學吓種嘢都唔算原地踏步卦
1個讚
其實除咗住屋環境同空氣好咗之外，我真係搵唔到其他優點。
感覺係好醃悶，基本上日日只係去吓Tesco、Asda，有時想出去行吓街，不過諗唔到有咩好去，就繼續攤喺屋企，消磨意志，你話種嘢、搞花園我又冇乜興趣，日復日，漸漸就麻木咗，唔再悶
職場嘅其實同香港冇乜分別，都係多事非，擦吓鞋，再者香港人對住英國本土人嘅其實冇say，佢哋都係覺得香港人係次等。
咁其實佢都有好多嘢玩，例如可以揸船遊泰晤士河，go karting，水上活動中心，而家呢個時候可以去摘士多啤梨同埋其他蔬果
搵D嘢做吓冇咁悶
1個讚
你平時響香港有乜嘢做開，睇下有冇得照做
唔需要話好精彩，但喺屋企有啲嗜好同細藝就冇咁奄悶
1個讚
我好幾個月無行過街喇
可能自己都唔係鐘意買嘢嘅人，比較鐘意行超市多d
好天氣嘅話，就去下沙灘、公園野餐，hea 幾個鐘。
無節目喺屋企成日都好滿足，人生去到中年先搵到適合自己嘅生活。
講咁多唔係話大家要鐘意我嗰套，移民路上我都「淒慘」過，只不過改變唔到現狀，咪轉換心態去睇，將focus 擺喺另一度。問題唔會解決，但人起碼會輕鬆d，人生苦短，太多壓抑對身體唔好，各位加油！
2個讚
很多人話英國夏天好，但我麻麻地，英國夏天熱只有風扇（我認我窮，買唔起冷氣機），無冷氣，間屋好熱，更加唔想煮飯，但外賣只有快餐垃圾食物，有時真係覺得過到來生活質素下降得幾多。
之前諗住天氣太熱去住酒店，點知間酒店無冷氣，只有風扇
我黎左3年, 作為 i 人,我唔會主動去識朋友, 好彩既係返part time 識到D算係傾得到計既同事先至無咁悶, 但其實好多時都有孤獨既感覺, 而同新識既朋友流於表面既交流係唔可以減低孤獨感.
而家份 part time 真係純粹打發時間, 其實進修下都可以轉 post 轉長工, 但係轉都未必係好事因為職場環境自問係融入唔到. 好認同樓上所講, 係呢度返工無左目標同埋動力, 呢個感覺同我係 part time 無關, 而係無左係香港做野個種滿足感, 同埋見到長工D人做野都係得過且過, 努力完又如何, 真係為左”過得到自己” 而做好D? 但係唔會有人 appreciate 你, 係會好氣餒.
生活方面, 其實真係逼自己去適應, 因為係我堅持要黎而老公唔會黎, 所以即使生活上有唔順利都要頂住, 好似揸車咁, 撞車之後都要頂硬上繼續揸, 為左慳錢絕少出街食, 搵屋搬屋幫小朋友報學校應付學校所有野都係我一個搞, 我好明白點解要黎, 亦都知道唔可以繼續留係漁村, 但有時情緒低落都會問下自己咁樣頂硬上係咪真係頂得順.
唯一安慰係黎左之後同老公交流反而多左, 係漁村時各有各忙好少坐低傾計, 而家日日都有傾電話, 乜都講一餐, 好似番返拍拖時咁.
2個讚
咁就放大啲優點安慰自己，盡量唔好諗啲唔enjoy嘅事
我個turbo都係香港嘅60%左右，初初都唔欣賞自己，嫌自己蠢+慢+懶，後來咪當自己人生中場休息下，keep住培養下啲興趣，充實下自己，唔好完全躺平就算
都明大家喺香港慣咗做野
已經成為一種好大嘅寄託
冇得發圍對某D人係冇咗寄託
試吓搵其他做下, 工作唔係一切
我發覺好多local都有嗜好/興趣
相反亞洲人冇乜
3個讚
£300都買部正常portable air conditioner
去酒店平極都£50-£60 一日啦
有時唔係話要做到飛黃騰達，可能係呢度個工作環境，態度，文化都冇拼搏同效率可言，好難有滿足感。就算有work-life balance 我都想嗰八個鐘頭過得充實同有意義
其實都冇，兩種唔同嘅生活方式，調返轉嚟講，多咗family time，係另一種開心嚟。
我係香港都躺緊 未生BB之前我都係工作狂,慶幸果時掛住做野無亂駛錢 
成日落雨又凍真係難搞，初頭面對零度落雪嘅天氣，頭兩年多病到七彩，之後適應咗就好啲。
快餐嚟講我覺得wing stop係最好食，一係食taco bell，不過唔係度度都有，老麥難食過香港
，通常只食麥旋風。
我尼個臨老先學靚妹追既既阿婆會推薦你聽歌. 尤其係可以治療心情及有正量既團體/歌星既歌. 
2個讚
我嘅親身感受，喺英國工作會磨滅意志
喺度做過護理同教育，只能夠講愈有良知、理念嘅人愈難生存
香港人對行業嘅尊重同尊業，呢度嘅人係冇嘅
以我嘅經驗係睇行業同地區
都係嗰句, 想搵返似香港嘅節奏要去倫敦
1個讚
中年人喺香港捱咗好耐，過嚟係可以抖下，如果後生一定要去倫敦盡攞經驗同見識
其實我好欣賞work-life balance，不過佢哋嘅work太唔 up to standard，佢哋work 時諗太多life，亦多數唔專業
無返工要湊細、唔想貴價食垃圾食物煮到懷疑人生、英文夠同本地人交流、講幾句天氣就完。初識其他港人一開口就打探經濟、有繼續分化幫襯中超都有野聽、真係做i 人算