件事發生係十年前,我老公有班由細玩到大既朋友,咁我同佢地都成日一齊玩既,但我總係覺得佢D FD唔係咁好(態度唔好又成日夾錢夾少左),咁有一個肥仔工作唔太好又一直溝唔到女,之後佢仲俾親戚呃錢(好似去左破產)………
之後佢自己開左檔整車場,咁我地有車既朋友咪都會去俾錢佢賺,等佢有生意做,其實佢收得貴又整得差………………
3個讚
之後有一年新年前佢無啦啦話係廟到買左2個平安符俾我同另一個女性朋友,咁我當時有左BB,都有其他朋友買左身體健康符俾我,咁我咪無懷疑佢收左囉!我好記得佢當時已經即刻叫我要放係銀包,唔好拎出黎,我以為佢真係咁好心就信左佢…….
收左符之後我工作係唔太順利,後尾仲俾人迫到我放無薪假,之後我老公俾左架車佢整,佢成部車呃走左,中間我同老公都嘈過幾次交,當中亦有因為我嬲我老公唔報警由得佢,其後我地發現仲有另一個朋友都俾佢呃左幾千蚊(但佢都係話算數 
)
之後個肥仔仲要勁無恥上黎我屋企嘈左次交,過左一排我醒起果個所謂既平安符,我就拆開黎睇,入面係一個黑黑地既2蚊銀,我覺得好奇怪就去左問我朋友(佢屋企人係做廟既工作),我朋友就叫我燒左個紅色利是封同用左個2蚊銀去,佢話唔似係平安符,同埋新年前俾我勁奇怪 
之後梗係絕左交啦,我聽其他人講佢仲有周圍講我壞話屈我睇佢唔起,再過左幾年有一次我係屋企樓下見到佢,唔知佢真定假,佢無啦啦單腳跪係地下對住我綁鞋帶,我無理佢,佢行過我身邊就走左………
自己朋友都搵笨
任何符都唔好收，就算親人比
咁既仆街人都有既
好彩冇整親你同bb咋！
呢啲人一定有惡報
1個讚
我阿媽年年正月都有係我屋企附近大廟求平安符俾我哋, 我都有袋起, 我求阿媽心安啫…. 不過, 其他人俾就真係千祈唔好要啦….. 我識有間公司, 佢老闆係借員工運…個個員工入職一年後就出事, 唔係自己大病就親人離世…唉…咁樣做人好衰囉….
1個讚
我老公識返黎既都衰衰地…..
講真大家明知佢又貴又差都已經肯俾生意佢做,佢仲要咁樣……..
係呀,好彩BB無事~
我就俾佢攪到心情好差同埋嬲埋我老公囉,因為個賤人仲要周圍講我壞話,又走上黎嘈
1個讚
我都聽過呢樣野,其實我細個做過卡拉OK,有一間都係接二連三有職員受傷 
點樣借到員工啲運？又係符？
完全諗唔到收道符咁就俾人借咗運
借人運個啲，都無乜好結果。
諗起楊大媽傳佢都係借運紅，過咗就一面負評。醜醜又係，又係見啲人彈佢多過讚。
1個讚
多數用風水格局
我而家諗返轉頭,佢仲要我放銀包(吸財)+新年前俾個2蚊銀我(借錢過年)+周圍講我壞話(想影響我情緒)
No. 老闆有齊所有員工出生年月日, 有陣時會有意無意問吓你幾點出世… 齊晒八字,搵師傅搞….我認識呢間公司老闆同部份員工, 又真係… 入職唔夠一年, 有生Cancer, 有一個就個老婆突然精神有問題去尋屎, 好彩救得返, 但都家無寧日…. D員工辭職後, 慢慢過咗1-2年就順返晒….
咁呢個老闆係特登害人,好賤WO!
我知既係擺風水局,只要有財運就唔理個局有幾多病位衰位,所以員工都係做到個人唔好,但可能會高薪D抵銷返咁囉~
同埋老闆請人會夾生肖五行,睇出生年月日已經知
借左梗要還,咪俾錢中介~
所以屋企人做廟果個朋友好醒,佢從來唔用”借”,而係邊個生肖五行旺佢,佢就同邊個熟 
1個讚