結婚前要計劃好多野，除咗婚禮其實最重要係住所。你地結婚前會開始睇樓盤租盤，開始左同居生活先嗎？
1個讚
⋯⋯
5個讚
男人好衰住埋就唔想結婚，所以我唔讀成同居
2個讚
同居可以睇真同對方係咪真係夾到，生活上太多小節，男女大不同，生活習慣唔一定忍受到，唔需要擔心佢同居後唔想同你結婚。要係唔想結，結咗都會離，關係成熟根本唔需要擔心結婚問題，更唔應該為一張婚紙而結婚。
11個讚
我週末就會去男朋友度住，唔知算唔算
但係大家最核突嗰面都見過，都仲係相處得好
然後打算結婚前半年搬過去
咁我都唔會太擔心，不過想知大家會係預早幾個月一齊住，定係提親過禮金之後再去搵地方住？搵租盤都要睇又可能要少少裝置下
1個讚
我婚前有同居呀，男人想唔想結婚都唔一定關同唔同居事，睇人，我老公同居半年就問我想幾時結婚,同居一年就求婚
5個讚
你係結婚當日才搬到新屋嗎？
其實我經歷過幾段感情，試過同居後先結婚係比較好，同居初期大家都好客氣，但直到個幾月後就開始為家務同冇手尾嗌交，除非你好落意做永久打雜，如果唔係大家分工合作就會做死其中一個，不過嗌交都係一種溝通，嗌交都可以睇到對方有幾錫你，或你有幾錫佢，說話講到盡嘅一定唔顧後果。同埋教小朋友方針都要睇大家性格，可以嘈得好厲害，有啲夫妻又可以好好。
5個讚
有同居，當時同結婚冇乜分別，兩年後結婚，反而係我懶想求其簽張紙算，係老公奶奶要擺酒，話比個名份我
4個讚
有無同父母交待？逢星期五六日去男友度，我其實都驚一提出會被父母批評
咁應該都是最後個段感情先有同居生活？我而家逢星期六去佢屋企，有時特別日子會留低過夜，平時煮飯食時都會話幫手一係佢煮我洗，一係調轉，叫佢洗乾淨廁所，佢都肯，唔知算唔算係客氣。
係呀
結婚前就搬啲嘢過去先，執吓地方安置好，無過夜。
結婚當晚先正式入去住。
不過我真係唔反對人哋同居
，係我咁啱我個圈子太多呢啲事驚咗，同埋我父母真係由細到大管教得好嚴，我係無可能可以同人同居，會家變架。
我屋企人知 佢就自住所以唔會影響到佢屋企人
通常都係佢自己打理屋企多
我最多吸下塵
我話未結婚唔想幫佢做家務住
新婚蜜月期一定開心同客氣，壞習慣、脾氣出現…先見真章， 短期唔會睇到
2個讚
同居之後就會見真章架啦
如果同居半年後仲肯分擔家務，就應該之後都係咁
1個讚
家變咁嚴重？有信仰背景？
咁你圈子d人都好唔好彩wor,我覺得如果同居夾，就自然會想結婚，唔夾的話就自然唔想結，咁呢個時候就要斬欖唔好浪費時間了，不過大部分人都好怕結束一段關係。你父母咁傳統，覺得隻豬緊要過婚姻幸福？第時離婚咪仲慘，定佢地個代係打算死頂一世，唔會離婚？如果要決定買一樣野，只可以買一次，唔可以退貨，正常都會想試用下先
好彩你好運，唔試用個老公都啱洗
5個讚
無信仰
但係家教真係好嚴好嚴，佢哋直頭係想我未夠18歲唔畀同朋友出街，未夠25歲唔畀拍拖，一拍拖就要結婚嗰種。
真係老土過粵語殘片
而家自己一個住緊，下年租約完會搬去同男朋友住，連埋佢爸媽。
而家間唔中都有去男朋友到過夜，同兩老相處都幾好，成日都問男朋友我幾時過去，又會煮我鍾意食既野，最重要係唔會打擾我地，唔會特登嘈醒我地要一早去飲茶之類既。
咁樣半同居已經一年了，因為我地兩個一早有同居既諗法，所以男朋友好早就同兩老講我下年會搬入去。
所以我覺得最緊要係兩老唔會去干擾你地兩個生活，呢樣先係最緊要，因為兩公婆鬧交好多時都關兩老事，其實同兩老相處得好，基本上無咩問題，當然唔排除正式住入去同半同居有分別啦，但最起碼比兩老或者其他屋企人接受左你存在先。當然如果可以既話，我當然希望二人世界
1個讚