我覺得入5好大個心理關口，自己開始準備，有種感覺人生過了最黄金的時間，開始走下坡。
生理上實在爭好遠，我最怕係更年期失眠症狀，暫時係間唔中都有輾轉反側好耐先瞓得著情況，都唔知點算
我也難咗入睡，易醒。經期開始短。白頭髮，面闊，外表明顯的老了。最介意的，反而是心態上，好難找到生活的熱情。thread 見到有些人keep 住跑步運動，周圍去，好羨慕，因為我覺得自己老咗冇乜朋友（而家也是常自己一個，少社交）
2個讚
我就黎入4,唔知點解80後後期成班心理上都仲係好童真,我識既大家都仲係嘻嘻哈哈咁…
我都好難想像過多十年我地會點…
3個讚
心態我就冇乜分別，我冇特別諗自己老定點，但身體會話比我知要面對現實
係呀，一踏入4+ 成個身體都睇到變化，最表面就係飲水都肥，眼皮下垂、皺紋，體能都弱咗好多，不過我本身無特別keep
依家小朋友大咗，我都想抽時間做下運動
1個讚
我已經入伍，的確係比較難入睡同易醒，唯有儘量休息多啲。潮熱大概出現咗半年左右，唔係好辛苦，至於M就有大約2年時間cycle 短咗同埋多咗，之後停咗幾個月又黎番幾個月就無咗。容貌就一定見到歲月痕跡，眼袋又大咗，唯有盡量化少少妝個人睇落精神啲。至於身形方面，冇乜肥到，不過真係好難減。我冇去進補，亦都冇睇中醫，更加冇煲湯水飲，我覺得隨遇而安啦
1個讚
我都冇，叫做飲水多，煲啲湯，少凍飲少甜少油膩煎炸，力已盡
喂呢個題目開得好好喎
1個讚
喂妹妹，你未有耐擔心喎衰嘢
1個讚
我後生好瘦，跟住30幾歲嘅時候因為情緒病食藥就開始肥咗啲，但係以前呢係易肥而瘦。過咗40就發覺呢係只能夠肥唔會瘦！但因為而家喺外國唔會再有人話自己肥
白頭髮點搞呢各位
Keep 住自己染髮
P.s. 用番係香港買既染髪劑
1個讚
無搞
染完好快又生出嚟，咪要成日染囉？
1個讚
其他呢幾年，可能自己病過、前幾年見到有後生無機會老
自己做過護老見到人老咗連想食咩去自己去廁所都唔得，我開始覺得有得健康地老去好重要，所以皺皮剩呀都唔係好介意，最緊要身體健康
5個讚
我都係煩呢個位，所以未開始染，拖住先
我有keep 住染。好貴又煩，但唔染又未接受到
2個讚
用咖啡及茶染髮
每日食一茶匙黑芝麻，我同我老公現在都冇乜白頭髮，以前好多㗎
1個讚
就咁食定加入飲品內？
健康真係最重要~我覺得心情都好影響健康
1個讚