老公今日整理左家庭開支 (唔計我地個人), 佢話加加埋埋一個月我地用6萬左右
包括供樓, 姐姐人工, 燈油火蠟, 柴米油鹽等, 同屋企相關
然後佢就開始咦咦哦哦, 話好貴, 要儲多啲錢, 諗下邊啲可以cut
一方面我明白而家香港衣食住行都好貴, 另一方面, 我無咩概念其他家庭係點, 唔知咁樣係咪貴
請問大家介意分享下嗎? 另外有無啲咩心得邊啲地方可以慳下?
我屋企4個人 - 我, 佢, 仔仔 (幼稚園), 姐姐, 加隻狗
唔該~
你有冇返工？老公咁講可能有生活壓力
好難cut
香港地生活真係好貴
如果住屋開支(包括供樓，管理費，地租差餉)佔的比重較大就根本無得cut
買餸都唔平。我會用app紀錄開支，最可以慳剪頭髮去平啲速剪，買少啲衫，食就去街市買（平過網購)，cut 非必需品。
我有返架
1個讚
同意住屋真係無咩空間
6萬裡面, 姐姐同屋已經係一半多啲啲
至於其他買野我地都唔係大使… 不過我覺得可以試下用app 睇清楚啲啲錢使去邊, 使幾多
1個讚
咁平時家庭開支係互相分擔定佢出好多？有啲奇怪點解好似而家先呻、mark 數真係有用架
我用嗰個app叫「monny」
初時會覺得煩，乜都要記
我用係因為老公話小朋友咁細，使得幾多錢啊！
我就mark俾佢睇，學費，學校雜費，補習費加興趣班，碎鈔機咁快。
但好處係發現自己以前用喺按摩的錢都不少，之後去少左揼骨。
2個讚
- 你老公一個月搵幾多？
- 間屋幾大？ 每月供幾多？
- 有咩係必要開支，有咩係非必要開支？
1個讚
佢一向理財觀念強好多, 個人又無咩物慾… 而且佢最關心係退休呢個終極 big picture (我地剛剛步入4字)
我相信佢今日再睇budget, 係因為黎緊仔仔入小學, 如果入到其中一間心儀學校, 教育方面費用會提高
佢人工高啲, 個人管理項目財政等能力都高啲, 佢assign 左大家負責唔同嘅開支, 整體黎講佢負責多啲
我知道佢唔係投訴, 佢好錫我地, 樂意照顧我地, 只係面對退休, 佢嘅觀念就係今日用多$1, 將來就少$1用咁囉. 同埋應用則用, 但又唔係吝嗇, 孤寒
我，老公，仔，工人，加1隻貓
每個月起碼洗8萬以上
供樓/管理費 20k
工人5.5k
仔學費7k
保險7k (3人）
買餸日常5k
家用20k (2家父母）
車費2k
水電煤1.5k
預留交稅15k
以上都未計其他嘢，計完仲驚
4個讚
供樓加工人，都去左開支一半有多
即六萬減三萬幾，一家四個人的其他開支只係兩萬幾一個月，真心無乜得慳。
依家衣，食，住，行都貴，現家500蚊好似洗以前 100蚊的速度咁上下，去下超市都無左張。
每個月？
平均計咋，都未計差餉地租，電話，上網⋯⋯
使都六萬
即係搵到錢啦
係咪曬命post黎
一家四口，正常支出十萬走唔甩，我老公以前唔信，我計完佢就驚，真
我反而係覺得橫掂都通脹 今日一蚊十年之後可能等於一毫 啲錢應使則使就算
你六萬應該已經好慳
一家四口起碼十萬一個月使費
3個讚
又唔係咁講，邊有咁多家庭收入有十幾萬呀
6個讚
只能說，我地呢代夾係中間嘅，係最難捱
3個讚
如果一家四口係中產，兩口子搵十萬頭，使費自然有十萬；如果搵八萬使費就自然有七萬
我老公當年唔信（我哋係十萬頭）我計比佢佢就話：咦係喎
兩邊家用：萬五
仔女學費活動費：兩萬
車：一萬
供樓：三萬
工人：一萬
家庭雜項：一兩萬
未計去旅行，保險，緊急，交稅