我覺得有啲位膠有啲位又幾realistic。唉，好恐怖，我從來未聽過有仔女 judge父母個‘’格局‘’，仲打合格分數，你話父母窮又生仔就話啫（我本人就係，但只能怪自己命苦）但佢父母一啲都冇待薄佢，但佢竟然咁樣逐樣數個父母。我好希望係膠post唔係真
2個讚
如果高層，租屋可能係公司津貼？
佢父母而家搵緊180k-250k, 而唔係6年前搵呢個數(假設佢6年前仲住九龍塘),
我反而覺得當年租九龍塘可能係想升小學時個校網, 到個仔差唔多升中時父母收入高左, 所以先有機會買樓, 然後先afford到比個仔考直資
3個讚
我覺得佢考到冇得去外國會失望好正常，呻2句都正常。但係後期怨父母買名牌袋唔識投資，又話佢地係fucking poor，真係覺得好誇張。月入18萬都fucking poor, 窮人唔好生b個"窮"字真係好難定義
3個讚
我斷估，如果唔係老作，會唔會樓主係讀到書嘅SEN（因為佢細佬都係SEN），所以繼續自我中心咁講說話
3個讚
嗰位仆街仔都幾似亞氏保加
我見到都有comment咁樣估, 好多人比佢D建議佢D回答都係好怪, 例如叫佢寫paper考scholarship, 佢話自己唔識寫/寫得唔好。
佢做左12年獨仔, 突然有個細佬, 而且仲係sen, 父母attention一定會比好多比細佬, 12歲又進入青春期, 邊可能會鍾意細佬,
而且我估佢父母亦無點同佢做期望管理, 仲比佢去考外國大學,
加加埋埋就搞成咁.
PS, 剛剛見到佢最新回覆話想去德國汽車廠工作, 已經有人即刻話佢連德國升學同工作學歷要求係點都未知
2個讚
如果係真實個案,父母及個仔都有問題,雙方都係只諗自己,簡單講自私.
我係個男仔,我會努力考獎學金去外國讀書.
畢業後因應實際能力供養父母. 但細佬唔係佢應負既責任.
2個讚
咁其實咪直接去德國就得，而且德國係重視藍領，佢可以連大學都唔讀
4個讚
呢個comment 我好認同既係父母根本無俾個仔選擇其他中間既option, 只係識一味叫佢留香港讀醫做醫生, 咁供唔到佢去外國讀mechan eng, 點解唔俾佢去三大讀mechan eng? 感覺父母都係只想阿仔做佢地眼中搵最多錢既職業
格局呢個字真心正! 果陣睇佢第一個post, 一睇"格局"已覺得佢好嫌棄feel, 有種父母係有養大我既但我都唔會好appreciate 佢地既感覺
但如果父母所有選擇都係從錢去出發, 又難怪教出一個市儈勢利, 對屋企無歸屬感既仔
做醫生又嫌錢少, 突然又自爆一句想飛德國做野, 其實佢係咪attention seeker 多d? 
2個讚
我同意父母太理性對於青年人嚟講係難以接受
我感覺呢啲父母當仔女係貨物、係投資產品，從來無關心過佢哋情感需要
雙職父母好容易犯呢個錯誤，將公司嗰套decision making拎咗返屋企用
喺同一款家庭長大嘅我，選擇靠自己，我覺得唔駛逼自己感恩，對呢啲父母相敬如賓就可以了，反正佢哋都係當你係一件貨物或工具。
我會勸樓主去考獎學金吧！將來出社會做事，老闆都唔係老馮俾機會你的，自己努力爭取，反而可能在職場、情場甚至學業上遇到真正欣賞你、愛惜你的人。
1個讚
好正, 死咬住一句佢地唔係無錢, 然後堅持唔打算申請scholarship
我會咁樣睇, 如果你真係超想得到一樣野, 你一定會"無所不用其極", 用盡你所有既方法去得到果樣野, 那怕有幾辛苦。(我都曾經為左興趣想去讀master, 但人工低, 好勉強先俾到學費, 我自己做多兩份part time 補習去搵多少少)
但樓主已經決定, 寧願等父母回心轉意, 都唔會自己去考獎學金。去到呢個位, 我又會質疑, 其實佢又真係有幾想去讀呢個學位? 之前又講到個學位"含金量"高, 宜家就話自己唔識寫paper 申請船。
其實佢最想既, 唔係去讀英國果個學位,而係響父母個口袋度, 拎盡本來係留俾細佬既資源去做自己想做既事
3個讚
好仔不論爺田地
2個讚
印象中佢話自己唔算多科外活動。
我估可能申請full scholarship嘅成功率都唔高。
其實香港每年都有唔少學生考到G5神科，冇必要咁囂張。
2個讚
如果佢真係咁恨去讀, 就算明知得10%成功, 都會照試左先, 然後搵學校校長等人幫手額外寫多幾封reference letter 之類。但佢明顯就多多藉口, 試都唔打算試, 只係咬住父母唔係無錢呢個point
一時又話父母揮霍無儲錢習慣只識買figure 手袋, 但一時又話父母解釋資源要第時留俾細佬先送唔到佢去英國讀書, 講真我對佢講既野都有所保留
我同意樓上會員講, 父母都可能只當呢個仔係投資工具, 而最快得到回報就係阿仔響香港讀五年醫, 出黎做醫生
2個讚
有d 位又真係現實有發生。識人做政府工月入十幾萬但係一家租樓住，租九龍靚樓宇月租幾萬果d。鍾意買名牌，不只是衫褲鞋襪果d，係例如千幾二千買支筆錦。
其實成績真係超標，唔使寫paper，大學係會自動提供獎學金
2個讚
咁又係、真係唏噓、其實任何年代都有父幹同啃老
只係而家資訊發達、知更多同身邊嘅人唔同既情況
搞到心理唔平衡
1個讚