唔講政治
就算冇移民潮香港一樣死, 移民潮只係加快成件事
最根本嘅原因係炒地炒樓
而家只係還返上一代人種下嘅根
日本炒爆樓迷失三十年
好多好多年都冇通漲
係尼兩年先開始通漲返
香港同大陸一樣都係跟日本一樣架啦
D野慢慢向下或者等其他國家追上
唔係話我想香港死
而係事實如此
只怪上一代香港人短視淨係識炒炒炒
要而家尼代人去還
2個讚
咁英美澳加歐？佢地除左經濟倚賴中國同大量引入移民… 唔知做左…乜工業都無sai/剩好少
我都想講呢樣野, 香港地食飯成日限時限刻交檯, 餐廳普通野食又貴, 呢個某程度上都係同地產霸權有關。租金不合理地貴, 搞到d 餐廳要限住一晚做幾多轉客去追番成本。
但如果係咁, 其實買個外賣番屋企睇netflix 都得, 佢地星期六日都寧願北上去costco 買大大盒麵包蛋糕都唔幫襯樓下餅鋪, 樓下d 鋪頭梗係執笠啦。地產霸權係令香港d 餐廳趕客, 但係你有閒錢都自己選擇左北上消費, 仲要玩到星期六過夜住一晚酒店星期日先番, 就唔好賴咩搵食艱難啦。
(消費降級儲錢去日本旅行無咩大問題, 前設係你唔會個個星期六日都番一次日本嘛? 響香港生活既日子, 總要食同買日用品, 總會有d 消費先)
不過我果個街坊group 聲稱唔講得政治嘛, 好, 咁我做CD ROM 食花生算
1個讚
我同事就係咁. 佢哋而家仲一齊上去睇中醫. 
1個讚
真係食得晒咩？
擺到唔新鮮，幾平都假
2個讚
日日食,再食唔晒咪請公司同事食, 反正咁便宜唔會肉痛.
1個讚
有d用開嘅日用品同skincare係外國牌子
又比香港平一截
我會去旅行嘅時候會買多d囤貨
食唔晒先請人食，唔咁好wor 
咁好多同事又唔介意,仲好開心添 
成日淨係諗點樣喺食材度偷工減料賺到盡
例如空氣包
或者一碟肉絲炒麵得幾條肉絲呢d都聽唔少
仲有，而家唔少餐廳都係用大陸預製菜，例如有連鎖茶餐廳連飯都要用大陸預製飯，菠蘿包都係大陸預製然後冷藏嘅
稻x d 點心都係
唔知邊間連鎖快餐店嘅盆菜都係
對食物有要求又唔怕使錢嘅根本唔會幫襯，又唔知邊間係用大陸預製菜，邊間唔係，索性減少出面食，以免中伏
對食物冇要求，一味淨係識貪平嘅，自然會北上消費，點會比佢哋賺
1個讚
物價高肯定係問題所在,最主要都係失晒平衡,咩都高反而打工仔工資唔高,這才是最大問題. 若然工資都同物價一樣平衡啲,點會冇人願意出外消費. 我都埋怨老公公司老闆孤寒,年年升幅都衹係幾百甚至冇得加,唔係因為老公工作自由容易請假,早都叫佢轉工,現在時勢又咁差,更加唔敢隨便請辭唔撈轉另一份.
所以才講教育好失敗,好多學生為了賺快錢步向炒方向,特別好多入了大學,仲係以抄股為目標,學習為次甚至冇興趣(因為係父母逼),所以點會令香港好有好既人才出現.
而家AI咁方便你可以直接問AI
我係咁易都講到少少
美國：IT, 金融, 農業, 頁岩油
英國：航天, 汽車引擎, 晶片, 製藥
講開呢樣嘢，我細個返大陸時一過關就聞到麵包舖好臭，我覺得無佢用d 唔知咩油去焗麵包，本身我唔食牛油嗅覺對牛油好敏感。
2個讚
依樣我都好surprise，前排先見到有人投訴某餐廳嘅荷包蛋，我先知原來咁簡單嘅嘢都要預製。有人推介x福堂嘅健康雙餸飯，平喎，原來又係預製，mic 幾平都假啦。
睇佢嗰幾粒點點就知佢乜水啦，全世界都要依賴中國㗎
你叫佢用AI 可能都係用中國製AI
好似Loreal啱啱被炒員工，唔知佢哋本身有冇北上開？應該知道因果關係
2個讚
其實各有各取態，好多親朋戚友都會上去消費，我覺得冇咩問題，自己唔去，其他人做咩真係冇所謂。
上去消費嘅根源問題就係香港物價已經去到失衡，就算俾得起錢食，香港人劏埋自己人：加價減份量，質素又差，仲要受人西口西面，咁好自然就會諗北上。
有時公平啲諗，大陸或者比以前真係進步咗好多，就算幾唔鐘意都好，呢個都係事實，又或者係香港（政府）不思進取，管理不善，搞到今時今日咁嘅情況。
6個讚
香港生活係好壓抑，講句嘢都又拉又鎖，有錢嘅去外地冇錢嘅去內地無可厚非，但如果其他地方各樣日用品都取代香港消費（去到麵包同廁紙嗰啲）到時自己同家人份工都會冇埋，先衡量下承唔承受得起個後果先
但對好多廢老佢哋都唔會care
3個讚
會唔會用DeepSeek?
拿我認真答：呢個係一個大議題，佢唔係錯晒：但唔係因為好多產品made in China，而係外國好多基建同產業已賣比某強國或者佔股份，例如農地、汽車、電訊、礦產、科技、港口, etc. 法國啲紅酒場同日本啲滑雪場只係小事
以英國為例：我睇到呢個報導都驚，雖然佢計埋李嘉誠
https://www.google.com/amp/s/www.bbc.co.uk/news/articles/cn4w3y4pdkzo.amp
另外佢抄科技抄到“出神入化”都係一個大問題，人無恥便無敵
以我所知美國係警覺性最高，侵侵已經對抗緊，但真心遲咗，某國對美國滲透再大嘅擔憂係以人肉形式，講緊係幾先萬人已喺嗰邊，黨員有隱身有不隱身
有錯請指正，sorry樓主我又離題，呢個可以另外討論