第一次請工人姐姐，生左之後先請，姐姐嚟到時BB已經3個月，亦已戒夜奶。但interview時有講明有機會要半夜起身湊B，同埋會同BB同房，但現階段BB仲係同我同房，但當初咁樣講都係畀心理準備佢，近乎係”全天候"都要照顧BB，而佢乜都話ok嘅。
姐姐9:30pm收工，就會入房關埋門，有時如果我地早食完飯，let’s say 7:30pm食完，佢就會即刻洗碗，洗完都未到8pm但佢就會去沖涼然後返房關門，即係佢會自己提早8點幾就收工… 佢未咁早瞓嘅，開住燈，有聲(講電話/睇片)，我半夜會起身泵奶，有時1、2pm都聽到佢房仲有聲，佢係冇咁早瞓。
我11pm左右沖涼，有時BB係呢個時候扭計喊嘅話，老公未必哄得掂，我一邊沖就一邊聽住BB喊，喊好耐姐姐都唔會出嚟幫手… 我已經同姐姐講過好幾次，我沖涼時BB喊，先生係搞唔掂，佢一定要出嚟幫手，唔可以由得BB喊咁耐唔理，講完可能有4-5次佢會出嚟，但之後佢又打回原形。有次BB喊左好耐，我涼都未沖完行出嚟，敲佢門叫佢，佢唔應… 第二朝我問佢，尋晚聽唔到BB喊左好耐咩？聽唔到我地敲佢門？佢話自己瞓左聽唔到…
其實BB唔係晚晚扭喊，一星期可能一兩次，需要佢幫手都係around 11pm我沖涼嗰d時間，其他時間我都會自己搞掂唔需要佢幫。但有時BB一喊，見到佢會即刻熄燈扮瞓咗….
我覺得BB仲細，正常人都唔會忍心聽到BB喊咁耐唔理，BB喊到拆天，我沖緊涼都聽到，我唔覺得佢會聽唔到，仲可以瞓到覺囉…
但我同老公已經講到有d心淡，包括佢成日哩喺廚房唔出嚟幫手湊B，次次都要我地去叫佢請佢出嚟… 自問我地對姐姐已經好好，我同老公星期六係一定會同BB出街，佢全日喺屋企冇嘢做，我地都唔會特登整d咩出嚟叫佢做，當畀佢抖下，其實變相等於放多一日假，可以盡情休息，咁夜晚BB喊一次半次，要求佢要出嚟幫手，係咪好過份呢？
人地都係按章工作,本身第三者照顧就一定唔及親生父母照顧好. 或者係接觸一下大埔那單嗰位工人姐姐,
2個讚
你而家同佢既工作時間係唔清唔楚,一係你講明星期六俾佢放多半日假但要求佢平日半夜都睇下BB
1個讚
呢啲人都養唔熟架喇，斤斤計較
所以你都計返清楚比佢，寫低幾點至幾點做野
**未夠鐘唔好沖涼關房門，可以坐房休息，但不能關門，沖涼係休息時間做！
星期六就比野佢做，清潔風扇、冷氣機、窗、廚房用品等，唔好太得閒，懶開個頭收唔返
如果你沖涼要人幫手睇bb，咁你沖涼時間要改變。話哂你比佢9:30休息，但冇啦啦11點要佢幫手，呢個位我覺得唔太合理！
好多工人都「扮煮野」係廚房搞好耐，「dum波鐘」你一定要叫佢，習慣叫佢，叫佢做野，唔好比佢經常「扮忙扮聽唔到」
1個讚
咁我唔明，一開始interview時，講明湊B, 同BB同房，有可能半夜要工作，呢d都係我同agent interview時有講，佢係ok嘅… 某程度上喺係個「章」入面，有d工人係唔ok呢d就唔會接湊B家庭嘅job…
有寫明，有時間表畀佢，佢之前提早收工去沖涼，我地算數係因為覺得咁都冇嘢要佢做，但而家我地就唔會咁早食完飯，要佢幫手湊多陣B, 我地兩公婆抖下，到9點至接力，畀佢去洗碗
我有試過早d沖涼嘅，但沖完湊B有時又搞到成身口水同奶咁，點都係臨瞓先沖舒服d啫… 我哄左BB瞓先去沖涼，BB都唔係經常會醒返扭喊… somehow係覺得請佢時講好左有可能半夜要工作，而so far真係要佢收工時間後出返嚟幫手，都一定係12am之前嘅事，佢又未瞓，淩晨時份如果BB喊都係我自己搞，唔會麻煩佢… 不過既然係咁我唯有都係提早沖涼…
佢真係dum波鐘，煮一餐飯(好簡單炒個菜，蒸條魚) 都搞兩個鐘，有時去廁所又去好耐… 不過佢係有心機同BB玩嘅，所以有時呢d嘢我先算數，只係覺得夜晚佢忍心聽到BB喊咁耐都唔理… 好話唔好聽會唔會係有咩意外你都要出嚟睇下發生咩事呀… 不過算喇我會早d沖涼自己睇返…
寫明唔代表佢會做囉，所以要「執行」
既然佢計咁足，你都一樣唔夠鐘唔放佢去訓教沖涼，更唔可以提早「關門」，係意識上既表示！所以夠鐘先可以關。
呢個工人第日你唔洗指意比bb同佢訓，佢唔會幫手的
完約要bye bye!
