人性陰暗面，我覺得佢自己搞唔掂啲小朋友
啲小朋友唔聽佢講
就上拎上嚟我度Hea
我會覺得點解我要擔起呢個責任
佢屋企係有唔開心嘢
佢有同我講，佢話自己樂天先冇諗埋一邊
9個讚
我都有班老友直頭係小學friend到而家，但熟同唔客氣大家仲識分。瀨死唔走仲要埋怨你call車個司機唔好，呢啲直頭係無家教表現嚟
明白你哋中間仲有咁多common friend好難做到好絕，一係要睇吓有無朋友都察覺到呢位朋友對你咁唔客氣，再有聚會要夾埋其他人夾佢走，如果唔係，好同意上面有網友提議，再攪聚會揀出面啲party room
到時佢喜歡同啲小朋友食杯麵定瞓到幾點都得
3個讚
個個星期都嚟……
佢地冇地方去咩
佢對其他人會識做唔會咁
我知佢係當我自己人先「唔客氣」
但已經好多位過咗火（又或者係我唔想再忍再遷就）
例如出去食放題，佢一拖三，我一拖二，張單佢會搶住碌，之後除二
我會話喂咪駁懵喎，放題計番人頭啦
之後我payme 返人頭錢比佢
佢就以笑遮醜
9個讚
佢無老公無屋企既咩？
可能真係無地方去，佢好鍾意煮嘢食，但同奶奶住就多數得一個控制到廚房
呢兩公婆攪笑到生咗個女後，好多玩具想買俾個女但又驚奶奶鬧，話放我度，咁佢哋上嚟就有得玩，平時我啲仔女又玩得
但我啲仔女已經唔係bb嚟，啲嘢根本唔啱玩，最過份係佢想買室內千秋放我屋企，嗰個message我選擇已讀不回
Sorry攪到借咗個位吐苦水咁，但我想講呢個世界有一類人真係咁㗎，上得床嚟掀被冚，你讓幾多步佢都唔會多謝你，分分鐘仲覺得自己好大方，無嫌棄你招呼得唔夠好
14個讚
唔會呀
我都唔想呢度淨係得我講
有人聽我呻我覺得舒服好多
我覺得人與人之間相處要平衡
單方面付出只會令有一方頂唔順
遲早一日會走
8個讚
希望你唔好介意我咁直，千祈唔好對舊朋友過份美化，相處得順利嘅老朋友，你會發現自己無花費精神都可以相處得好好，好順利
假如佢當你係彼此關係中嘅下把位，都一樣會咁唔客氣
人人都會成長，比讀書時會接觸多咗唔同公司嘅同事、另一半嘅朋友或同事、仔女同學嘅父母，呢啲都有機會做到長久嘅好朋友，就算上網，都可以遇到好啱傾嘅網友
圈子擴闊咗，時間一樣得咁多，生活重心喺唔同階段都有唔同取向，就更加應該將時間分配得好啲，將時間同精神投資喺值得嘅人同事上
唔想都可以唔專登去做個衰人，但都唔需要一直委曲求全㗎
13個讚
你講得啱，但係真係有啲人係上得床黎
牽被冚，佢朋友不斷得寸進尺咁試咁試
樓主低線。
當自己人都唔係咁佔人便宜，做人要知分寸
唔好過火。呢啲人都係唔好近咁多都會影響
埋你小朋友。
湊住小朋友嚟都好辛苦？咁送佢一程，以後都唔好嚟啦
乞人憎嘅小朋友背後多數都有啲唔識身教嘅父母 
3個讚
其實試過、散場果刻佢會話上嚟我度坐
我要話出去買嘢，唔返上去住（其實冇野買）
佢係會跟住，等我買完野話不如呢家一齊上去
又話你兩個女都唔捨得走啦
（我小朋友同佢仔女係friend嘅）
我話唔得呀、聽日要早起身，間屋好亂唔招呼人
跟住啲女又扭
我又要處理埋兩個小朋友嘅情緒
1個讚
認同，如果間中一次，有來有往都冇所謂，但如果一直當你係下把位，我會選擇疏遠呢段關係
朋友遲我一年嚟英國，佢一家剛到未識到朋友，成日約嚟我地屋企，每次都留成日，磨到好夜先走，間中又留佢小朋友喺度sleepover
到佢settle down後，我地試過提議去佢屋企，佢每次都推搪話唔想煮唔想搞，咁我都冇所謂，嚟我地屋企都ok。之後我發覺佢原來成日有招呼英國新相識嘅朋友、佢仔女同學上佢屋企食飯同玩
我就開始對佢有啲心淡，原來佢想同人地建立關係就唔介意人地上佢屋企，但我地識咗咁耐反而唔想招呼，所以我同老公都覺得呢個朋友就算疏遠了都唔可惜
19個讚
好L cheap
2個讚
有D中同真係覺得同你識得耐左, 自己人, 無計 (係叫你唔好同佢計, 但佢會樣樣都計足你)
面皮厚, 係勁厚, 叫都唔走, 又自己拎埋杯麵呢D 真係真心同你無計 
呢個group入面,你仲有冇其他人係close D?
講比佢地知, 咁下次都有人幫下手, 拉埋厚面皮家庭一齊走
講埋呢度又唔係你屋企, 阻住人休息
就得人太多, 人地真係以為你會唔休息咁welcome佢地黎
講埋出聲佢都係咁, 我真係好佩服, 真係當正自己屋企
(不過我都覺得佢係攪唔掂D小朋友 / 佢有原因唔想返自己屋企
但攪到其他人, 當自己係邊位, 又當你係邊位??? )
下次如果再有私下接觸, 請無視佢, 唔使再答佢野
跟你返屋企就直接話自己好攰就say goodbye
good luck 樓主 
我都試過, 5個人, 我, 佢同佢老公,2個小朋友除3份錢 , 小朋友約3同7歲
再次後飲茶, 佢老公叫5個點心, 我叫左4個, 除2 份錢
我老公以前D FD又係咁衰,成日賴係我地新屋唔肯走,最後都係疏遠曬,唔好煩
1個讚
有小朋友除錢要大家都識做
如果同有細嘅小朋友(約4-8歲)，我通常2個當1個計
我小朋友食量大，我會主動計一個人頭
愈無責任心的人愈生得多，對承擔責任無驚過，推比人囉
4個讚
我無小朋友架
我見佢地既話, 多數都係一個人去
其實個次我都無咩點理飯後點計,
叫野食個時, 叫3至4人餐
佢話2個小朋友唔係食左好多, 除3份啦, 你OK架呵 (我, 我朋友, 我朋友老公))
即係你都唔預我有回覆O唔OK啦
咁我都覺得OK啦, 你2個小朋友都細, 又唔係成日見
點知, 佢2個小朋友都差唔多係一個人既份量, 即係岩岩好4人份
算啦, 都係個句唔係成日見
到個次飲茶, 除2份, 心諗, 唉, 唔想煩, 下次唔去呢D圍數既野
去返快餐就算
唔係多錢, 不過睇到晒D人心入面個D數口幾精
做媽咪知自己小朋友食得多唔多
你肯主動計, 我覺得好好呀
3個讚