明白, 了解, 幾廿歲人重新嚟過, 係一件好艱難嘅事… 我都識兩個朋友過去英國後, 出現抑鬱症… 去同留都要面對你人生意想不到嘅改變… 每次我諗到呢一點, 我個心好痛好痛…一班有質素有良知嘅香港人被迫離開自己嘅根, 無奈留低嘅我呢班, 日日就係荒謬威脅下過日… 心理弱少少都應該癲咗… 不過, 點都好, 路幾難行都總要過… 祝福你同你老公好快見到陽光, 加油呀… 得閒就嚟BD 吹吹水啦…
6個讚
係，無論去同留都係好難，嗰陣逼針我哋身體問題無打連份工都無，加上喺香港好唔開心，走係唯一出路，但而家喺英國佢又係另一種抑鬱燥狂，但我又要日日被逼對住佢，我都就嚟抑鬱
心態問題
冇可能輸打贏要
講得好有道理，針冇兩頭利
1個讚
眷戀地獄搵水方面，攞足自豪感
佢要面對嘅問題，應該係思鄉同唔習慣
講真個機票錢係貴，但未至於拎唔出嘅
有啲人覺得貴又覺得唔抵
成百蚊一個常餐
印象中佢食開40蚊
其實佢放得上網，要承受比人話壓力，咪可能仲大？
定係講出嚟就冇事？
利申左先，唔係針對你回應。
之前我都講我自己一來住外地好耐，二來都有自己煮，三來食肉獸有肉就得，去話人地因為食物而習慣唔到係好唔公平。
我真係極度唔明白，點解會唔慣，係唔慣無人煮定唔慣D咩?
但成日見D人話食唔慣既我真係好想知佢地起香港係食D乜野??
其實全世界都係食豬牛雞鵝鴨魚蝦蟹，中超西超都買到。
唔計自家種菜，中超大量中式蔬菜。
基本調味料 米 麵，西超都有齊。
到底唔慣O係邊 
3個讚
要搵個朋友圈子係可以就哂你d脾性係何其難
一個隨和嘅人係可以輕易移民
但隨和又未必有需要移民
3個讚
習慣問題
講真，響香港嘅生活我都覺得日日差不多
係有得去旅行
但我嚟到都一樣可以去旅行
心態嘅嘢，冇話對錯
重點點處理，畢竟自己牛角尖又係自己辛苦
1個讚
可能我少朋友，人大左，真係大家響香港都唔係咁多活動
都係whatsapp下咁
其實響forum, 成日都講人大左少朋友
可能移民只係加速
又隨和同移民冇關嘅
每個人響唔同嘅嘢接受程度唔同
以我黎講唔慣應該係當地餐廳唔係自己鍾意食果類，我住果度主要係意大利、快餐店、weatherspoon 果類，如果鍾意亞洲野就叫冇乜野岩食。
有d人唔識、冇興趣煮飯，發覺自己煮又辛苦又唔好食，咁可能煮飯呢個task都真係會幾痛苦。
移民一d都唔易，我有晒心理準備，叫做適應得ok. 係香港玩完就快要返英國，都唔覺得自己好想快啲返屋企咁。如果香港唔係搞成咁，真係冇一個地方比香港好。
8個讚
復常喇
1個讚
如果唔係為細路，我哋都唔會走。但掉返轉頭諗，好彩走咗，先發覺世界好大，唔單單政治，原來喺香港享受嘅嘢，都可以唔係咩一回事，離開後嘅新生活，唔止細路，連自己都有得著。
當然只係我個人感受，有好多人仲覺得香港生活好好，大家感受唔同，不是比較
13個讚
可唔可以講多啲係咩得著？
未必人人感受一樣
例如以前習慣用錢去買娛樂，依家享受大自然放空。
喺香港食完一餐好西、去完一個旅行，當刻係開心，但一諗到第二日要返工就謝皮，依家總算work life balance。
老實講，喺外國，空氣好、食材好，感覺身體都好d。
仲有好多⋯⋯都係嗰句，我覺得好嘅，其他人唔enjoy，都可以好negative 。
13個讚
x 5000
再x 5000
這一刻原來自己沒法一樣
海闊天高已經超過了想像
願每天悠然自得覓我的新方向
可不可以共處欣賞
這一刻原來自己沒法一樣
不再拖 拖欠日久未付清的賬
願每天悠然自得覓我的新方向
重開始
為昨日摔倒今天要趕上
又諗起呢首歌
