其實我細個讀書時, 同學仔都係興帶之前一晚既飯菜做第二日既午餐
唔知由幾時開始, 有d 媽媽開始話要果朝一早起身整小朋友整午餐飯盒。(可能向日本人學習?)
我明白蔬菜煮熟再翻熱可能會致癌, 但肉同飯應該可以食隔夜? (最多第二朝灼多兩條菜) 有新鮮飯食固然好, 但食隔夜飯都唔係咁委屈啫?
1個讚
如果瓜/非綠葉菜會唔會好啲？
節瓜、冬瓜、合掌瓜、絲瓜、青瓜、苦瓜、南瓜、椰菜花、蕃茄
輪住食都兩星期先encore
呢個世界冇得盡如人意，
唔想食隔夜飯或者學校飯，返學途中買新鮮出爐麵包囉。（我估連鎖店都應該係前一兩日工場整好，都係隔夜𠺢啦）
就算日本人、ftm都好，
都唔係個個鍾意煮足三餐又或者叻煮飯。
1個讚
我食隔夜飯大，我明白朝早整係好，但唔使整到好好，唔使就晒佢哋，求其一餐就算，好嘢等夜晚先食囉
父母唔可以圍住細路轉，冇晒重心，冇晒規矩
2個讚
我女情況就自己拎唔到飯袋,佢學校無人性架,日日都要帶勁多野返學,試過唔常用既筆記,我女唔帶啦,點知有日無啦啦就話要用,跟住就話班同學唔帶齊野返學! 科科都有堂課+筆記+活動冊,學校又唔收起,要班小學生日日自己背住上幾層樓梯 
我女而家就係咁,LUNCH食少少學校飯,放學就好HAPPY食個TEA~
晚餐再食好D,同埋佢會帶一袋零食小息食~
2個讚
印象中以前啲書包都唔輕，
成日俾長輩笑同我個人一樣咁重。
曾幾何時，因為細個唔夠力一下子fing 個書包上背脊，要將書包搬上櫈，然後再孭上身，
除咗書包，仲有左右各一個活動衫袋同飯袋。
取捨到放學食好啲就好。
零食的確令人心情愉快，做乜都起勁過人！
1個讚
我女以前試過書包+美勞袋,佢話上樓梯差D仆倒 
佢話佢只可以背一個大書包上樓梯,真係慘,書包又重仲要上幾層樓梯
1個讚
總之整得唔難食過學校就得
我是全職媽，我都覺得自己睇得太多fb成日彈出來的日本便當洗腦，覺得自己唔做唔係咁好，又擔心小朋友之間有比較，現在人在外國，午餐做得太好的話會變異類，簡單午餐真係冇咁大壓力
2個讚
冇試過仆親，
經常因為書包重得濟向後抝，要mung住扶手欄杆行上課室，怕自己萬一向後跌影響到後面嘅同學
鬼叫我為食，情願拎多袋都唔想訂飯，自己揀，冇得怨
1個讚
如果小朋友真係同我講, 媽媽, 阿邊個同學個午餐餐盒好靚架, 有乜乜物物物, 你可唔可以咁樣整俾我帶飯呀。咁我覺得時間許可既話都可以整, 但個前設係小朋友真係有因為個午餐覺得開心, 有欣賞你既手藝, 而唔係好似樓主仔女咁, 當自己係工人mode
1個讚