我都未答到自己、對於無父幹兼要照顧長老既我同老公都覺得唔駛佢養我哋顧到自己已經好好、但年代真係唔同左、起跑線差太遠好難追、但我又唔想仆心仆命令大家有壓力
如果當年父母做到唔使我養已經萬幸，而家直情要供仔女去讀外國大學加置埋業比佢哋，係咪叫扭曲？
1個讚
呢傢就係《失控的焦慮世代》
其實我覺得七八十後呢代都幾慘，父母唔會有資源，但下一代嘅學習栽培又唔會慳
2個讚
乜都比較
我唔係好明點解食嘢要拍片放ig，普通食個餐咋，唔係食好嘢。食嘢都要seek attention? 做人好大壓力
imperial–>要讀phd (中間有提過移民英國)–>嫌醫生人工低–>去德國汽車公司工作,
除非佢玩緊網民, 如果唔係個男仔都未知自己想點
其實佢最想既, 唔係去讀英國果個學位,而係響父母個口袋度, 拎盡本來係留俾細佬既資源去做自己想做既事
我都有呢個感覺
2個讚
不過今次呢個學生嘅post幾難得係threads有多方面討論, 唔會好似上次15歲去日本咁, 被班大人冷嘲熱諷
2個讚
應該唔會四五十歲先諗啩，仔女如果考到世界大學應該小學已經嶄露頭角，父母要計好條數
1個讚
係啦，比個仔讀直資，學生十個有八個去外國留學，即係話間直資有返咁上下，相信大部分家長由仔女入form 1嗰一刻已諗緊送唔送仔女6年後留學定係香港升學，
我唔信個仔會突然間form 6先話想去外國留學，呢啲遲極都form 3揀科後就要開始諗（包括點樣考外國大學同埋金錢準備），父母無理由呢一刻先知個仔想去留學，
所以先會咁多人質疑點解父母冇對個仔做期望管理，除非個仔一意孤行
我聽過有個移英家庭，父母本身五十幾已經等退休，點知個女考到入名私校，由初中開始讀，應該起碼三百萬，唔知叫唔叫失預算，但佢考得都預咗比條數
睇行文用語似係咁，連細佬SEN都攞嚟講
如果佢唔係鬧個細佬鬧得咁難聽，應該更多人同情佢，本身細佬呢個point亦唔係網民鬧佢嘅重點，
將心比己，唔理有冇sen, 我都唔會鍾意個細佬，父母生個特殊仔女出來，唔應該expect其他仔女幫手照顧（雖然我明心態上唔多唔少都會咁諗）
就係好奇怪囉，點會去到6年班先會突然知個女想考名校，考大學都話個仔一意孤行唔聽父母勸，升中應該冇咁多一意孤行掛，唔通都係「純粹test下自己」咩。
前年新聞，William and Kate帶大仔去參觀Eaton, 當時大仔10歲左右，即係話要入名校起碼4/5年級已開始準備，唔會6年級先突然想考