分享下。。。
星期六約咗上朋友度，因為佢返工遲咗走，叫我自己上去先，工人姐姐同小朋友喺屋企。
上到去，係朋友仔仔開門，入屋問我飲唔飲嘢，又問我個仔飲唔飲得凍嘢，拖佢去雪櫃度簡。
又開電視比我地問我地NETFLIX 啱唔啱睇。。。，跟住打比媽咪（我朋友）話呀XX姨姨上咗嚟啦，你幾時返到；收咗線同我講媽咪就落車好快到，之後先返房做自己嘢。
真心覺得呢個小朋友好好。
15個讚
好乖，好奇小朋友幾多歲？
1個讚
六年級
之後我地叫外賣，呢個小朋友都會幫手拎餐具，食完姐姐開始執，佢都會好自然企喺身咁幫手執
我自己都有小朋友，覺得要教到咁唔係一朝一夕
好有家教，請大力向媽媽讚賞佢 
5個讚
好叻仔，我都好想教到個仔咁乖
佢媽媽有考牌
2個讚
呢個年代有咁好客嘅小朋友真係難得
我個人經驗，好客係父母習慣而成
我媽咪非常好客，記得細個有師傅上屋企整嘢（例如裝電器），佢一定先俾凍汽水啲師傅飲
到我搬出嚟住，師傅上門裝寬頻時，我都即刻遞嘢飲（果時係200x年），師傅好開心，佢話無其他客會咁做
但我心諗：俾嘢飲唔係正常㗎咩？
11個讚
我都覺得呢樣好正常。。。
以前返司師傅嚟整嘢，如果係搞得耐嘅（講緊半個鐘以上），我都會㩒枝嘢比佢飲
啲師傅真係有事揾佢都快啲過嚟幫你先
個小朋友性格係唔係好客我唔確定，因為佢本身都係房打緊機
竟然可以停手出嚟招呼你咁耐（我都同佢講我地自己嚟得啦，你繼續玩）
通常呢個年紀會同你打個照呼已經好好/ 甚至有啲唔會出房
1個讚
超認同
青春期正常發揮嚟
2個讚
叫人呢啲好多好高學歷嘅人都唔識，冇禮貌
4個讚
我覺得佢最叻仔係問你小朋友飲唔飲得凍嘢，好細心，第時應該好男友
9個讚
暖男育成
2個讚
我由細到大，屋企唔會有汽水，唯獨有師傅嚟整嘢先會雪定幾罐
不過而家啲師傅飲水多
1個讚
有啲仲搵多幾個臭錢睇唔起人
3個讚
小朋友真係好好，最重要佢唔怕羞。
我自己又好或小朋友，見到唔熟悉嘅人都會縮埋一邊成隻鵪鶉咁乜都唔識做。
1個讚
現今社會中更顯乖巧
1個讚
唔係個個識/會做
有次換冷氣，返屋企時順手買幾個泡芙等師父上門，99一句就得埋黎話D師父收錢做野洗乜招呼佢地。
我答佢人情味就O係依D小動作度儲返黎，咁個世界就無咁銅臭。
都係阿媽教落，開工利是一封，順順利利。
準備定凍水凍茶汽水，小食，小甜品，當下唔食都俾師父拎走。
2個讚
小朋友同媽咪都抵讚
1個讚
好乖，唔會以為自己係少爺。
1個讚
好乖仔呀！
成個主人家角色咁
1個讚
利是就唔會比，因為費時金錢利益尷尬
凍定幾時蒸餾水都ok