移左民兩年多
本身今次打算飛番Asia約見面 (因為個人安全問題,我唔會番香港,亞洲見)
但家姐拎唔到假所以取消,後來resign左無做,今個月帶呀媽過黎睇我,佢又可以去歐遊開心下
我地同呀媽關係還可以,但我地兩姊妹對住呀媽係成日都好易抆陣,我地既溝通模式係要鬧先得(簡稱要屌佢先得,心平氣和佢當你on9,講一堆歪理)
簡單講,我媽份人都幾齊(上一代傳統)父母思想,短視,無學識,覺得自己個套啱唔聽人講嘢,睇錢睇得好重,無能力但又怨三怨四怨天怨地,諗野永遠係負面,唔識知足
童年,唔開心,窮,無家庭溫暖
正題黎啦
家姐帶呀媽黎睇我,我地兩姊妹都覺得點都要帶佢黎一次,感受下,睇下我既生活,等佢唔洗咁擔心
一黎到,落車,第一句對住我就苦口苦面話
(唉呀咁遠十幾個鐘頭好攰,咁辛苦都唔想黎。。) ,我地兩姊妹話,只得一次嫁炸,之後邊會有咁多假過到黎呀,嘆下啦!
接下來幾日,不外乎,啲野唔啱食啦(佢淨係識飲茶)帶佢白金漢宮睇換兵, 又話係屋企舒舒服服坐下咪好又要走岀黎行攞苦黎辛,(佢把口永遠唔收,激嬲人屌佢就話講下笑都唔俾咩!) 知佢唔行得,已經唔安排多節目俾佢,岀去一日休息三日咁嫁啦
上星期,佢同我奶奶行公園(奶奶今年移民join我同老公,一齊住) ,唔小心意外叉錯腳整親,入醫院又呻等得耐。。結果斷左骨,要打石膏,姑娘同佢抽血body check,又話要飲熱水又盛,我地有水係到話凍唔想飲,到醫生教我同佢打針同我解釋,又無啦啦係到癲話做乜打針,乜黎嫁bla blah, 我已經要好用心聽醫生講野,又係到煩住哂,總之佢份人永遠係會係唔適當既時間講/做唔適當既野。
本身尋日一家人飛法國玩幾日,唯有Cancel左佢
呢星期照顧佢唔知點解我好似突然之間睇清左好多佢,或者叫深入了解更多,佢口講成日唔想加重啲女負擔,但做岀黎既永遠另一套,呢星期全家照顧佢,連我奶奶都睇得岀,佢依賴性好重,只要可以有人幫,就唔會自己去嘗試(我當然知,個個我呀媽,唉) 好似未試下扶拐杖就話唔得,隻腳無力呀,呢樣唔得個樣唔得,食食下抗生素(其他唔舒服) 又話好散好寒涼唔想食,頭暈暈咁,我奶奶好好已經煮哂三餐俾佢,把口無所謂無所謂,轉頭又話呢樣寒涼個陣熱氣,叫佢郁多啲隻腳,keep住活動俾血流通,keep住肌肉支撐,我唯有開始訓練佢可以做到既簡單事,就自己去學下慢慢行去做,企到就企一陣,行多小小,助行架,輪椅我買齊哂,但佢會覺得我唔想(服侍)佢,總之仔女對佢好係天經地義,係應份
係,我的確係嫌棄佢,我真係好抆,我抆唔係因為要照顧佢,我嬲既係點架你成世人都係咁,連小小野都唔肯去嘗試,有乜事淨係識怨識呻,從來唔用下個腦思考下,去諗下,永遠淨係(我都唔想嫁)就做擋箭牌,我抆既係,你依賴我都算,你唔好依賴埋我奶奶,佢仲老過你
未受傷前,已經不停同我奶奶呻其實唔想黎,又遠又盛但啲女叫到又算啦,我地岀哂錢安排好哂,我都好心淡其實你話掛住我,都係口講姐,我真係感受唔到你有幾掛住我,我地岀錢岀力安排好換黎你根本唔想要,Ok呢世唔會有下次
我岩岩移民黎頭個一年我做麥記,佢覺得(嘩,點解好地地要走去做麥記嫁,點講俾人知呀?!) 同埋佢嬲我走到去咁遠,平時係香港有乜事我地乜都搞掂哂 。 我奶奶靜雞雞爆番我知,因為我奶奶都睇唔過眼點解佢會咁諗野!我地兩公婆無乜錢走左過黎捱,依家靠努力先有穩定生活,原來我呀媽睇我唔起,覺得我不孝,但佢對住我又講另一套,我好心淡同時發覺真係相處唔到
我家姐都話,點解我地兩姊妹,同奶奶相處原全無問題,偏偏自己呀媽唔得。
原生家庭成長其實對我地好大陰影,好彩仲有個好好既奶奶
原本想開開心心過個長假期,依家我只係想佢快啲好番走! 隨便話我仆街好,不孝好衰女好,我真係想呻下