有些細微野，例如筷子，抹爐頭，就無謂執咁緊，d湯朝早煲，放到晚餐時間，問題不大。你乜都太緊張，反而因小失大。
影響BB安全，或者家居安全，這些重點，就寫低Rules (大約8-10 items, 不要太多）貼在當眼地方，然後計分，1個月無犯錯，就300 bonus, 少過5次，就200，少過10次，就100。
另外你要講明，如果夜晚搵佢幫忙，會補鐘或者補錢俾佢。
你之前所謂星期六唔洗佢做，但無講清楚，咁工人唔會覺得是“補鐘”。
我在公司做慣行政，教員工操守，賞罰分明。
好多媽媽跟本無用 ‘’行政“”, 去處理工人，只會令自己和工人都 “無所適從”。
睇哂你講的 “問題”，大部分都因 指引／教導不清不楚，賞罰又不說明，太多“以為咁咁咁”。
同意，好多時佢哋常識係..奇怪
唔好以為佢識，當佢唔識！全部講清楚，寫低！
我試過叫工人整冰，我望住佢，佢去水龍頭開水整冰
個人認為有啲人衞生常識比較低，一定要講清楚
我仲會講點解！「唔知你鄉下咩習慣，總之我屋企，我要求一定要咁咁咁」「唔放雪櫃會變壞，會肚痛，全家食物中毒要入院」
畫公仔畫出腸！
打工仔心態,你無野俾我做,但又唔係放我走人放工,咁唔算係補鐘. 真正補鐘,係我既自由時間,我可以留係屋企,亦可以出街玩.
其實冇乜心做…….
這就是親與不親的問題,雖然簽約時講明湊B, 同BB同房, 有可能半夜要工作, 但過咗收工時間係佢既私人時間,會唔會願意去做係佢自己事,僱主係唔可以強迫佢做.唔滿意你可以換另一個,不過我係支持BB自己湊最安心.
等於好多香港人收工了,老闆叫佢留底做野,好多都唔願意一樣道理.
如果個姐姐大致正常我哋就冇逐樣嘢執佢，不過有時見到都會即場示範一次佢睇我哋嘅要求係要做到點樣，不過你預要做多幾次俾佢睇先入腦
我都係清潔衛生有要求咋，但我知姐姐要湊我細嗰個，所以佢做到八成我都收貨，有時自己執下手尾囉，不過我都會提佢下次要留意吓
不過我覺得最重要係要令你姐姐明白就算放咗工，bb喊都想佢幫手睇下，係因為關乎bb安全
你可能同佢講聽日虐兒條例生效，如果bb有咩事，就算唔係佢問題，到時有可能警察會同成屋所有成人問話，等佢上心小小，雖然有人覺得好似恐嚇
仲有佢之前嚟香港做過，真係唔等於佢識做
我媽之前請嗰個喺香港做咗16年，但完全唔識煮飯，同姐姐傾開先知原來佢做咁多份工都唔使煮飯，所以你當你姐姐未嚟香港做過，點你會冇咁激氣
其實如果我係返呢個鐘數嘅工作，我中間都應該會出盡力去偷懶。
仲話要做埋星期六
呢班僱主有冇諗過如果係自己返工時間合唔合理？
仲有唔記得邊位JM話工作時間唔可以拎電話出嚟？唔知以為做銀行。
我唔知其他人係點安排，同埋我唔會要求姐姐non-stop咁不停手做，佢都有放飯時間，唔計食飯時間，我姐姐每日工作期間有兩個半鐘俾佢瞓晏覺或者休息，我返工都冇得咁光明正大咁樣抖
再者唔知你有冇請過工人，勞工處規定每工作滿7日放一日假，一般大部分家庭嘅姐姐都係六天工作
唔係話唔用得電話，但姐姐由起身開始視像、non-stop傾電話，傾到佢自己瞓覺先停，傾到小朋友喺凳跌落地都唔知，瘋狂地用電話我真係接受唔到囉
一般老闆請人返嚟都係希望員工係工作，間中用睇下撳下電話好正常，但non-stop咁玩電話，電到一日要叉4次電，我真係唔知邊份工嘅老闆會接受到囉
唔使咁多個囉字嘅
你嗰啲極端例子係人都知唔得啦。講緊叫人工作期間唔可以拎電話出嚟真係冇可能嘅事。
咁我都認同，只要唔太過份，間中睇下真係好平常
我自己返工都做唔到完全唔用
佢覺得星期六無野俾工人做就等於補鐘休息.
設身處地,你返工,但無野做, 咁係咪公司可以當放左你一日假?
咁你就應該換姐姐
早已換咗，慶幸係佢自己做咗幾個月就話唔做
咁就階大歡喜. 不過始終都係第三者,唔好咩都太依賴對方.