有冇人好似我咁，疫情後不會/不想招乎親友到自己家？
事緣我返開教會，教會以前係屋企聚會，都會上我屋企。但自從疫情同模式改變，變返做返教會聚會，但有時冇地方，就要搵人屋企。咁我通常就唔出聲，因為我唔想。
自疫情後，我係要全家冲完涼先坐屋企。
今年有個朋友過年想食盆菜，一個又話自己屋企細，一個又話自己放工冇事間準備用話屋細，最後話要上我屋企食。我伴侶其實好歡迎人地上來，但我亦講咗我唔想，而我屋企的青少年都唔想咁多人來。
但最後我伴侶在個group堅持請人上屋企。又話幾年見一次。
對我來講，唔係幾年唔幾年，而係我真係唔鍾意。當然我都有問自己係咪冇愛伴侶同犧牲自己小小的原則，但真心個句，我係覺得委屈。好似一班人（老公、朋）覺得想，就要我犧牲小我。
總之就唔開心！想在度呻下。
我提議bk 一個可用電爐翻熱盆菜的會所。D朋友bk 時再confirm ，話不可打邊爐。咁我覺得大家一向話食盆菜再洗菜，我覺得ok. 但我伴侶好似好嬲咁，在group話改食到會。
其實係咪我錯？
咁又無話邊個錯嘅，但你如果要堅持，就會無咗正常社交，同朋友、老公關係邊差，你自己覺得邊樣緊要d? 衡量值唔值得囉。
講真，去到咁同唔想人上自己屋企係誇張咗
我有啲朋友仲誇張，出街唔去任何廁所覺得污糟，本身佢喺香港同英國都唔使返工，相信佢可以只去屋企廁所。但問題係佢個仔都係咁：喺學校唔去廁所，canteen櫈都唔坐（課室應該避唔到要坐）咁結果全校笑佢
另外一個家庭個老婆又係覺得出街乜都污糟，每日所有屋企人返嚟所有嘢都要洗，包括褸。佢老公同仔女都好怕佢
我覺得你未到佢哋咁，但都要諗下係咪心理問題，我覺得去到誇張嘅話已經係心理有事。希望你唔好介意
我都有潔癖，不過一開始就有 去到covid 都差不多，反而因為covid 其他人都邊得跟我一樣潔癖
Anyway 我明白同理解你 但你始終係covid 之後先係咁 其他人家人唔理解都應該既
平時佢哋都好配合，咁我覺得一次半次你又去配合都應該既
大家都冇錯，角度唔同
你委屈係因為你伴侶單方面應承晒，你不妨同佢好好傾吓下次唔可以咁冇商量
我唔認為你有錯,因為我都係返到屋企要換左屋企衫先可以坐低. 從外帶返屋企既物件要用消毒濕紙巾抺乾淨才收納.
疫情期間阿囡同學仔黎我屋企,佢哋要帶衫黎換.
期後我就買塊大鋪巾,有人上黎就鋪係梳化, 人客離開就直接洗鋪巾. 洗手間用消毒濕紙巾抹.
所以如果你伴侶堅持要請人上黎屋企聚, 你可以要求佢負責事後清潔工作. 因為屋企佢都有份.
真心,為方便自己就當人哋屋企係飯堂既人, 我係會敬而遠之
我諗你老公都會覺得好委屈，間屋淨係你嘅咩？大家都有份㗎嘛。
你唔想犧牲你自己，咪犧牲緊佢嘅囉。
真心有病去睇病啦，唔係串你。
嘗試走出comfort zone. 疫情已過, 招呼朋友回家唔會死人, 就算慼染小病可以訓練免疫力.
潔癖唔係錯, 係病
我鍾意乾淨，少少潔癖，盡量唔會用出面嘅廁所，Covid 後著過嘅衫基本上日日洗，唔可以經常洗嘅會放入styler 蒸氣消毒。我都唔太鍾意招呼親戚朋友嚟我屋企，因為佢哋嚟完我要全屋拖地，洗廁所，執返整齊，次次都搞大一餐
我老公都知我唔太想請朋友嚟，因為我之前真係好抗拒，我老公間中都有俾說話我聽。不過我搬咗入呢間屋之後都讓咗步，咁佢都會就吓我，次次請幾個朋友嚟，唔會多，咁我都ok
我姑姐係嚴重潔癖，廿幾年前，難得有一次佢請我哋去佢新屋仲參觀，佢大門口已經舖好晒報紙，俾我哋除鞋入屋。佢張梳化同餐椅全部用即棄膠枱布包好晒等我哋可以坐。我同屋企人&親戚入咗屋之後見到呢個情況，個個都唔敢郁，唔敢坐。嗰次之後冇再去過姑姐屋企
我同你一樣,我而家唔會俾人上我屋企,包括呀女既同學,之前女細有俾佢地上黎玩,但都係好煩,有一個衛生意識好差
你無錯,年紀大左唔想人地上自己屋企有咩問題~
我以前都好好客,但有D朋友黎我屋企玩完又唔肯走,又問我借野,我覺得勁煩
呢種唔係病,你試下你出間屋俾人玩幾次先,可能呢樣你唔介意,但我同POST主而家介意,大把人都唔會貢獻自己間屋俾朋友玩架啦,我識既人都好多唔願意架,個個都有藉口,而家我都唔願意啦
唔鍾意人上嚟有好多原因，唔一定因為潔癖，有時係嫌煩嫌嘈，有時係因為朋友唔識做，唔好混為一談講到全部有問題/冇問題，一定要拗到冇病。去到乜都洗同消毒，或者樓上講嘅用膠紙放梳化先比人坐就一定有心理病
你哋係咁就算，不過最好唔好令到下一代咁，佢哋有將來世界要去唔同地方工作、旅遊同見識，點去歐洲美洲同非洲？
我潔癖朋友個仔就係比個阿媽搞到而家只話一定要wfh，覺得出面啲地方唔安全唔衞生
都係想為大家好，潔癖嘅人好stubborn （否則唔會潔癖）唔鍾意聽得罪了
每個人需要嘅隱私度唔同，我都唔鍾意俾人上嚟屋企，覺得污糟 / 亂 / 煩，但只侷限 personal space，潔癖唔影響我去其他地方活動，甚至第三世界見識，兩樣嘢嚟