假設我見佢「醒水」主動幫手，我就會特別多謝佢，更會比幾百佢。所以提醒佢，你識做、我識做！
係呀，而家唔會畀佢有機會咁早洗完碗就當自己收工，我老公叫我食飯食慢d唔好咁快接手。但佢嘅對應方法就係煮完飯喺廚房洗定d嘢先，唔係即刻出嚟幫手畀我去食飯，因為我有保暖板暖住d餸，佢就放d餸喺度，洗好耐嘢先出嚟接手湊B畀我去食飯，講真d菜係會焗到淋晒的… 有時都係要我地去廚房叫佢出嚟，先可以交BB畀佢去食飯… 不過冇架，我而家食完飯就沖涼，但如果我遲開飯，就遲d沖涼囉，咁佢又遲d收工囉…
我而家都諗，第時BB同佢同房，佢下下關實個房門點得，其實係唔係可以要求佢除左換衫外唔好關門？講真我地都唔關睡房門的… 如果佢唔理BB, 又關埋門唔畀我入去，咁點呀… 我見我家姐個工人同小朋友同房都唔關門嘅… 不過我諗我就算BB大d瞓唔到BB床，我都會寧願BB同我同床算喇，真係到佢再大個d有自理能力先會畀BB同姐姐同房，真係唔放心呀…. 如果兩年後我自己可以湊B+家務搞得掂，我都唔想再有個工人喺度…
其實我平時都成日買零食畀佢，又有送聖誕禮物畀佢，諗住對佢好d, 佢會對BB好d… 咁我以後都係獎罰分明d先…
唔喇，講明左畀佢星期六放半日，以後返唔到轉頭，我早d沖涼算喇，自己睇返BB, 星期六唔畀佢咁得閒喇，整d嘢出嚟叫佢做囉
1個讚
我以前有個工人好精甩尾，關一半門
初初我諗，咩意思？唔好打擾佢？
佢就係想咁！之後我話，工作時間唔好關門，要開到最大！我唔介意佢坐房休息，禁下電話，但一定唔可以關門
呢個工人唔算太差，只是你要求11pm都湊B , 又無講明補鐘或者有tips ，正常“打工仔”，都會覺得你恰佢。
你要記住，佢是為錢而做的“打工仔”，愛錫BB不是必然的。做就人情，唔做亦算道理。佢應承你，佢可以做，但都會睇下你有無“對佢好”。
我以前工人湊newborn，真的只是朝7晚9，除了煮飯＆簡單清潔，就是陪BB玩益智遊戲。
如果BB病左要特別照顧，我買外賣，不用工人煮飯。
做左1個月見佢正正常常，我打賞佢3百BONUS，見佢落力左，我之後就同佢講，每個月加3百，做夠1年之後，就加到5百。
不過如果你覺得已經對好好，佢又不領情，或者Hea做，咁咪考慮換人。
不過好多工人，都不接new born，因為責任太heavy
3個讚
有啲姐姐in個陣就咩都話得，嚟到就藉口多多，唔做li樣個樣
我之前個姐姐都知要湊bb+一個3歲，嚟到又話自己身體差又血壓高又有情緒病，話湊兩個好辛苦
但個陣我大嗰個返全日，基本上佢大部分時間只係湊bb，我除咗返part time之外，好多時間我自己湊返
姐姐個陣又係成日匿喺廚房玩電話，電到有次我老公沖緊涼，大嗰個喺廳恰眼瞓喺凳跌咗落嚟都嗰知
佢入屋時我哋同佢一齊睇house rule，寫明工作期間唔可以用電話，佢入屋第二個星期已經工作期間瘋狂用電話，我叫佢唔好用，佢仲答我「你第一次請菲律賓工人，你唔知傾電話係Philippine style」唉……講完都唔聽，同agent反映過都冇改善
好彩佢自己做咗4個月話要走，如果唔係真係激死呀哋
2個讚
我地想法係，星期六佢乜都唔洗做，係全日放假，已經叫補左鐘了… 而佢需要11pm出嚟睇BB, 係一星期最多發生一兩次… 有時佢自己提早收工，我地都冇叫返佢出嚟，就係覺得in case有時過左鐘BB喊要佢出嚟幫下眼，咪當拉上補下…
