日日早上6：00起身整早餐俾兩個小朋友9同10歲
佢地講學校飯難食，每日整完擰去學校
佢地想要咩就盡量俾
自己日日成個工人咁做
一家人都唔會有幫輕下我個心
叫佢地幫手擰水杯，唔肯
叫佢地唔好睇咁多電話，理我都有味
呢一刻個心都淡
雖然父母係無條件付出
但一講辛苦你啊，都無講
仲覺得自己理所當然
自己做父母真係好失敗
2個讚
既然係咁，要比啲屎佢哋食下
停止「任勞任怨」要求佢哋做返相對既事情
否則你就會停止某啲「幫助」
你將自己放成「工人」角色，一路少/冇要求回報
佢哋理所當然接受！
「媽咪，可唔可以…」唔 可 以 - 除非….
堅持。唔好心軟啊！
—-
電話方面，應該唔係對人既，好多小朋友都機不離手，難搞
1個讚
拎個水杯都唔肯，一定比屎水佢飲
1個讚
明白你有幾委屈
就算做工人姐姐, 都起碼做有糧出, 又有固定工作時間, 過左時間可以訓覺先
我建議你開始"精簡"你既工作
eg 唔係唔幫佢地做午餐, 而係午餐盡量做簡單d hea d, 如果小朋友不滿就叫佢地自己俾錢出去買
直到佢地有一日識得appreciate 你宜家整既午餐
再唔係, 母親節果日, 我建議你自己約d 單身/ 唔需要正日幫媽媽慶祝既朋友出去玩一日先番屋企, 暗示下你既不滿。
1個讚
每個人都要對個家庭付出，唔可以淨係個阿媽做晒
3個讚
你無失敗啊。做得好好啊。
不過就要讓小朋友知道阿媽唔係老馮唔係工人。
1個讚
香港都幾多人係咁, 覺得出去搵錢大晒, 響屋企做家務煮飯就覺得人地唔使做。
出去搵兩個錢, 番屋企擺低少少家用就當自己大爺
4個讚
同樣對返佢地，比佢地感受下。
無人應分要服侍自己架！
3個讚
細個用心照顧無可厚非，但如果佢哋有十歲八歲一定要佢哋幫手自己照顧自己，亦要為家庭付出
1個讚
家務絕對係一份工作嚟
3個讚
這個是重點，你冇底線呀
我之前也是這樣
要識愛自己，佢哋先識愛你
你可以睇「為孩子立界線」
分清楚大家的責任
5個讚
你冇底線，除咗對自己殘忍，亦都冇好好教好佢哋，佢哋大個就會成為自私自利嘅人，令另一半痛苦
如果要搭車先去到學校,我唔會送飯,我同小朋友解釋過就算我係FTM,都無理由俾曬全日時間你,因為我女無補習班,佢放學我就要跟功課好忙
電話要SET時間限制
問題依家變成咁
真係好難搞
我諗黎緊小朋友趁有要求時
如要換新電話/同同學去街等
同佢一齊睇呢教育權利義務同理心等教育片
一齊訂立一些簡單目標
九歲十歲都有啲遲，不過趁未到青少年叛逆快啲搞掂佢
呢樣嘢唔應該叫，你要行動，set time limit、收電話、停wifi
1個讚
全職家庭主婦係最辛苦，亦最偉大，但亦係最冇地位
1個讚
其實。。。點解唔訓練小朋友自己整熱啲飯放入保溫壺？
晚餐食飯前挾好飯餸，飯後放入雪櫃。
朝早一起身就叮飯，然後去梳洗換校服，
叮好放係保溫壺（頂多用多5分鐘）。
就算蒸都係差唔多做法，玻璃蒸完過落保溫壼。
小學已經可以咁做，完全冇難度。
到小朋友大啲、中學完全放手時更可以晏啲起身。
首先唔好將屋企所有嘢孭上身，唔好覺得屋企乜都係自己責任，做唔到內疚