你朋友點教佢㗎？教得咁好嘅！
好有禮貌！而家好多小朋友見到長輩都唔會主動叫人/打招呼。。。
2個讚
應該爸爸媽媽平時都係咁對客人，佢睇得多，發自內心認同，就唔洗父母叫都跟住做，呢d先係真正嘅身教
有d父母見人地個仔咁乖，為咗面子，為咗其他人讚有家教。就迫自己小朋友要”禮貌”要叫人，用打鬧威脅，但唔記得咗自己都無同人打招呼嘅習慣，小朋友抗拒都好正常
1個讚
真係好乖仔，好抵讚
我已經好耐無聽過／見過有咁好禮貌的細路仔。
呢啲真係要父母都以身作則先至可以教到小朋友.
我姨仔果2個仔都係咁乖，讀書又叻，運動都ok ，都唔知點教 
佢哋由細到大工人湊，父母係專業人士，都係一般中產家庭。而家全家去咗英國了。
成日覺得仔女乖係父母前世積來的福再加現世家教。
1個讚
一定係父母教，加耳濡目染
我見過個基層媽咪片個女搭𨋢唔讓人出先，係片好勁嗰隻，我肯定下次個細路一定記得。呢啲嘢比成績更重要
1個讚
呢種小朋友，除左二三十年前香港、或尤其內地農村先見到，現在香港幾十年未見過 
下次個細路喺阿爸阿媽嘅現場會記得
冇阿爸阿媽喺度可能係另一個故事，可能將個仇恨發洩咗喺另一啲人度。
曾經我哋都做過細路，諗返起自己最百厭最過分嘅時候，都係父母唔在場而想挑戰佢哋鬧過我哋唔俾我地做嘅事情。
教仔唔需要特登喺人哋面前鬧喺人哋面前教，我哋返工都唔鍾意老細喺Office open area 兜口兜面當住咁多人面前鬧。
Sorry 激動咗少少，以前未生小朋友都覺得要有家教，生咗之後先會反省以前嘅童年係點，係咪真係work 。
1個讚
佢冇特登喺人哋面前教，佢行埋一角落教，我裝到
我覺得佢片得勁，呢樣我唔comment，但我好少見有家長仲喺呢方面咁落力片，仲要同佢講道理
個女係受落知錯樣
1個讚
咁好好多
我通常就咁講一句平時媽媽點做啊？你見到媽媽通常讓人先係咪
有時佢冇耐性大叫，我都係講句平時爸爸媽媽喺食飯枱好溫柔個喎，佢即刻若有所思咁，變返溫柔貓叫
如果大人一直咁做，啲細路講一句就知。
就好似樓上講請師傅飲可樂，都係睇阿爸阿媽學返嚟，真係靠父母身教多。
好羨慕、有時真係父母有教都唔係個個聽
2個讚
人體內的某些基因與性格有關係，遺傳率在4,5成
樓上有網友話師傅黎屋企整野, 招呼飲品好正常
講開呢樣, 我好耐好耐以前試過做上門私人補習, 咁有次有個男仔, 佢有個project 要趕住交但唔識做, 平時只係補個半鐘一堂, 佢老豆就叫我果日留多一兩個鐘, 教到佢個仔做晒成份野先好走, 照計時薪。
我留左五六個鐘先走, 竟然水都無斟過一杯俾我 !
又另一個家庭, 有個女仔, 有次要考試, 就要求我考試前一晚上佢度幫佢補多一堂。個女仔知道我果晚係收工後直接去佢屋企, 專登叫工人姐姐準備埋我既晚餐, 等我可以一邊幫佢補習一邊食野!
真係好大對比
1個讚
我都試過去半山幫個有錢仔補日文
又係補足兩個鐘，水都無滴 
1個讚
我呀媽教落有師傅嚟屋企整嘢要俾汽水
中學有哥哥、姐姐嚟私補，我會斟定杯水放喺枱面俾哥哥、姐姐飲
以前我媽冇受過教育，但會教我哋待人接物嘅禮貌，相反而家好多父母學識高，但已經唔識尊師重道、待人有禮嘅社交技巧，而係好多都目中無人，小朋友學晒
3個讚
當然呢個仔係好有禮貌，但有啲小朋友冇咁做，冇打招呼甚或喱係房，亦唔代表佢係冇禮貌或家長唔識教
其實有好多小朋友、大人對住唔熟嘅人打招呼傾計係會有壓力甚至恐懼，我細個時係超怕同唔熟嘅人打招呼，樓下看更即使日日見但因為唔熟，我都唔敢開口打招呼，到大咗我唔敢搭要叫落車嗰啲小巴，寜願麻煩啲轉車都唔搭小巴
同埋冇預備飲品俾師傅亦唔一定係冇禮貌冇教養，我屋企長期只有水同紅白酒，唔會有其他飲品，所以有人上門整野，我係從來冇招呼飲品呢個習慣
我老公就係勁片個仔無禮貌嗰種人，次次都鬧到喊
係有用嘅（我仔一定聽佢話），但係心裡嘅不滿就一定唔同爸爸講，而且禮貌唔係一次就學識，我仔都俾人片咗好多次
其實每次我老公都後悔，只係控制唔到
唔係話唔預備飲品就冇禮貌
只係而家d家長喺公眾地方由得d小朋友玩到好嘈周圍走都唔理，我自己就覺得冇乜教養