話說我入左一個附近街坊group
感覺都唔少係有消費能力既人, 老中青都有
近年流行北上消費, group 中有一半人都會討論北上交通、消費, 上去有咩吃喝玩樂
咁最近我地住果區有唔少店鋪執笠, group 友A 就慨嘆香港好多鋪頭都做唔住啦
跟住慣左weekend 北上既group友B (都係有消費能力既後生) 就出黎講
唉, 鬼叫搵食艱難呀
其實我唔明, 乜weekend 北上揼骨唱K飲手搖飲品行costco 係必須?
民生區咁多鋪頭執笠真係多謝你地成日北上消費了。
group 友A 慨嘆完唔夠幾分鐘, group 友C又問, 星期六北上點搭車最快
最犯賤係業主
我屋企唔北上，但覺得香港所有嘢都貴，買餸、出街食飯都貴（我搬出來住十幾年，近幾年感覺物價飛升）
唔減租香港不會有轉機
6個讚
無用架,佢哋要自己都失業先知驚.
最好笑係髮型師話自己客人都少左好多, 但佢自己都成日北上,咁佢既客人北上剪頭髮兼行街食野有幾出奇!?
12個讚
有因必有果，自己北上就唔好怪仔女搵唔到嘢做影響家用；到時政府冇錢亦會影響自己攞嘅生果金同老人津貼
我唔太明啲人點解移民好留港好都想香港死，你想個政府死我當然明，但點解唔撐下仲堅持緊嘅人？唔係政治，講緊係小店，係made in HK，係本土經濟，仲想喺香港誠實生活，努力生存嘅人。有啲人唔撐仲要踩多腳，仲笑佢哋扺死同天真（唔係話好多，但有啲已經死啦）
移民後想香港死？咁自己冇屋企人同朋友喺香港？留港嘅想香港死？你自己點生活生存？
唔係講初心不變咩？唔係兄弟爬山各自努力煲底見咩？
7個讚
呢個我明，如果一個女仔被迫做自己最憎男人嘅性奴，一生一世受佢氣，你寧願日日 keep fit 學盡床技去服侍佢，定係自殘令佢唔可以在自己身上得到咩著數?
我算係使得起嘅人，但唔會北上消費，因為我太了解回報與風險不平衡。
北上揼骨 - 正骨亂咁來，唔想殘廢住，邪骨又會俾公安拉。
唱K飲嘢 - 太多唔正常嘅人
手搖飲品 - 港女廢水仲要大劣版
行costco - 劣質貨品，一分錢未必有一分貨。
5個讚
係咪回錯post ar?
見你成日都討論呢個話題，知你好肉緊，但好似唔關呢個post事
2個讚
寧願掉空都唔減租 
1個讚
我都唔會貪平上去玩,要平不如留係屋企上網打機
3個讚
Sorry，係我衰，好，回返個題先：間中北上明白，但好心唔好取代香港本地消費，唔係為文化都為下自己安全
我見有人講過用咗上面廁紙然後有婦科病，個女仔冇拍拖嘅
我見thread有人分享北上去長隆動物園玩，但又投訴啲人行為，我心諗你上得去玩就預咗啦
3個讚
廿年前左右我讀完書返香港，見到好多大陸人好黑人憎，之後d 朋友會去大陸玩問我去唔去，我話喺香港都唔想見到佢哋，仲點解要走上去？
3個讚
香港周圍都係人，尤其是乜乜黃金週就更甚，又迫又嘈又污糟，連街都唔想出，仲講咩消費
出去餐廳食野好多時都限時，食得趕頭趕命，傾傾下計又比人趕，真心掃興
而且香港好多方面嘅環境都令人好壓抑，放長假只想離開香港，暫時逃避一下呢個環境都好。去旅行要儲錢，咁自然會減少喺香港消費，留返去旅行先使多d
利申: 冇北上消費
但有時見到一啲極普通極普通嘅茶記，晚市收一個好普通又唔好食嘅餸都成嚿水，真的心淡到極！其實有唔少人唔係番某地洗錢，好多係儲多啲去日本或其他國家洗
3個讚
唔要高地價, 但要高人工低本地消費, 成日去日本？
真，我返香港除咗約朋友，都好少洗錢。
唔係唔捨得洗，而係唔想洗，唔想失望或者浪費時間/食嘢quota。
茶餐廳同連鎖店貴得嚟食物同服務冇質素，想坐耐啲又唔得。
長輩飛咗幾次嚟探我、又或者試咗幾次相約日韓台見面後，
覺得物有所值，主動提出外地旅遊/見面。
都幾感慨，連以前視外地消費為貴同浪費嘅老人都覺得外地洗得開心啲，香港應該點行落去？
2個讚
其實我唔係想低消費，只係想物有所值。
去一次日本都洗唔少錢。
日本勁係在於捉到消費者心理、情緒。
樣樣都好靚，買完實用得嚟好開心。
我居住地勁係在於，
名牌都搞到同up dup商場普通衫褲袋差唔多，
真係幫我慳咗唔少錢，
平日只會去買餸，折扣優惠月份買日用品/wishlist嘢，其他錢留返去遊行時順手添置家品用。
其實初出嚟做嘢係sogo sale都洗唔少，
自從有自由行後，sales見我買兩三件面口唔好就開始戒咗。
吉之島以前平日冇咁忙嘅時候，啲sales好肯好似朋友咁俾意見同入倉搵啱我嘅嘢。
有時未必太鍾意，但見人地特登入倉搵一餐都會買返屋企。
宜家傾開，唔知幾時起，好似少咗職員，啲職亦只會收錢同問一句答一句，唔會行多一步。
都好嘅，買少啲，唔使成屋嘢。
自身經濟仍然負擔得起，所以仍然留港消費沒有返大陸玩。有小朋友，帶上去玩費時失事同埋唔想有安全風險。但正因為帶住小朋友，多數揸車外出導致主要去商場消費而少咗幫襯本土小店。
1個讚
其實都好明白大家所講，好多無奈位，共勉之
至於我自己原則：支持本土小店係公民責任，多少就就自己生活同經濟情況，但要有呢件事發生，我都盡小市民責任盡做，不論在何地。例如我每日一定去鎮上小店起碼食/買一樣嘢，迫自己做
返香港就爆買小店，平時喺英國會定期比錢香港嘅屋企人幫我買嘢，一係佢哋帶過嚟一係我返去時攞
我啲物慾早已歸零，但買少少幫到小經濟感覺良好啲