講得太好，係bx既移民post只會不停話去到外國無消夜買又無交通，事實係我不知幾enjoy自己開車煮飯，地方大空氣好既生活！
態度真係決定一切，有人嚟度再讀書融入主流，亦都大把唔學英文日日怨足三十年或者回流，今日我完全唔敢想像要過返香港生活，反而想去再細d既小鎮慢活
5個讚
係嗰度講美國
，又係痴Q線，講到全美國都要靠food bank同訓街，一係睇tbb講ny好多老鼠，又話iphone係中國產物
4個讚
我讀書嘅時候溫哥華鬼佬餐廳或者鬼佬超級市場搵工唔難。
啲鬼佬成日話失業，可能因為懶唔想做，因為失業救濟金好和味。做幾個月就攞幾個月救濟金。經濟好時候嗰個揀工做。（呢幾個月就當然大鑊啦）
而家仲係咪咁就唔知道。
係香港份工算係中下產，但資歷工作經驗一離開香港就等於零，
人到外國要係中年由零開始，又無親戚朋友在外地，
好難抽身移得到
去邊也係一個問題，
台灣太近中共，難保下次又換個國民黨總統
我哋過嚟已經差唔多40歲。我老婆考埋導遊牌，已經預咗乜嘢都要做。香港人轉數快，適應力快（你會估唔到自己適應得咁快），其實去到好多地方都有機會。
你去日本，某程度上文化天氣會較貼近香港，所以容易融入，歐美澳加呢啲係完全兩回事，會較難適應
我啲朋友知道我搞移民之後，個個都話去到無人無物架喎，難搵食難適應，其實我發現大多數會咁樣講嘅人都係無去過外國生活，呢啲所謂嘅困難都係自己道聽塗說同埋憑空放大左，我同老公都喺外國讀書生活過一段日子，不過果時唔識珍惜無攞居留權，而家成日都懷念喺外國嘅日子，成日想走，唔捨得香港係有，但都好期待移民後嘅新生活
2個讚
所以我對移民嘅睇法係，唔試過你永遠唔知移民係咩一回事，心動不如行動，如果你夠資格亦有機會移民的話又有何不可？ 人一世物一世，移左唔喜歡可以回流，無野比你當初決定移民時更難從新適應 . 而且永遠都係有得揀總好過冇得揀。 
3個讚
我喺溫哥華住咗15年。仍然有一班好親密嘅朋友喺嗰度，每個星期都會吹水。所以對嗰邊情況都仍有個大約了解。
去日本之前本來我哋疊埋心水返溫哥華。不過突然間見到有個機會去日本，雖然乜嘢都重新開始，但係都係決定去日本。決定咗就冇諗住回頭。最主要係小朋友。大人適應力好強，但係如果小朋友呢度着幾年，再轉去第二度住幾年。好影響佢哋嘅交際生活。所以搬過嚟之前有個心理準備要捱。但係好彩一切總算順利。
（返溫哥華反而容易啲，有幾個好朋友照應，心知講明可以請我做嘢。）
其實每個地方都有佢問題，倒番轉諗，當地人係咪又好想咁多外國人嚟定居呢? 而家呢D時勢反而我會留香港，將來退休先去外國。之前聽過台灣朋友講，話台灣人係好友好，但當你香港人係移民過去，會同佢哋搶嘢做時，佢哋就會唔滿意架啦，好多地方都係你去旅遊就好，但你去到當地生活佢哋就唔係真係咁友好。
1個讚
相信上得來嘅，好多都係有小朋友或者準備有小朋友。唔係話要幫小朋友鋪定條路。但係比多條路比佢哋揀，未來佢哋鍾意返香港定係鍾意繼續留喺外地，佢哋有得揀。
好似我自己，我好多謝我阿媽帶咗我移民。我14歲離開香港，擴大左我嘅世界觀。如果我留香港，我相信自己會一事無成，隨時行差踏錯添。
到咗最後，我冇選擇溫哥華，亦都冇選擇香港，同老婆選擇一個新嘅地方自己重新開始。但係如果冇當初移民溫哥華，我相信我個老婆唔會揀我。我亦冇機會過嚟日本。
有啲嘢係一環扣一環。
8個讚
你本身有咁長時間嘅經驗，又有朋友支援，比起好多由0開始去移民嘅人好好多
點解你會話大人適應力好強？我通常見移民啲人分享，都係話小朋友適應力強，反而大人難適應
呢樣好真！所以我哋過嚟會盡量融入社區，尊重本地文化同本地人。有時間盡量幫你嗰個社區，慢慢慢慢融入。
我哋呢度其實有一個類似區，因為有國際學校，特別多外國人住。香港人大陸人台灣人歐洲人等等。嗰個佢嘅貧富懸殊比較大。本地人比較窮，外國人就比較有錢。感覺上嗰個佢好似第二個世界咁。城中城。
1個讚
正常就融入人哋，守人哋當地規矩，唔會似d大陸人咁樣去到人哋地方仲聲大夾惡，自己識做d就無問題。但都有d當地人唔鍾意架，總之佢就係覺得我哋係外人搬咗入去就用佢哋ｄ嘢，佢哋就唔鍾意，所以都好難避免，所以只可以盡力做好自己啦，唉 
3個讚
人類始終係群體動物。
大人比較成熟，可以控制自己嘅心理狀況。可以出去識朋友，訴苦。上網同朋友吹水。甚至去買嘢減壓囉。
小朋友好難，好多嘢身不由己。返到學校，要重新習慣新環境，身邊冇穩定嘅好朋友。過去幾年我個女由幼稚園開始到小學二年級年年唔同學校咁滯。而且我哋住嗰個區好多調職族。咁樣變到一係我哋搬，一係佢嘅好朋友搬。每次我個女都會好失落。
所以我哋今年決定唔再搬，固定一個地方。未來10年八年應該都唔會走來走去。
唔好意思題外話，因為新手關係，想問含淚haha笑係點打，打:(冒號)之後要再打咩呀? 謝謝
我用iPhone emoji打
走得真係會唸, 不過老公係好顧親情, 唔想離開兩老.
唯有希望小朋友可以出國打工/讀書, 之後唔好再番嚟香港發展.
明白哂！好多謝你咁用心同正面嘅分享