當然我地冇明言，只係覺得心照，但打工仔心態嘅話，就會覺得一樣還一樣喇… 即係”著數”攞左，但照樣係”按章工作”, even請佢嗰時講明需要midnight湊B, 講明同BB同房…
其實我覺得如果day one佢一嚟到，我地真係晚晚叫佢出嚟幫手湊B, 佢知道個要求係同in佢時所講一模一樣，或者佢而家就唔會覺得收左工你出面爆炸都唔關佢事？
佢7:30am-9:30pm, 工作範圍同你之前個工人一模一樣，有一日我唔係好舒服，我都叫外賣叫佢唔洗煮，花多d時間幫我睇住BB (而平時佢其實煮一餐only, 我早餐自己食cereal, 午餐我唔食嘅，佢淨係煮我同老公嘅晚餐)
你1個月只係「正正常常」就打賞，未做夠一年就加人工，咁你真係好闊佬。佢而家做左兩個月左右，其實仲觀察緊佢表現，我諗佢值唔值得加人工係取決於佢有冇主動去照顧BB, 如果BB喊左15分鐘都無動於衷，even within佢工作時間佢都經常會哩喺廚房唔出嚟，試過連續兩餐奶，我埋完身補埋奶粉同BB玩到瞓著再到下一餐奶，佢都喺廚房冇出過嚟，即係煮一餐飯要4個鐘 (其實哩喺廚房㩒電話), 咁我點獎賞佢… 而本身我地已經畀得高過最低工資…
撇除呢d佢做家務唔係話好大問題，日頭同BB玩時都玩得幾好，但好多嘢都仲係叫一叫先郁一郁，例如hktvmall送貨叫佢幫手收，佢永遠拎左入屋就唔會處理，叫佢幫手拆，佢真係拆左原地擺喺度，叫佢將d嘢放入雪櫃，佢先識得放… 到第二次送貨，一樣都係咁，叫佢先會做，唔係話叫過一次，下次會自動波… 係冇乜主動性，呢d小事我地都算，但真係期望佢緊張BB even收左工聽到BB喊咁耐可以出嚟睇下咩事，係安全意識嘅問題… 好話唔好聽，如果係我暈低左所以BB喊咁耐冇人哄，但佢覺得自己收左工就由得BB喊幾耐都當聽唔到，咁後果都幾嚴重…
Anyway, 而家我早d沖涼，雖然食飽飯即刻沖對身體唔好，但都冇辦法，費事要三催四請佢，唔補錢補鐘畀佢就好似係我無良… 但以後星期六唔會畀佢咁輕鬆唔使做
就係最驚呢d, 哩埋喺廚房/自己房，出面爆炸都話之你，聽唔到/扮聽唔到… 始終有小朋友喺度，安全好重要，所以我覺得BB喊咁耐佢覺得自己收左工就唔出嚟，係冇關心到BB嘅安全，佢唔諗下會唔會有咩意外，出嚟望一眼關心下發生咩事都冇，如果係我暈左呢？後果係嚴重架，係安全意識問題… 係失望嘅… 明白佢係有收工時間，但已經唔係日日需要佢喺我沖涼時幫手，因為我哄左BB瞓我先去沖涼，BB通常一覺就瞓天光… 喊只係間唔時一兩次…
我都有同佢講house rule, 都係工作時間唔可以用電話，但佢day one已經係袋住電話喺身，好多時哩喺廚房㩒電話… 我嗰個係印唔係菲，已經係特登揀印諗住純d聽話d…
不過既然呢d灰色地帶，even interview時講明要midnight湊B, 要同BB同房，而家都係"按章工作”, 做係人情唔做係道理，即係可能我仲要加佢人工，補鐘畀佢，先可以叫佢喺我沖涼時幫下眼… 咁我都係早d沖涼自己睇返，但就唔會再畀佢自行提早收工同埋星期六咁得閒唔使做…
教工人同教仔一樣，完全不能assume 佢地“自動波”或者“有心做”。
當年我BB出世前3個月，已經接工人回家，step by step教佢。
例如起初佢切菜心，佢逐條切。我教佢用橡筋扎埋一齊切。
例如你話收貨的問題，就要每件貨都講明，如何收，是否要拆盒，放在什麼地方。
講明佢做到就有Bonus。
如果佢第一次做錯，你要非常仔細地講，並親自示範一次，如何做。然後叫佢做1次俾你睇。之後如果佢做錯，就要寫低，＆影低，工人犯錯的地方。
如果你想炒佢，都不會俾佢反咬你無理解僱。
教工人同入機械人programm 一樣，是要非常細緻。
我當年講少1句，忘記提工人，洗完木筷子要吹幾日，才收入櫃桶。結果成堆木筷子，成個櫃桶，發哂霉，一打開是勁恐怖。
但我無怪佢，因為我平時是用膠筷子，佢就照版煮碗。
我明白有些工人hea 做，但亦有時我們 “以為‘’ 工人有 common sense，其實佢地真係可以完全無common sense ，教到嘔血。教工人同入機械人programm 一樣，是要非常細緻。
2個讚
我覺得應該提返佢嘅工作範疇，同佢講清楚你沖緊涼如果先生唔喺度，bb喊佢要出嚟幫手湊bb
而唔係加佢人工或補鐘俾佢，如果而家加$100佢肯做，遲啲加$100佢唔肯做，唔通你又繼續加錢俾佢做咩
同埋你應該同agent 講佢嘅問題，同埋話俾佢知如果破壞house rule，提咗幾多次都唔改善就出警告信，雖然出警告信佢未必驚，但可以俾佢知你真係好唔滿意佢嘅行為
當然都要睇吓agent幫唔幫你
1個讚
因為我同老公當初係好抗拒請工人，但生左之後先知搞唔掂，好急請工人，所以先會BB三個月工人先到，嗰時都有d兵慌馬亂咁，我仲有時間打一份時間表同house rules出嚟已經係極限，佢嚟到我都冇乜時間逐樣教逐樣執，真係但求有個人幫手做左d家務同埋煮飯畀我地食，結果佢可能發覺我唔係好嚴謹，寫出嚟要佢做嘅嘢唔係真係要佢做，見到佢玩電話/提早收工冇話佢，話要同BB同房要半夜照顧BB原來又唔洗，咁咪覺得放工就係放工，入左房關埋門就平行世界咁乜都唔洗理…
如果我有時間留意多d，都見到佢有d嘢我係接受唔到，例如試過見到佢原來煲湯當日未飲晒唔放入雪櫃，成煲就咁擺喺廚房擺過夜，我係半夜起身泵奶，咁啱嗰晚個爐頭係有湯跡未清潔，我移開個煲先發現入面係有成煲湯喺度… 嗰時仲要夏天… 第二朝同佢講成煲湯要倒，唔可以咁樣擺過夜唔放入雪櫃，咁佢之後冇再咁，但又畀我發現佢朝早煲落湯，都係就咁放到夜晚翻熱畀我飲，我唔明點解唔放入雪櫃，再提佢，但又係提一次做一次咁…
又例如用我食飯嘅筷子去攪生肉… 洗菜佢係浸住喺度大半日就當洗左，其實浸咁耐係會滲返d農藥入去… 總之留意多d就發現好多問題，好清楚寫左出嚟叫佢跟住做都會做錯…
之前都有試過有d嘢影低同佢講唔ok，叫佢做返好，但驚佢有hard feeling… 但聽你咁講其實係要影低同佢講兼留record添…
要逐樣執逐樣嘅話真係會嘔血，我又唔明佢前僱主係點教，佢都應該之前都係咁樣做冇人話唔啱，先會繼續咁樣做… 因為通常佢煮飯時我湊B，好難企佢隔離捉住手教，有d嘢就隻眼開隻眼閉，提就提講就講過，但mon唔到佢有冇正確地跟住做…
係咪呢… 我就係覺得咁in嗰時都講咗湊B係有機會半夜都要工作… 咁係agreed咗，冇理由而家又變左做係人情唔做係道理，我要佢喺我沖涼時幫下眼，係我不合理要求變左無良僱主…
已經提左佢好多次，就算收左工聽到BB喊超過5分鐘就一定要出嚟睇下咩事，洗唔洗幫手，係BB安全嘅問題… 但佢有做咗3,4次，到第5次佢又打回原形咁…
我唔知呢d嘢agent會理，咁我試下同agent反映…