我覺得樓主唔想人地去佢度聚會唔完全係因為潔癖,因為我見佢都有寫佢仔女都唔想係佢屋企攪,但佢老公就怨佢,同埋其他人就可以有藉口唔上佢地屋企,但就指明要去樓主度…….只係樓主標題重點寫左潔癖
2個讚
我明呀，潔癖係一回事，如果guests 麻煩又係另一回事。或者唔想做前期功夫、後期清潔都係原因。同潔癖唔同，大家都偏離咗，講緊其他原因唔想邀請人。
1個讚
啱嘅，唔想人哋上自己屋企係好多原因。樓主個情況應該同老公協定一下一人讓一步
你太善良。之後有冇朋友做？
我有兩個厠所。兩個細路用先，我地大人等。等時企/坐膠椅後漂白水抹。我上人屋企冇問題，對我來說是出街，只要人地真心歡迎我。如果我sense 到，其實我情願唔去。
我係想保持自己屋企係一個冲完涼換衫，乾淨的私人空間
其實A幾年前已經話要食盆菜，但又話屋企細冇凳招呼人，果時疫情剛完我當住我老公面拒絕佢，話疫情後我唔想招呼人。
之後過咗一年A又WhatsApp 群組（入面有A B同我三個家庭）問我，我直接答咗唔方便。其實我好唔鍾意招呼人，亦唔鍾意A不停用好多理由要人招呼佢。
又一年後A又在群組問B上佢屋企拜年食盆菜，B話問老公，但老公在群組內冇回應。
今年我老公負責教會聚會搞盆菜。老公佢起初都話去會所，但我會所唔比煮食，跟住A B話訂咗先再唸地方。A又話屋企搞好D，又話自己屋苑會所都唔煮食得；B都話又話我屋企大，來我屋企。我到係好被迫咁答咁「冇會所冇辦法喇」。後來我見B冇答佢會所點，咁我有家人都住B屋苑，我問屋企人，知B會所可以電爐翻熱盆菜，但不可打邊爐（我屋企會所唔比所有煮食）。跟住到B又話book會所貴，不如上佢屋企。（同埋可能佢地想開大火打邊爐？之前又淨係話食盆菜同烚菜，都唔知佢地想點！）
我直接在WhatsApp group 講我同老公冇共識，但我有潔癖唔想招呼人。我上人地屋企都鄧人地辛苦（招呼/打掃）所以我一路都話去會所。錢是買個方便。最後B都係話慳返D上去屋企喎。
其實我個人唔想招呼任何人（潔癖係真），但亦係唔想招呼A。因為A佢經常用好多理用去迫人開放屋企。佢會話去佢屋企都得，但冇凳坐，然後就會用「你屋企大/ B老公年紀最大要去搞盆菜拜年」做理由。
A B都係教會朋友。本身恆常聚會係教會，但有時突然冇地方會找地方聚會，B會比我地（冇A，因A不是每次出現）上佢屋企。
老公睇法係我地都上去B到，唔好次次都上去。
但我睇法係請人上屋企係出於自願，其實B唔想大家出去食飯傾下計冇問題。就算牧師都唔會開放自己屋企比人，我哋奉獻都話要甘心樂意，點解要勉強我開放屋企招呼人？
4個讚
唔係話你錯，但你淨係講你唔想，有冇諗過老公想法？你老公負責，又係咪負責埋執嘢？清潔？
3個讚
樓主講多啲就明白了。不過你哋教友係咪好多年都好熟？可以再直接講呀，佢哋會明白的？我意思係你再三強調自己唔想
清潔就冇講過。講真我唔係掃個地同洗碗咁清潔，係消毒番屋企厠所同抹好多次坐過的地方。我心理上係好介意出過街的人周圍坐。（人地來維修整野就無法喇，但非必要都唔想）佢問過我點解唔想人上嚟，我都答我唔想係明知自己介意，佢地又知（講真，我都在老公面前當面拒絕過A，WhatsApp group直接答過唔方便）我覺得佢地上來我好唔舒服。
同埋之前老公話過我地會所唔用得明火，我都講過用電爐，我亦講過佢知其我女都話咁多人上來去會所喇（廁所好多佢個人用品＇廳有佢嘅筆記）但佢一直到冇講，我地會所連電爐都唔俾用。
到A話佢會所唔得，B又冇出聲，老公在我面前覆話唔好次次去B到，去我地屋企。其實我好嬲佢一直冇講番個情況就咁答。我當晚問番家人佢地住B屋苑用唔用得電爐，第二日個邊答可用翻熱但不能打邊爐，我就在個group 話番可以用喎，不如去會所。
後來又B話去佢屋企，A話辛苦哂B。我咪回覆活動話覺得我自己潔癖，都鄧人覺得辛苦（就算冇，你請人上來前𠂊後都要執喇）所以我一直都話去會所，何不去會所方便大家。錢夾番係買個方便。（其實我想講係，將心比己，我唔想打搞人，亦唔想人打搞我。
1個讚
因為佢想請人哋去你哋屋企囉。
其實我覺得你堅持拒絕嘅話人哋都唔會咁厚面皮卦，不過你要預埋影響同其他人嘅關係
1個讚
