嘩！我以為我自己出POST
我身同感受，每當出現對呀媽心淡感覺就會自我內疚，自我爭扎，覺得自己好衰女好不孝。
聽到我覺得好難聽，每次佢咁講我就會火起。開始覺得只係佢口頭禪
我都問過自己 
唔會不孝, 你都努力賞試過, 只係唔合佢心意…
其實我奶奶都係你阿媽呢類人, 仲成日講大話, 有時
擺我上台, 攪到佢其實一個仔嬲左我. 所以而家都收
起自己份愛心.
2個讚
典型廢9
其實好多人都係咁，樓主忍一陣啫 but你家姐就慘得多
1個讚
斷絕浮游生物
唔知講咩好…
但睇到你講, 做老麥捱到穩定晒, 仲遇到意外可以買東買西去應付
點都好~ 呀媽好快返香港架喇~ 頂住呀~
我好鄧你開心, 祝你響英國開開心心咁生活落去~
5個讚
抱抱
同你一樣，我有個衰阿媽好99
建議你放棄佢，當佢普通人咁相處，自己會舒服啲
對佢太好嘅話受傷嘅只係自己
1個讚
同款阿媽喎
佢咁講只係想顯示自己唔係咁既人、身體最誠實啦、我聽到都會火起、即係連怪責佢都變成我問題
聽親佢講到自己幾開通幾為屋企我就想反白眼、又唔敢踢爆
曾經我都同佢諗過無數理由、以前窮俾人白眼阿爸唔夠好、又唔係其他差唔多嘅人係咁、而家老左仲恐怖、唔幫佢想教佢野就係唔理佢、我哋不孝一臉慘樣、老過佢都無咁
樓主諗下好彩同你住既係奶奶唔係阿媽算啦
1個讚
同我媽差唔多
我比你好少少，佢雖然唔聽我講嘢，但就信晒我表姐。我表姐同佢講佢回程班機己取消，要立刻轉另一班機，就係咁我哋asap 送咗佢返屋企。
呢個方法有冇得諗？
1個讚
深表同情~
上一代都唔少呢d 人, 諗野只諗, 點解中六合彩頭獎唔係我, 老天爺對我唔好呀, 但唔會諗, 好彩早排十號風球俾水沖走浸死既人唔係我。
而且都幾多係講一套做一套, 表面虛偽, 但入面又玻璃心, 大力少少"小"佢又驚佢諗埋一邊, 到時又覺得只係仔女唔想理佢唔想照顧佢etc
明白對住呢d 長老好嘔血, 好彩你家姐、奶奶都同你同一陣線。祝你快d 完左呢個嘔血長假。
1個讚
我嘗試用另一個角度去分析下
1. 我感覺其實唔係佢想過尼, 似係你兩硬要佢過去. 咁老人家坐咁耐飛機有難免會攰. 既然唔係佢自願過尼, 人又累, 咁仲點樣一落車就比好面色你睇. 你坐完十幾個鐘機會累啦, 何況老人家. 真係比好面色你睇都係做戲比你睇啦
唔係話你出哂錢其他人就一定會受. 可能佢會唸 “錢我冇咩”
你都識講, 係呀媽嘅角度你係一走了之, 佢養到你咁大你一個唔該走去左. 當然話女大女世界, 各人有各人自由. 但係你都阻止唔到佢對你咁多晦氣說話.
你媽係唔係成世人都係咁當然我地外人無辦法comment. 但我會唸佢見到你之後一定會特登更加依賴. 因為佢唔高興
2個讚
又其實，人生幾十年，成日loop響一啲返唔到轉頭嘅事，同埋女大女世界嘅時候
做人唔正面啲睇，咪自己辛苦
4個讚
Well said ! 幾十歲人都唔化無人幫到佢,呢啲叫toxic relationship,害人害己
7個讚
如果佢唔係整親隻腳行唔到
我真係敢同佢改機票去機場番屋企
總之佢黎左，無一刻覺得佢真係開心/掛住我
1個讚
老人家同後生一輩都可以好硬頸. 大家都係度唸番舊事嘅野
不和, 失望, 其實就係源於 雙方嘅期望 有落差
3個讚
其實我覺得係性格嘅事
樓主阿媽做女果陣，一樣可以同阿婆嘈
我有試過係佢角度諗，初初都知真係攰真係辛苦唔怪佢，但接下來基本上係日日，成日偷偷地同人呻唔想黎bla blah bla ，本身plan係我飛番番去約佢地唔洗咁辛苦坐咁耐機，但計劃有變，我家姐亦想去歐洲玩番夠本，我可以照顧呀媽，好老實，呢啲機會真係人生無乜幾可，普通家庭唔係下下可以話飛就飛唔洗做，今次真係我地錯，唔應該帶佢黎，所以我地學識永遠唔會再做。係我錯在以著佢真係擔心我，掛住我，想睇下我（佢把口講，我咪信） 點知原來背後對其他人講又一套
錢，就係知佢無所以我地岀黎做嘢以黎飲茶食飯去旅行唔洗佢岀任何錢係基本。我地番工咁耐從來唔會話佢知幾錢人工，因為佢知道就會搵方法去R你錢，我過左黎一段時間轉左工加左人工話佢知，希望佢唔洗咁擔心我，我生活穩定左，我家姐都屌9我咪咁傻，你都知你老母咩人，佢口講話擔心乜乜77, 留多錢呀bla bla bla ，但做岀黎咪就係R你錢， 利申，我走左照俾家用無停過，啲消費卷俾哂佢
由我走，到走左，佢從來無係我面前表現過嬲，話明白我點點點，表現到好開通，但依家我發現原來佢對唔同人表演唔同一套，簡單講係到做戲，不如你對住啲女老老實實講你想點，唔好係到扮野，我地仲易相處啲！呢樣係我最心淡最嬲
一直以黎，佢有乜煩呀，成日loop以前啲野，同我老豆點差點差，我都會有耐性聽佢講，開解佢，就算佢滿口歪理都好，我當做女責任黎啦，因為有乜野佢唔敢問我家姐，我家姐會好快爆佢,所以我係佢情緒垃圾桶好多年
我問心真係有試下係佢到諗下，但就會勾起更多不愉快既事實證明佢講一套做一套
我儘力啦，學樓上話齋，當普通人咁相處可能仲好啲，貼錢買難受真係太多次
8個讚
願打麻欠左佢
你講得好啱，多謝你提醒我
真係做呀媽既期望做女既應該點，我地又期望做呀媽既應該點，但大家都係人，唔可能達到所有期望
我呻完輕鬆好多了，好多謝你哋