依家英國都多人去貴哂㗎，邊度有demand 都貴，又唔代表當地人買。
1個讚
你啱呀，我呢一輩都安居樂業，衰d 講句，廿歲唔行差踏錯努力上進都搵到。所以講難唔難買樓，我會諗埋後生仔。睇下依家去抽新樓，有邊個唔係個阿媽話買俾個仔？
都係啦，我上面分享過個富二代同我講乜，唔同圈子體會唔到，佢哋講緊無嘢做飛去邊到食個lunch，點會理解到點解要買平機票去邊度玩。
都可以咁諗掛？267萬家庭入面60萬人冇樓，即係2成幾家庭要租？但咁又好似少得濟？哈，其實我地係咪諗錯。
我覺得香港出左名樓價高，就算調查唔同basis買香港樓應該都唔會話係易架喇。
只不過係覺得傳媒成日用"不吃不喝18年先買到樓"呢d title 就好譁眾取寵。
我曾經望到移左民既朋友間屋又平又大覺得羨慕，但佢都有講揾當地人工黎供其實又唔係正過香港好多。去到邊都係要努力喇。樓始終係奢侈品。
其實難易好取決個人能力同負擔能力，搵10萬一個月買3000萬樓係好難，買1000萬樓就好易負擔，搵3萬買1000萬樓好難，但買400萬又會容易負擔，大家心中嘅難易標準可以落差好大，最重要係知道自己能力去到邊再選擇負擔到嘅屋，英國都一樣，鬼唔知想住靚校網地點優靜治安好咩，自己俾得起先得，俾唔起咪搵個俾得起嘅區囉，冇可能搵3萬想住半山咁離地架嘛
環觀我身邊朋友，基本上結左婚嘅都買左樓，咁樣我又真係講唔出香港買樓好難，否則唔會咁多人買左樓
1個讚
租樓有好多考慮因素，可能想買嘅屋自己俾唔起咪租，可能唔想綁死資金，可能想俾返彈性自己，各人有唔同需要，咁d業主先有市場租屋出去俾人架嘛
外國如果計稅後人工，可能都要10幾年不吃不喝
香港按揭容易好多。開張信用卡都易
我個陣係2尾單人買，個陣啲同事有啲有父幹，有啲真係自己儲都買到，都係個句，真係要入啱行有事業規劃先買到，但我覺得外國都一樣。無話輕輕鬆鬆就買到。
香港樓價已經第一咗十幾年
周圍都一樣，解決咗住屋就舒服好多。
外國都唔容易，但講到香港易過英國⋯⋯
申請按揭借錢上會真係香港易好多
同你一樣，我會諗第時仔女無父幹下，要點樣先可以買到樓？ 然後又望下身邊遲結婚嘅，要用一千萬買我地結婚時才五百萬嘅樓，都不免為自己仔女擔心。
仔女要努力工作讀書外，仲要生生性性好好彩彩娶/嫁另一半都係咁努力上進屋企長老無咁大負擔，咁就可變到不吃不喝9年成事。但另一半呢個factor真係咁咁易掌握？又，要咁諗係咪好功利呢？
結論係難
又講多句，我英國及香港都置業了，但我聽到英國及香港樓價跌時，我係開心嘅。短期，即使換樓，我可以用少啲lump sum換；長期，仔女或後生仔可用合理價買，唔係對整個社會更好咩？
係一樣㗎，英國好香港好
優點：平
缺點：唔方便、治安差、校網差
成日將兩地比嚟比去，都要用返apple to apple
而唔係攞市中心靚地區嚟比
睇完成個post啲內容只有一個感覺：話不投機半句多 
1個讚
咁諗好辛苦，你諗返我地父母輩，佢地買樓時幾十萬，而家變左幾百萬我地一樣買到，唔擔心得咁多，最緊要俾足資源佢讀書或者學一技之長，以後嘅人生規劃係佢地自己諗
搵另一半其實不嬲都要門當戶對，好似好功利，但唔想結婚後生活質素下降就係要咁，除非預左要捱，呢d留返俾佢地自己選擇，理唔到咁多
唔係指只睇自己仔女，我都想其他後生嘅安居樂業，對人生有返啲希望
而唔係叫佢地接受，努力。後生嘅越來越難上車，我地講句「上車好難咩」，然後樂享其成，其實有咩作為呢？對整個社會好咩？
對後生嘅，比啲同理心好嘛
4個讚
我嗰時生第一個，直情計埋數幫到佢上樓先敢生。
要佢攞成份糧出嚟供d 納米樓，我會好心痛。
我呢一代，仲有人覺得家用係必須。俾我佢搞得掂自己、將來我就放心哂。畢業生要儲錢真係唔容易，我呢代已比上一代難，再下一代，講緊人工無變，但乜都通漲。
2個讚
安居樂業個個都想，但商業世界太多利益同計算，特別係牽涉到土地資源就更加多千絲萬縷利害衝突，呢樣係全世界一樣，呢個大環境，唔係叫你去接受，而冇得唔接受
英國樓我冇研究過，見到有移英會員話係因為按揭借貸問題？我留名學嘢。
不吃不喝講full pay 同人工中位數
事實上冇人會full pay咁計
1個讚
呢兩年我身邊好多朋友走，都係先租後買，但我唔會話英國買樓易
1個讚
我自己都有小朋友，都預左第日要幫佢地俾。但有時見到鄰居仔女唔算好叻都買到(?) 又覺得自己可以唔洗諗到咁緊張。我而家都教緊仔女要係自己能力範圍內買嘢，慢慢黎唔洗急。
至於納唔納米樓，我就梗係情願2手住大d, 但如果佢地著重會所新淨都會尊重佢地選擇。