不經不覺喺英國已四年，每日返工放工，做一份完全冇滿足感嘅工，仲要每日疲於身處講是非打小報告嘅職場生態。
感覺人生除咗入藉，好似冇咗目標咁。雖然我好清楚點解要離開香港，亦了解英國現實情況，但當日復日年復年咁過，愈來愈覺得自己失去昔日光彩同動力。
我知比起嗰啲失業搵唔到工嘅人，我應該要知足，但負面情緒總係不時湧出嚟，搵唔到一個適合嘅人可以傾，唯有上嚟呢個樹窿度呻。
6個讚
講中咗我99%嘅情況，除咗講是非，工作穩定後，連social都懶，做嘢就做，做完就走。
困住左係度。
生活表面幾好，都鍾意煮嘢食，廚藝大進步。但人生冇滿足感，失去左動力。
可能工作佔咗我人生重要嘅一部分，當工作冇滿足感，呢部分嘅缺失會被放大。而呢個缺口，我亦清楚知道唔會搵得返（港英兩地行業守則唔同咗）
2個讚
好想入藉後放自己一個大break, refresh下生活
喺度工作除咗冇咗動力，仲少咗份安全感同自信，以前喺香港知道自己能力喺邊，掌控到自己職涯規劃，唔啱做可以好勇裸辭，依家已經冇咗呢份信心同勇氣。
我是同路人
我成日都覺得好alone
我明！以前東家唔打打西家，宜家成日同自己講，有份工都算唔錯。
我公司行內都算好做，人工因為跟政府，所以唔會加，所以更加困住係度。
有唸過轉行睇吓有冇新轉機，但可能等多幾年供多啲層樓、入籍後先唸。
我都有諗過𨍭行，不過應該都會等到入藉後先郁，到時仲要睇吓個市點，我地都係供緊樓，需要有份穩定工作同收入
我都係同你差唔多時間嚟到，做返本行，用咗三年幾嘅時間去pick up英文同埋文化，始終係香港美式英文多，然後外國人又會就你，嚟到英國淨係名詞都可以唔同，又要pick up嘅accents同埋速度有時都好沮喪，特別係英文表達嘅拿捏好難，有時佢寫個個字都識，但係我睇完唔肯定佢講乜，講緊我份工其實reading嘅要求都好高。
有時候放慢啲自己嘅腳步，聽自己嘅心聲想做乜就做乜，過咗一排我覺得自己放鬆咗開心咗，但係呢排逼住自己去跟返個節奏又開始緊張返。
我哋呢啲係香港做咗幾廿年嘢嘅老鬼，有一啲經驗但係冇本地經驗，又要重新用一種語言去溝通表達自己好多時都好迷惘，究竟應該用咩心態喺呢度生活，努力向上學多啲嘢？定係交大部份功課就算，安心做個小薯？
1個讚
不如你地試下返工唔好咁上心~放工煮下飯,放假出去行下~
3個讚
完全明白，返工返到好burnout，唔係份工壓力大或辛苦，係只得自己一個係局外人嗰種孤獨感同無力感。
我條team全local女人，manager welcome人講是非篤背脊，我基本上係佢地首選目標，有次太過分我發好大脾氣，佢地先收斂一兩日，之後又繼續係咁，依家搞到個人愈來愈摺，完全失去動力。
唔係未試過搵第二份工，一直都係reject或條件唔岩，我都係供緊樓，唔可以咁瀟灑話唔做就唔做。
2個讚
Thanks!
呢個都係我最近唸過嘅嘢，要搵新興趣，focus返係自己度。
希望好快搵到～
1個讚
職場是非好傷身
你哋有冇啲興趣喺香港冇機會冇空間做？而家可以培養下呀 
我有好多劇以前得個wish list, 過到嚟終於睇到，最經典係Sherlock, 只係十三集，2010年已經播，喺當年明珠台已經想睇，到Netflix有我都未有時間，直至移民後2022年時終於煲到，我已經好開心好感動，雖然冇乜大志
1個讚
我人生一向都無大志，但喺香港時，搵到份可以準時收工嘅工都好，都好似無咩靈魂咁，每日返到屋企就照顧小朋友、食完飯攰到即刻瞓著。weekend 匆匆忙忙咁過，除咗放假去旅行叫短暫叉下電，一返到香港又感受到陣窒息感。
離開後，真正體驗到work life balance，放工後、放假留國都好，搵到個步伐令自己放鬆。起碼一家人可以一齊食晚飯（以前老公收好夜，返到屋企bb 都瞓咗），8點叫小朋友瞓覺，之後就係我哋嘅me time，可以玩下board game、睇電視、傾吓偈。
我兩公婆都做唔返本行，移民就知道所有嘢會歸零，有呢個心態就唔會比較返以前喺香港點樣，同事關係啱嘅就講下weekend、放假做咩，唔熟嘅都只係hi bye，唔會強逼自己要認識朋友。
可能對比其他重視工作嘅人嚟講，我無呢方面嘅憂慮。但人生除咗工作，而工作又暫時俾唔到成功感時，可以嘗試搵其他嘢去滿足。好多人走咗，學識種花、變廚神，我都無，躺平好舒服
5個讚
以前響香港嘅目標係乜？有冇甩左？
我so far都ok
冇乜大志too
而家可以發掘吓新嘅旅行目的地
返工又有吹水嘅飯腳
有啲啲街坊吹水，唔係深交，但都未至於太生保
我覺得ok啦
2個讚
無錯，好鐘意研究歐洲邊度平機票。
1個讚
我唔要名要利，但我唔鍾意齋躺平，所以喺呢度都叫做進修下，但以前係好冇空間
當然另一方面住喺香港係充實嘅，後生嘅話比較適合同精彩，唔會懶同蠢
總之住邊都有辣有唔辣，只係我個選擇係而家休息多啲先
2個讚
我有學語言、轉行關係又要上course，但唔係我興趣。
不過可以換來喺呢度平穩生活，可以繼續享受呢到嘅好處，我樂意。
3個讚
我覺得進修唔係為張cert(以前係)而家係為知識多啲
如果太多是非纏身，做運動呼吸新鮮空氣，釋放正面能量，應該對樓主有幫助
+1
努力填 歐洲制霸