我有兩個厠所。兩個細路用先，我地大人等。等時企/坐膠椅後漂白水抹。我上人屋企冇問題，對我來說是出街，只要人地真心歡迎我。如果我sense 到人地唔ok,其實我情願唔去。例如今次佢哋兩個都話「嚟我都度都可以，不過x x x」然後又要推來推去，我就情願去街食囉。
我係想保持自己屋企係一個冲完涼換衫，乾淨的私人空間
其實A幾年前已經話要食盆菜，但又話屋企細冇凳招呼人，果時疫情剛完我當住我老公面拒絕佢，話疫情後我唔想招呼人。
之後過咗一年A又WhatsApp 群組（入面有A B同我三個家庭）問我，我直接答咗唔方便。其實我好唔鍾意招呼人，亦唔鍾意A不停用好多理由要人招呼佢。
又一年後A又在群組問B上佢屋企拜年食盆菜，B話問老公，但老公在群組內冇回應。
今年我老公負責教會聚會搞盆菜。老公佢起初都話去會所，但我會所唔比煮食，跟住A B話訂咗先再唸地方。A又話屋企搞好D，又話自己屋苑會所都唔煮食得；B都話又話我屋企大，來我屋企。我到係好被迫咁答咁「冇會所冇辦法喇」。後來我見B冇答佢會所點，咁我有家人都住B屋苑，我問屋企人，知B會所可以電爐翻熱盆菜，但不可打邊爐（我屋企會所唔比所有煮食）。跟住到B又話book會所貴，不如上佢屋企。（同埋可能佢地想開大火打邊爐？之前又淨係話食盆菜同烚菜，都唔知佢地想點！）
我直接在WhatsApp group 講我同老公冇共識，但我有潔癖唔想招呼人。我上人地屋企都鄧人地辛苦（招呼/打掃）所以我一路都話去會所。錢是買個方便。最後B都係話慳返D上去屋企喎。
其實第一我個人唔想招呼任何人（潔癖係真，我自己接受唔到自己唔沖涼周屋坐，又點會包容到其他人），但亦係唔想招呼A。因為A佢經常用好多理用去迫人開放屋企。佢會話去佢屋企都得，但冇凳坐，然後就會用「你屋企大/ B老公年紀最大要去搞盆菜拜年」做理由。
我本身真係唔想同A太過近同熟。
其實同B係識好耐，佢本身係好好人好喜歡包容人，會帶蝦佢的同事返教會（個同事返一兩次咁）
但我同B亦唔係同類人。未有疫情前當時教會係去屋企聚，多數去我度，但疫情前六七年教會巳改咗制度，全部聚會返番去教會。
試過有一個C（返咗一排）想食buffet 用四人優恵，C同我比較熟，叫我搵人。我搵咗同我及C比較熟嘅，包括B，但冇搵曬所有姊妹，B話點解唔搵埋某人（某人同B熟），B仲要用WhatsApp 不停同我傾，話我開咗個group，名係姊妹group 點解唔搵某人。講完一大輪，最後我話call meeting 個係C，問咗C，C話四個人先有折喎。我心唸其實call meeting 係C，我只係幫手約，B想約所有人其實可以自己搵人約一次。
我覺得就算係大家有一個信仰，裡面有千百種人 。我亦冇可能及冇需要迎合所有人。
我本身唔係想請人地返來、請咗心𥚃面一定忍唔住䀹人地點唔好、點掂我屋企、然後又要一邊笑騎騎扮好客，淨係想像自己都覺得自己好作嘔。
3個讚
問題係你同你老公大家唔想讓步。
假設…佢哋黎既時候，你唔係屋企（無眼睇）會唔會好啲？
又或者…用多啲即棄用品，例如廁所cover之類，會唔會好啲？
其實間屋老公都有份，佢想請人返屋企都係合理的
有呀,佢都無心既,不過男人就係唔愛惜人地屋企囉,佢有次都整爛另一個FD個櫃門 
1個讚
我都識人係咁,佢有個目標就會死心不息咁提(明明當事人已經拒絕左),同埋會以退為進咁先叫人上佢屋企(但佢個心唔會想人地上佢度),如果最後佢自己推唔甩,我好肯定佢會詐病
我覺得真心想邀請人，就唔會後面再話要去人地屋企囉。
聽咗咁多年，我都覺厭。真係咁好客，自己又咁介意冇櫈，點解幾年都唔買番D摺櫈。
己所不欲勿施於人。佢自己都覺得唔想人上嚟，又要幾乎年年問。其實我覺得大家舒服重要過食乜食物食盆菜。真係好想食你咪自己買個屋企食囉。
2個讚
同意呀，老公邀請人覺得無問題。
樓主講出嚟說服我哋無用㗎喎，佢最需要係說服個老公，依家搞到兩個都嬲。
我唔係說服你地，同你地講都冇實際作用。但我本身純粹想有個平台呻下，同睇下自己的盲點。
點知越講越知自己嬲乜。我今次係會企硬唔招呼A同開放屋企。
如果佢覺得我欠咗B，之後再傾乜情況下招呼番B或者多一兩個人。但係一啲有A/唔知最多會有幾多人的聚會，唔好喺屋企度搞。
好事嚟㗎，話俾老公知，希望佢明白
3個讚
咁啲褸呀袋呀，要唔要要用火酒抹？