熱門咗幾日，都唔見哩度有人講，偶然今晚俾我睇到條片，一齊分享下感受。
其實冇謂迫到自己咁辛苦，機票貴又點，想返香港咪一家大細返一轉。
仲有我覺得最重要嘅心態係，唔好去比較，唔好遇到任何事見到任何野都同香港比，咁樣只會令到自己情緒越黎越差。
***
移咗民情緒唔穩定嘅千奇唔好睇條片，只會惡化自己嘅情緒
13個讚
其實真係要好悶得，可以唔食唔買日韓嘢，唔行街，冇得/好少出街食，每日煮一日三餐，先好考慮移民…
可能有人話都有街行，有餐廳有商場，有日本嘢食，但我只能話完全唔係嗰回事
15個讚
一家去玩，喊到mood都無晒啦…
人哋唔一定要包容你囉。
唔改變心態，住天水圍一樣崩潰。
1個讚
一時情緒崩潰都正常，但如果去咗兩年一直都唔開心咁就似有情緒問題。
我成日覺得啲小朋友去留學都適應到，大人反而成日呢樣個樣。同做人唔好咁死板諗埋一邊，移左民返香港旅行又得，無移民都可以多啲出走外國。只係focus自己無左既野，做人點都唔會開心啦。
7個讚
無諗過有人會share依條片
其實香港係一個城市，如果去到外國想要減少差異感(方便, 行街, 有地鐵之類)一定要去返城市。
佢嫌機票貴 
暑期返香港應該預左啦，其實佢掛住阿媽，可以建議阿媽一個人過黎丫，咁咪唔洗兩張機票 
3個讚
我睇左小小已經唔想睇, 佢頭頭講D野真係無咩point (唔可打頭 
)
真係有情緒問題要正視睇醫生
佢咁樣無限loop最影響係佢既小朋友同家人
為己為人真係處理好自己情緒先
2個讚
咁無辦法啦，想平咪轉多幾程機或者唔好旺季囉。或者好似你咁講屋企人飛過去都得。
其實我一開始都冇諗過要特登搵黎睇，但係知有人一直講，趙博啊之類果啲⋯
咁有情緒要學識處理係好事黎嘅，哩度之前話冇人講移英後啲衰野，依家可以俾大家好好討論下
—————
老實認真講，移民真係唔好當係去旅行咁，因為係完全兩回事，旅行到最尾點都會返屋企，但移民係去一個新地方重新適應，由零建立一切。
不過又難怪，香港人一直以黎都生活得太幸福，生活離家好近。唔似得大陸台灣，佢地讀書返大學做野分分鐘要係離鄉別井一年返得一次屋企咁樣。
11個讚
200%同意… 搬去隔離區都未必習慣啦… 更何況連根拔起搬到去地球另一方, 真係要調整好心態先好行動…
1個讚
其實唔適應都真係無計，亦都明白屈住屈住會搞出病來。
不過我好奇，如果條片係live, 佢毫不保留咁喊爆都理解，但錄完之後仲有後期製作，即使好似佢一開始話留個記錄，但係咪真係有需要放係YT任人睇？而家搞到個個討論區都有講，其他 YouTuber 又講，如果佢真係情緒有問題，其實係傷害緊自己
3個讚
無錯，
都係果句，香港根本好細。
加上搵錢又算多，香港無地方玩就去附近東南亞玩。
其實只要轉一轉念頭，無得去日韓有咩問題？唔通人地歐美人士成世無去過日韓就即係無旅行去咩。
2個讚
但現實中真係有不少移左民嘅人會咁，下下開口埋口都話「如果喺香港就唔會乜乜乜，如果係香港就會點點點」，呢啲人放唔低，根本就唔適合走… 留返喺佢哋個comfort zone算啦，根本無諗過接受同融入新地方…
6個讚
我相信有人真係唔適合移民，生活上有改變，
仲有，離開咗就盡量唔好同香港比較所有事。
2個讚
唔鐘意就躝
1個讚
我有朋友同屋企人移民…各有唔同感受… 認真, 真係識人生活到喊…單單係食物都已經話唔習慣…唉…有人適應力低, 真係無計…
唔係會有china town? 好似咩亞洲野食都有，仲要宜家網購咁方便。
咁又唔好咁講。我覺得有啲人係口痕比較（呻下/r水吹），有啲係真係為咗踩低任何一邊咁比較。後者我都幾唔鍾意。
學下D藍屍講丫嘛
比較就係令自己唔開心既泉源，係咁都要搵野黎比較即係自尋煩惱
1個讚
有，我老公移英後仲係情緒不穩，我心好累，係為工作，做唔番本行、人工低好多、語言、由頭嚟過，其實我哋預咗，我都有返工仲適應得幾好，到真正生活佢都係覺得好唔適應（如果大把錢唔洗做佢就長住都無問題） 但佢又唔想返香港，我情願佢自己返香港，佢又唔肯，佢繼續留低情緒勒索我
1個讚
睇到7:21
佢講左句
“可能因為現在, 香港又開放了, 也不用戴口罩, 商鋪也恢復營業, 可能這樣又令我情緒變差了吧? 也令我更想回去, 沒有藉口說, 你不能回去”
真係O左咀, 一時又講到自己好想番, 一時又講到老公叫佢番香港好似好有壓力
無再睇後面