會婚前同居嗎?

⋯⋯

「唔會特登嘈醒我地要一早去飲茶之類既。」
淨係呢句就已經要恭喜你!好好!:smiley:

不過始終住入有父母嘅男友家,記住有時要「適當地」幫手做吓家務,扮吓乖。

我覺得兩個人搬出去住唔難,搬入去同埋人哋父母住先係最難,你真係好有勇氣!:+1:t2:

2個讚

咁你都唔係100%靠運氣,你有用腦分析揀伴侶,好彩位係你老公唔係騙子,婚前婚後都一樣:clap:t2::clap:t2::clap:t2:

同居可以知道夾唔夾
始終婚前婚後嘅生活係好唔同
如果有計劃結婚
可以早啲知道大家夾唔夾到至決定係咪真係結婚
總好過結咗婚先覺得遷就唔到要離婚
除非其中一方完全唔介意遷就對方

2個讚

一拍拖已經同居,好處係一早知道大家生活習慣同相唔相處到,同埋好快結埋婚 :joy::joy:
我角度好簡單,兩個人相處唔複雜,屋企有各自負責既嘢,尊重對方既愛好,就幾時都開心又sweet

1個讚

贊成同居!
我都覺得老公都真係要“試用“下先知夾唔夾到
太多生活習慣旅行係冇可能睇得出

1個讚

同居ok, 但搬去人居企就麻麻,會影響人地屋企

不過我自己唔會同冇婚前同居
我屋企唔比

其實想睇家居習慣問題,長少少既旅行都得

同居反而真係影響家人關係較多

又可能影響到幾時想真結婚

Del

我唔多贊成。
兩個人行到結婚,當中好多妥協、接納、忍耐,兩個人有共同方向、價值觀、有愛,冇咩野係overcome唔到,我唔需要以同居再去觀察佢多一段時間。

不過,我唔反對人地選擇同居,每人都有自己選擇既:slight_smile:

1個讚

與其話同居幫左發現兩人夾唔夾,不如話睇下兩個人分別有冇能力解決爭拗矛盾

1個讚

如果感情已經穩定 我贊成婚前同居呀 一齊住同去旅行/得閒去大家屋企訓完全係兩回事 如果大家同一屋簷下生活原來會有好多不和 結婚前經歷、磨合、解決都係好事 搞結婚時仲煩少樣野添…我都係同老公婚前同居 發覺都夾到 (當然好多野頂佢唔順 但in general 都是覺得幸福的)更加覺得係可以同呢個人過世的~如果真係好唔夾 早點發現都都好:joy:

1個讚

因為買樓同結婚同步plan, 所以短住左一陣就結婚

我係結婚前3個就住埋一齊

無意話你父母,但家教太嚴亦會等如文塞,有時太守舊未必係好事。 都2020仲有唔俾拍拖唔俾呢樣果樣? 你聽話就真係太乖,為自己揸主意。

因為我無得同居,所以一定要結婚前用好多時間同花好多心機去觀察對方同了解對方。

而且我拍拖穩定期間,我就將所有嘢攤晒出嚟講,有時上佢屋企坐吓嗰陣都留意佢點對佢父母,生活習慣等等。

其實要觀察,留心的話,拍拖期間可以理性到的話,都可以觀察到好多嘢。

我都經歷過幾段被欺騙嘅感情,個人好難再似後生時咁戀愛大過天,咩都睇唔到盲哂咁拍拖。

1個讚

無一個人可以無條件咁遷就哂另一個人,
所以結婚前真係要睇清楚對方有冇膊頭,性格如何⋯

我係咁做,結婚前一年租樓同居。咁做有以下好處︰

1, 我同老公一個住大西北一個住大東北,我同佢都冇共識結婚後應該住邊,所以同居果年租其中一邊住,比對方一個機會體驗下適唔適應到。唔適應買樓可以諗第二區。

2, 要適應大家生活習慣,如果真係頂唔順有衝突,感覺仲有退路,可以隨時返娘家住兩日再返去「應戰」。如果結左婚,搞到要返娘家住就好似好大件事咁。

3, 價值觀有時要相處得耐先見真章。住埋一齊基本上冇乜秘密。如果真係唔夾,都只係分手唔係離婚,成本冇咁重。

如果以結婚做前題既同居,我覺得好處大過壞處。

4個讚

佢哋係真係「聞塞」架,當年都嘈好多次交,晚晚嘈咁制,嘈足幾年。

所以之後拍拖都瞞住,到適當年齡拍嘅拖先敢同佢哋講,但分咗手又畀佢哋鬧,話我「唔係最後一個就唔駛介紹我哋識」。:joy:

如果同居,我諗佢哋會同我脫離關係。

真係好粵語長片:laughing: 只可以聽父母之命 媒妁之言,然後就相夫教子,生唔到男丁仲要納妾:joy: