嘩,你呢單好嚴重wo,你又唔係血親只係新抱,你老公知唔知呢件事?
我幾年前都生過良性的,果時我老公成日叫我去佢朋友村屋度玩,成班有大人小朋友咁一齊玩,但我唔鐘意去果度,一來我老公d朋友對我態度差,二來佢條村有人係做法事既,我成日覺得去完個人運氣差左,成日同我老公嘈交,之後我仲病埋………
而家我已經唔會再同我老公既朋友玩!
我無唔鐘意做法事既人,我舊同事同朋友都有親戚係做呢個行業既!
1個讚
被借咗壽唔係短命，係黑仔無運行？
太恐怖，咁樣對其他人，仲要係相識個喎
仲未到期，唔知幾時先至死，又點會知有冇短咗？
等到知嗰日，我都死咗，等後人+有師傅嚟計
有同佢講過，都無咩可以做，已經發生咗，又唔知之後會唔會同我細個嗰陣，啲長輩講嘅嘢啱唔啱，
因為佢哋都仙遊，仲有一個未死，而家都九十幾歲+老人癡呆，
唯有珍惜原狀，但身體明顯差咗好多，
我覺得你唔駛太驚,因為就算當係你俾錢你都係買家,唔係賣家,如果你有接受過男家貴重物品先可能成立買賣………
另外你話好黑,有可能係男家果度同我老公朋友村屋一樣,好似會吸外來人運氣咁,所以去過就會黑一排,過左度氣就無事…….
你可能對這方面特別敏感，都係少接觸為妙！
其實我冇去過做 求壽 法事嗰度㗎，因為真係好遠 要穿州過省，個名我唔記得咗，係道教嘅發源地。
其實黑咗都有7至8年，人際關係、錢財、身體健康、出入 全部都頭頭碰著黑⋯⋯
黑到自己都頂唔順，每格幾個月，去慈山寺求拜⋯⋯
咁多年喺香港，都因為有啲親戚過身，都有去過啲法事，都冇事，大吉平安。
就係發生（求壽）呢單嘢之後，完全唔同晒
我自細已經知自己係高敏人士,以為少理自己既感覺會好D~
到近呢幾年發現,聽其他人既意見倒不如信自己既直覺~因為其他人既意見未必係真心為我好,好似我家姐由細到大叫我做人要點點點,到頭黎我發現佢只係自私,功就佢拎,野就推俾我做 
1個讚
如果你話行左8年衰運,有可能係你命盤真係咁岩行緊衰運,時間過左就無事啦~
因為我之前睇命盤算運程係大約8-10年就會轉一轉~
如果平日行善積功德可唔可以破解衰運？
我就睇到八字唔係咁差，嗰段日子，先至奇怪
我覺得⋯⋯
法術 這類嘢，除非真係有人識得解除，
否則應該都係用神明保佑，可能好啲⋯⋯雖然未必解到，但唔會越搞越複雜
1個讚
都係既,溝淡佢既影響力~
2個讚
我見有個網好多人放自己個命盤（有晒日子時間出生地）問下工作感情健康，係咪都會俾人借咗運借咗壽？
借壽係好難架,借運就簡單D不過都要先取得受害人(即係當年蠢既我)信任先可以落到手,但係我聽過呢種強借別人運既,有可能會受到反撲,所以有錢人寧願駛錢做善事黎增運~
我做廟既朋友都唔會講”借”運,佢只會話邊個係佢貴人佢就痴住佢,做決定就會問果個人意見~
我都有算過,如果驚既就唔好俾時間
咁我都會。好似我另一伴比我有運，我都會痴住佢。但佢唔係我貴人只係比我好運少少嘅人。 
2個讚
唔好openly放上網，搵啲專業師傅
我自己就唔熟，但我有朋友鑽研命理，佢個師傅話無論係改變命運好，解除厄運好，最後離不開行善積德+勤勞誠實，佢同個個人講，但都要睇對方聽唔聽得入耳
1個讚