重點字眼：我鬧佢哋咁小嘅嘢都做唔到+ 父母嘅知識水平/格局，我覺得都係合格
而家環境好嘅細路都係咁上下，佢地識ask for more
2個讚
有機會係潮文，但幾肯定嘅係而家好多後生預咗父母層樓係比佢哋，聽過唔少例子
3個讚
身在福中不知福, 永遠都向上比較
父母惟一衰就係要求佢一係讀醫一係讀Q Fin, 唔叫佢留香港讀mechan eng
同埋無俾佢地知d 錢用左去邊, 每樣野大約幾錢既概念, 令佢覺得去英國升學, 只係一件"小事", 老馮應該經濟上支持佢。
呢句感覺好似, 論佢地知識水平呀? 又未至於差既, 但唔係令我有face 果隻law, 又無咩taste
咁我明白父母大學畢業可能等同六七十後中五程度, 都算中上, 但好似都有d 嫌棄佢地。
只可慨嘆呢代太幸福, 同埋資訊太流通, 令佢地覺得去外國讀書只係基本需要。
但通常呢啲去完外國讀書返嚟都冇乜成就
1個讚
我都希望係潮文, 正常仔女想考外國大學, 父母知道供唔起, 都會叫佢地唔好考, 除非佢地關係好差, 仔女明知供唔起都走去考。
成績好好的話, 一就好似黃仁龍咁拎尤德獎學金全額去讀, 睇佢comment又未到咁標青
1個讚
入得imperial應該真係叻仔, 但正常叻仔應該會諗定搵其他獎學金, 唔會好似佢咁蠢
6個讚
父母可能覺得唔想比仔女知道屋企財政狀況。數字上月入十幾萬當然好多, 收入越多, 支出亦越多, 我見佢講要養細佬同埋祖父母, 我相信肯定仲會買埋保險, 同埋將來退休planning, 甚至準備定份首期比兩個仔, 隨時月月清。
佢話本身讀直資, 同學10個有8個都去外國讀, 包括野雞, 生活係呢個圈子, 但又adjust唔到自己思維就會搞成咁
4個讚
我都想講, 你有本事咪自己考獎學金
坦白講, 我都唔太知mechan eng 可以有幾飛黃騰達響香港
以佢既思維, 就算俾佢英國讀完, 番到香港又會埋怨名牌大學出身但出黎際遇唔及舊同學好
1個讚
唔好話返香港, 就算去到英國, 有比較就會話, 就會問父母點解唔係倫敦買層樓比佢住, 等佢唔駛住hall/share house, 10個同學有8個屋企都買左層樓比佢地, 我一直都唔覺得屋企比到我嘅算好好 
5個讚
佢哋覺得應份
如果考到英國Imperial College offer, 錦 唔供他去讀又真係可惜。
1個讚
我聽過個 case, 初中生問父母層樓每月供幾多, 仲有幾多年要供, 知道自己大學畢業都未供完, 就叫父親每個月供多D, 唔好留番層未供完既樓俾佢
1個讚
照道理冇理由報之前唔研究清楚屋企供唔供
2個讚
我以前有個同學，當時成三十歲人，個老豆比埋首期佢買咗層樓，佢仲叫老豆唔好退休住，要佢幫佢供樓，難為佢喺舊同學聚會時講得出口，當時冇一個同學搭到咀，太震驚
無耐佢被飛，男友話佢冇用，長不大，以為自己仲係細路女，我諗個男人都唔想孭佢上身，娶老婆前三思
佢工作冇份工做得長
已冇聯絡
2個讚
正野, 咁俾我會答佢, sorry 我層樓要用黎逆按揭俾我退休, 供唔完都唔會留番俾你 
有d 人係真係唔知醜, 唔係扮。
1個讚
佢好enjoy長不大，三四十歲人仲打扮成個中學生咁，睇漫畫，追星，但完全唔識管理自己，家務更加唔使講，家用肯定冇比。我係佢男友都掉頭走啦，個老豆都養到佢廢人咁，搵自己接力咩
最正佢細佬，廿五六歲仲讀完呢個dip嗰個dip，唔肯出嚟做嘢，女人就帶返屋企搞
父母問題，養到兩姊弟廢到咁
4個讚
一個仔女係咁, 都仲可以話仔女唔生性, 兩個都係咁, 一定關家教事 
1個讚
買多層樓比佢兩個，就係知道佢哋冇能力自立，後來家姐就成日怪個細佬帶唔同女友返嚟，細佬就叫家姐唔鍾意可以走，哈哈，可能個老豆買多層樓比家姐啩
99%有父母買層樓比佢ge 自己唔會再供一層