借位呻吓，想揾個樹洞。
啱啱搬咗屋半年
上星期有朋友上嚟玩
本身朋友A帶住仔女上嚟玩過幾次
可能間屋新啦，幾次都玩到唔捨得走
通常約兩點左右開始玩，其他同行嘅朋友七八點走
佢哋磨到成十點先走
有次我係要話：「不如我幫你call車啦。」跟手即刻call 車到咗樓下先叫到佢地著鞋。搭𨋢果陣朋友A仲話其實諗住搭巴士、的士好貴。
跟住啱啱上星期
又搞一兩次聚會
大家約定兩三點開始，六點左右散（其他人多數第二日小朋友要學嘢，又或者早訓、所以都傾向早聚早散）
朋友A仲問反正你老公都唔喺香港，問小朋友可唔可以喺度過一晚
我話唔得，冇地方訓
佢話可以帶吹氣地蓆上嚟
我都係話唔得（以前我招呼過另外一個共同朋友 嘅仔女過夜、之後佢就成日問）
到聚會當日，朋友A 12點幾就話到咗樓下打比我
我話我仲執緊屋，未準備好
佢話唔緊要照上嚟，叫我唔駛理佢哋
我話我緊要呀，之後叫呀女帶佢哋入會所Hea一陣
到晚上、八點鍾又係個個走晒、佢地成家又係唔走
我趁另一個朋友走果陣，順便問朋友A，你call車定送你地落去搭巴士，一齊走啦
佢個女訓喺地下，話眼訓
朋友A話好累，想Hea多陣
咁我就推兩個女沖涼，喺廚房洗嘢
跟住又過多個鍾，佢啲細路話未飽，朋友A話簡單食啲嘢當晚餐就得，咁我煮多個烏冬出嚟，之後都冇坐低一齊食，去咗沖涼
沖完涼出嚟，成枱嘢冇人食
我同朋友A講我地差唔多訓啦，叫兩個女開始收玩具
跟住佢個女爆喊：話好眼訓唔走，訓左喺走廊，佢兩個仔就繼續玩
我同佢兩個仔講，樓下有BB要早訓，要停啦唔玩啦
朋友A就話其實佢哋可以喺度過夜，沖完涼著返自己衫就得
我都係話冇位訓，你地四個人，梳化都冇位啦，又再講我今日都冇準備招呼朋友過夜
朋友A個女話你拖埋房入面張床褥出嚟咪得囉
朋友A話佢啲仔女真係好鍾意我呢度， 好想過一次夜
我都好直接講上次小朋友嚟玩咗晚我都好累，人哋個仔喺度真係成晚唔敢訓得「林」，所以唔再招呼住啦
之後佢個女喊完，喺梳化訓著咗
我等咗十分鐘左右，話我幫你哋call車啦，咁朋友A就話貴，諗緊搭咩返屋企
我話一係巴士一係鐵，都係呢兩樣（我開始講廢話）
朋友A話兩樣都要轉車，其實佢湊住3個嚟都好辛苦
我話你哋走咗我都要抺地洗衫，我真係唔方便….
之後我冇理佢，繼續吸塵，拖地（其實有少少做比佢睇嘅心態）
之後我叫佢地啲小朋友要食埋個烏冬
佢兩個仔扭要食杯麵，又倒咗個烏冬落馬桶，自己喺廚房拎咗個合味道開埋出嚟要熱水
我收返個麵話你哋冇問過人咁樣好冇禮貌，我廚房執好啦，唔會再整任何嘢食
最後又磨到成十一點，朋友A自己喺梳化㩒電話㩒到中眼訓，我拍醒佢，話唔得啦，我真係要訓，真接喺佢面前call車
5個讚
最後朋友返到屋企
又話我呢個係乜野call車app, 司機冇禮貌、又冇折
你個咩朋友嚟架，咁厚面皮既? 一啲同理心都冇，淨識做伸手黨。疏遠算啦。
8個讚
呢個朋友係中學識到呢傢
係好熟好熟嘅
但我認同我係縱懷咗佢
有啲係自己攞嚟
1個讚
感覺佢哋係唔知可以帶啲仔女去邊度玩，去你度又有得玩，又有得食，簡直一條龍服務，一個唔覺意仲可以兩日一夜staycation添
18個讚
唔洗幫佢負責任喇
佢咁大個人，唔識得禮節唔係你既錯誤
而且仲有仔女啦，點教仔女呢？
13個讚
會唔會係你朋友屋企有嘢令佢唔想返?
同老公/6299 關係唔好之類, 想搵一個地方做避風港?
1個讚
如果一個人
喺人地屋企留到十一點要人call車比佢先走
仲要之後有說話比人聽、咁佢同其他人關係唔好係咪都應該檢討下自身
17個讚
唔好再比佢地黎，佢真係想係度過埋夜，
做人要識做唔好阻到人，你都講到出口唔比
人過夜仲賴死唔走，其實之前你應該同其他
朋友講聲佢咁情況，叫佢地話走個時就同埋
佢一齊走，唔好比佢地超時咁留係度。
11個讚
我諗樓主都無諗過佢朋友可以咁無恥
比著我係樓主，應該直接block 9呢個人，再問fd佢發生左咩事，可以變成咁
3個讚
真係好衰喎，我下次唔會叫佢嚟，唔好咁辛苦。
如果下次又係成班fd嚟玩，會先旨聲明叫大家講明玩到幾多點要走，因為小朋友要休息，然後指明叫佢唔好次次磨爛庶，真係好騷擾。
其實我睇到中間，以為係中國vs香港個d暗喻post, 估唔到係真。
你真係唔好再比呢個朋友上黎，太恐怖，送唔走仲咁無禮貌！
我見樓主都講過幾次，完全ignore
可能樓主念在朋友一場講野就住，否則叫佢媽買返間就唔使好似乞兒咁比人趕走，又要睇人面色
1個讚
已經講到出口都唔肯走，以後約佢只會出街見，唔會招呼佢去屋企
我有個朋友都係咁，同老爺奶奶住，一放假兩公婆話上嚟玩bb,一開始真係同bb玩嘅，後來變咗個個星期一放假，兩公婆就當咗我屋企渡假屋咁，問埋我晚餐想食咩，佢買埋餸上嚟煮，佢又識嘢喎，佢拎咗我同老公隻碗俾佢哋兩公婆自己用，我用客人碗筷（佢一開始已知我有分，因為我有留唔同餐具俾唔同朋友同家人用）仲要啲嘢我唔啱食，瀨過一次嘢後點推都無用，人哋繼續玩煮飯仔，玩到十一點幾先肯走，走咗我湊完bb仲要執屋洗碗！
後來過份到叫我幫佢哋申請埋會所張證，以前後生面皮薄唔識推，借口話個女報咗playgroup唔得閒招呼佢哋先斷咗呢個活動，支持樓主你開口講明唔再招呼佢哋，呢啲人keep嚟做朋友為乜，完全唔識分庄閒㗎
21個讚
你哋係咪喺gp約?
如果係, 就講明以後不如book party room搞聚會
唔好去你屋企搞
如果有人問點解
就暗示有人磨爛席唔走
好影響你哋一家作息
令你哋感到困擾
5個讚
我哋成班中學識到呢傢
上嚟玩嘅、有啲係close , 有啲冇咁熟但小朋友差唔多大
朋友a係真係一直都close
我知佢係當咗我屋企人先會咁唔客氣
但我覺得呢傢係單方面付出
開始好衰咁想疏遠佢
2個讚
