係啦~
不如咁講, 有預備飲品俾師傅(你本身唔識佢), 我會覺得對方叫"識做", 即使只係斟一杯水。
呢個係一個同理心既表現, 你會代入或體諒對方需要, 覺得對方上黎你屋企, 將會幫你整野整一段時間, 都可能口渴, 先會問對方一句飲唔飲水, 或者直接招呼飲品。
2個讚
唔好話招呼客人，我大伯一家啲仔女，喱係房打機都算，從來冇話叫人，幾乎冇聽過佢地把聲，都唔好過叫我一聲姑姐。俾利是佢都係老馮咁，望都唔望你一眼，當然唔洗旨意講句多謝。
1個讚
朋友個仔成日去人屋企都會搞搞震，有時不太受控，佢老公試過幾次飲大兩杯話個仔令佢好冇面，我覺得佢個仔好可憐，佢老公想個仔行為良好並唔係只一心為個仔好，只係怕外人以為佢冇家教，佢會冇面
2個讚
宜家真係好多呢d 人, 就算親戚同檯食飯都係架, 你有你食野, 佢有佢低頭玩手機, show 都唔show 你
你朋友好辛苦, 夾響中間, 湊仔已經吃力, 仲要俾老公咁樣公開講自己個仔…… 無一個阿媽想自己個仔咁樣架?
所以我好唔鍾意佢老公，從未見過佢幫手湊同管教，每次一班人食飯，佢凈係坐喺度傾偈飲酒，由得個仔周圍搞，太失控時就叫個老婆帶個仔返屋企先，飲大兩杯就喺度呻個仔令佢冇面，其實佢自己先係最令自己冇面嗰個
1個讚
每個小朋友都有唔同性格，有啲外向啲，有啲內歛啲，其實我唔太介意小朋友有冇做足社交禮儀，只要佢地行為唔會影響到人就可以，到佢地成長咗接髑多咗不同人同環境，就自然會學懂如何得體地社交
2個讚
禮貌而家好似愈來愈難見咁，都係要家長以身作則
1個讚
我睇返自己真係會好受父母嘅行為影響，佢哋點做，自己自自然然就會跟咗佢哋。好似我細個見阿媽喺路上行，見到路中心有石頭之類嘅障礙物會踢埋一邊，以免kick到老人家…. 仲有見到疑似有需要嘅陌生人都會offer幫手…,到依家自己都會做返同樣嘅事，身教真係好緊要。
1個讚
有教養既人做事會加分，呢啲嘢細個唔教大個唔會無端端識。細個玩啲朋友細佬妹個個出嚟黑口黑面唔識叫人，到佢哋而家幾十歲我哋啲朋友圈個個記得仲笑緊︰你個黑面細佬… 
該主題在最後一個回覆創建後180天后自動關閉。不再允許新的回覆。