講唔好意思，其實我係香港人。對方聽到後係咁Say Sorry，話以前我係大陸人。仲話我聽點解咁憎佢地。
其實我無諗過移民架，最主要唔捨得屋企人同年老嘅父母。但身邊好多朋友都搞緊移民囉。不過都理解嘅。加上而家香港又變成咁
2個讚
我睇法係未到最後一個選擇始終唔想移民，一來香港好多好野食，二來真係慣香港個生活模式… 以前響英國住過好多年，天氣唔好，野食都麻麻地，最重要覺得香港先真係有家既感覺 
不過見住而家中國壓迫得我地咁嚴重，將來仲要可能情況愈黎愈壞，都要諗定後路以防萬一 
3個讚
重新適應一個地方既生活，唔易架。
如果真係決定移，最好當地有朋友、親人，有支援，易適應點。
重中之重，一定要有份工，如果只依賴積蓄，生活壓力不少。
其實比小朋友去升學係最「容易」既安排，佢地可以多條出路，你和先生又唔需要重新適應。
我自己覺得，香港係一個好特別既地方，我會選擇留低，見証這裡的轉變。
3個讚
喺香港長大，睇住香港由工廠轉型到商業，金融為主。香港係我地每一個市民共同努力先有今時今日，點解人地踏一腳埋黎，我地就因為無力而要遠走去避佢地！我自己好唔捨得香港，不過好認同細路係一定要走，我好唔放心佢地喺度生活。
4個讚
我同太太去英國旅行後超鍾意英國, 阿仔去澳洲 exchange 去到第二日就話唔想返黎香港. 我係期望有能力可以移去呢兩個地方既.
4個讚
I am in the process of application. Paid first instalment to a lawyer.
My husband and I earn over xxxxxx a month. We know it is impossible to earn even half the amount after migration. Indeed we plan to stay for 4 years to get residence, prepared to be jobless, and move back to HK after getting residence. The major reason is to get a passport for our daughter.
The sacrifice is a lot. Won’t get back the position I’ve worked hard for in the past decades. Plus I’m in my 40s, will be financially less competent with such a choice. This is a v struggling time for me indeed.
5個讚
如果目標明確，計過數可行，ok呀。
祝順順利利，生活愉快。
1個讚
我自己係過來人。
我同老婆同埋個女,離開香港嘅時候冇樓，冇乜積蓄，剩係得一㗎老嘢日本車。
有一次去旅行，發現生活指數好抵，但係生活質素好高。留多幾日睇清楚啲。幾日之後，跟住決定離開香港。我哋個女嗰陣時只係三歲半，我哋冇能力俾佢讀國際學校，而我哋知道自己承受唔到佢返學嘅壓力。（係我哋承受唔到）
返香港立即搵日本工，退租，喺度搵屋租。
我哋覺得，計過條數，大約計得掂，即刻離開香港。以香港人嘅適應能力同埋轉數，我去到其他地方應該唔會餓死。就係抱住咁嘅心態，一家人走咗。
而家已經落地生根，我成日都講，當初有後悔，後悔冇早啲離開香港。
我走嘅時候最好嘅朋友串我唔係移民，系着草。佢好鍾意香港，佢話佢唔會離開。但係2019年之後，有兩個朋友決定改變主意。
香港已經唔再係我哋出世嘅香港。
20個讚
作為土生土長嘅香港人，事業有一定基礎，英語又唔算流利，又唔係專才或好有錢，其實移民真係好唔容易，而且所有家人同朋友響哂呢度
我自問走唔到，唯有盡量鋪路俾小朋友走，諗住俾佢地去國際學校同外國讀大學，至少俾到個語言能力同國際視野佢地先，將來走唔走到就睇佢哋造化喇
2個讚