其實可能B唔介意呢~我老公朋友成日叫人去佢屋企玩,因為佢果邊老人家鐘意間屋有”人氣”,但佢要我地帶”手信”先可以去
褸/校服褸穿過掛房門廁所門後不入櫃，細路書包/袋及我日常用袋放門口/固定位（路旁）平時行過不阻路不易掂到。如想重穿的衣物，亦可摺好入膠盆方便我移動，留低又太耐唔著問完我拎去洗。老公D袋唔洗但唔係日日用（如打波袋）佢自己用稀釋漂白水抹過，用袋包好先入櫃
所有衫褸要洗完先入櫃，我嘅皮袋用過就用消毒濕巾抹過入櫃，所以多用環保袋/尼龍材料易洗快乾。
太長的拖地褲腳出街後要摺短才入屋。
1個讚
我唔知B介唔介意，因為A上年其實問過B話要去佢地屋企拜年，但B拋個波比老公，但佢老公係冇應機。
其實A個性格有D怪，例如食飯coupon明明寫住可以幾多錢先用到一張，到埋單係都要叫個待應，扮唔知講一大輪問用唔用得成疊。
我話可唔可以下次唔好咁多人上嚟，同唔好請A，佢話個問題唔係呢度，唔傾落去。
我都冇嘢再同佢傾。
你老公似鬥氣,今次呢單過左去就算啦………
佢覺得我應該為咗佢而開放屋企。但屋企個細路唔想。我都唔想。
佢地約了係放工夜晚食，但第二日中午老公同我另一個細路都要上機離港。當晚如果真係來，除了巳知5個人（仲可能有多）仲有一個大喼，加一個細喼，加一個160cm 尼龍布袋超長的大行李，千祈唔好放入我地D房！
未執好的話食完送完客，抹完屋，又要執到一屋行李。
呢D我都冇同佢講，因為冇用。所有嘢都係籍口同我問題。
第2日仲要搭飛機,更加唔會陪佢癲啦
2個讚
其餘就唔理，淨係呢一點都覺得要推
2個讚
真係,同信抑唔等於同等價值觀,無需迎合所有人. 唔識尊重別人意願, 係基本做人既禮貌都無.
2個讚
其實就算係病態潔癖有乜問題？
喺自己屋企鍾意點做都得，自己感覺舒服啲，安心啲，你理得佢抹一百次？理得佢啲物品點處理？出街佢鍾意抹乾淨個位先坐落去，戴埋手套亦唔關人事，輪唔到人批判下化？
4個讚
係呀~只要唔影響到人就無問題
1個讚
明白樓主唔鍾意人地黎自己屋企, 不論係因為清潔定係私隱都好
但似乎你老公真係乜都唔介意
最後你地個盆菜之約會去左邊度食呢?
你係病態潔癖, 做你身邊嘅人好痛苦
2個讚
唔係唔影響到人啦, 個老公對住咁ge老婆都頂唔順…. 其實你啲袋出過街都好污糟, 你擺埋一邊咁如果要搵下袋啲嘢係咪都係沖涼後掂污糟嘢？ 使唔使全家又沖一次涼？如果要沖就超癲, 如果唔使就你自己都知道呃緊自己… 你d細路都好受影響
2個讚
佢自己獨居就係囉，講真有仔女連啲仔女都俾佢搞到唔正常。
1個讚
有幾個唔知咩人入左黎攪事~ 樓主唔駛理佢地,可能係BK過黎 
久唔久就有人過黎,你地唔駛回覆我啦~ 唔俾五毛你地
2個讚
你咪幼稚啦，唔啱聽就話人BK黎，你仲鼓勵佢就真係推佢去死啦，乾淨梗係好，但有個限度，明唔明啊？
你試吓出街問10個人10個都會同你講佢真係病態潔癖。
老公有得揀老婆，仔女冇得揀阿媽，點會唔影響到。
唔係點會咁多怪家庭。一代傳一代。
我覺得樓主有自己喜歡生活方法，又關你哋乜嘢事呢！佢有自己處理方法又唔影響到你，冇踩咗你一條尾，你哋鐘意咪自己食花生咪得咯，樓主只要你喜歡及覺得咁樣舒服嘅就繼續啦！只有你自己最清楚自己！
2個讚
你哋咪繼續認同佢囉，因為結果都係佢哋冚家承受返，你哋都係關人x事。
我哋就係唔想食花生，先至忍唔住講。
都話如果佢自己獨居冇問題㗎，佢自己開心就OK，話知佢用火酒沖涼丫。
而家唔係呀嘛，老公已經唔like，仔女又俾佢影響，到有朝一日個老公終於覺得個老婆黐L線, 啲仔女出到社會俾人覺得係怪人，咁今日認同/鼓勵佢嘅你哋又覺得點呢？
佢地入黎攪事呀,引起罵戰~
2個讚