May i ask which country u going to and the reason behind? 
We moved to Okinawa and reason is simple, we can’t take the stress in HK. I don’t want my kids loose her childhood. Kids should do what kids do.
6個讚
首先大家唔好介意我咁講，純粹個人意見
我對移民有矛盾，因為我覺得好似係坐享其成，例如台灣，係人哋用血汗由戒嚴時代走過嚟，我哋唔付出就去享受人哋成果，自己地方就唔爭取。所以我明 native 睇唔起移民
我唯一肯移民嘅只有台灣一個地方，因為核心價值最相近，不過一來能力未夠，二來因為以上諗法落唔到決心
好似某國落嚟香港，又唔係認同香港核心價值，攞盡福利，一唔啱心意即刻識搵左膠呀區議員，但自己喺上面對住個黨就屁都唔敢放一個。我知道香港人去台灣唔係咁，但人哋可能咁諗
4個讚
我同老公應該唔會移民，始終我哋年紀唔細，工種又唔係專業，要放棄太多嘢從新適應係唔容易，反而會畀小朋友去外地讀書，之後佢想留定返香港就佢自己選擇
移民的確需要勇氣
每一個地方都有好同唔好嘅地方.
移民過去之後, 你嘅心態係想攞着數定係想融入社會. 呢個就係決定你屬於邊類人.
外國政府接受移民, 因為移民可以為佢哋帶來額外收入同埋人才. 如果去到外國, 用你嘅方法貢獻嗰個地方.
我覺得咁樣冇問題.
我哋生活左四年，我哋所有嘢盡量做到合法，甚至比本地人更加受規矩。我哋嗰行個協會會長，初初嘅時候對我地帶咗色眼鏡。而家同我老婆非常好朋友，有陣時協會嘅嘢會私底下問我老婆意見。
冇一個地方係完美，每一個地方仍然有進步空間。儘量幫嗰個地方進步，唔係蠶食嗰個地方。
移民唔移民大家都有唔同嘅諗法，但係理念一致就係唔做寄生蟲，咁已經啱嘴型。
14個讚
今次疫情好多有錢人周圍走反而賴嘢，啟發我守住自己屋企先係最重要
3個讚
講得岩，我有朋友因為小朋友既護照專登去外國生，我明白佢初衷係為咗小朋友，但係調轉頭咁睇同鄰國專登落嚟香港生嘅真係無分別，都只係為左蠶食人哋嘅福利，仲要對人地既國家一d貢獻都無 
2個讚
咁都唔係嘅
因為做投資移民其實要擺差唔多10,000,000港幣係嗰個國家幾年
國家亦都係希望透過移民政策
係財政上達到穩健
另一方面 技術移民
亦都係把當地需要嘅技術過去
所以又唔係完全嘅坐享其成
4個讚
我都係咁諗，可能我玻璃心驚人咁睇自己，而且我太愛台灣，唔想台灣人睇唔起我 
我同老公話如果真係走一定練好國語，注音都學埋，熟讀人哋歷史政治文學文化地理，咁我安心啲
1個讚
你完全講出我嘅感受
自己都40歲，留喺香港又熟悉又有感情
但係諗到自己小朋友要喺呢度長大
去到2047–唔敢想像
我對於光復香港冇信心
反而覺得香港會越嚟越似隔離親子一言堂
2個讚
唔走，每度都有好定唔好
唔想老家比老鼠屎破壞
2020年已經係咁，2047不敢想。光復香港，太難了，有能力都想仔女可以走。
4個讚
已經移民澳洲，後悔走得太遲。之前以為會掛住香港，點知冇。食嘅好左，有品質保證，當然你可以繼續去唐人鋪頭買野，想食嘅暫時都可以搵到。住嘅好左，如果唔住Apartment，出過街嘅鞋唔洗放入屋，唔洗同人Share架𨋢，乾淨企理，仲有花園可以自己種花種菜。至於行，就點對點，有車就冇問題，對於姊妹，個問題可能係怕開車，上Highway，但如果唔係去旅行，基本上都係接送返學放學、買下餸，真係唔洗揸到100米，普通街開50米，大家都禮讓。仲有清新嘅空氣，睇得好清楚嘅星星。
至於朋友，就要靠自己去融入。如果有小朋友，會識到好多媽咪，英文好嘅響學校做下義工，同小朋友做Reading，英文唔好嘅，一年搵幾日做下義工，幫手包下復活節、聖誕節、父親節、母親節禮物，又可以識到人。Even唔去識人，都得，因為冇OT，放5:00-6:00，有時間一家人傾計打機睇電視。我鍾意悠閒、寫意嘅生活步伐，所以真係舒服過香港。
20個讚
態度非常讚！
呢啲分享係個邊只會比一堆大媽質疑，然後話你講得咁好，係想證明自己移民無錯
1個讚
條罪叫叛國！中國人唔住香港！仲係咁串你二等公民，人哋睇你唔起呀！外國啲鋪頭早收，冇娛樂，排華好危險！
另一條罪屈你係移民agent响度hardsell
我見到佢哋咁講，以為睇緊x-file真係不可思議
1個讚
我見識有個5毛最好笑，話移民嘅人都係低一層次佢以為外國移民好似香港咁容易，搵個阿伯嫁就得！呢d人真係好可悲，自己唔合資格移民，就要不停講外國月亮唔係特別圓嚟安慰自己，外國有唔好嘅新聞就無限放大，不停話唔敢相信一個民主自由國會發生呢啲事。呢排不停講民主自由國家好差，想洗人腦
平平常常不停出post踩外國，佢又係心理不平衡，童年嘅成長真係好重要，佢從少到大都好想出國留學，成日怨佢老豆，佢又好羨慕已移民嘅親戚，所以佢特別憎恨外國。佢之前個分身，仲妄想自己係美國生活過，同人講係外國讀過唔知咩degree，其實只係香港進SPACE修過，未去過新疆又話自己去過，叫佢放相又話無相，只會留係回憶
1個讚
都話佢哋奇幻過x-file㗎啦TBB 去BK攞靈感拍返啲膠劇俾佢哋捧咪得囉，一定爆紅呀！佢哋話㗎喎，一個有修養有學識嘅人係睇TBB
唉呀！我miss咗你講嗰個假美國人呀！點解會咁勁踢爆到佢㗎真係好好笑！其實嗰邊好多呢啲人，我見好多都講到自己好多錢，但我係唔會咁蠢移民㗎！佢哋真係唔識㗎！轉頭就笑人英國一千萬HKD就買到一大座城堡，美國就買到幾間大屋最正係有人和應，話佢都知呢啲事實
走vs留底，睇下邊樣你覺得重要啲，其實兩邊都各有困難，好睇你一家人點諗。
我自己剛走，仲係適應中，不過暫時都係好多過壞
1個讚