【Now財經台】本港樓價去年回落，不過，據1份調查機構報告顯示，仍是全球最難負擔城市，供樓佔入息比例為18.8倍，反映一般家庭要不吃不喝18年才能置業。
受疫情、加息等因素影響，去年本港樓價跌約15%，終止長達逾10年的升勢，但樓價仍被評為「極難負擔」。
一份國際顧問報告於去年第3季，收集94個主要城市的樓價，以及家庭收入中位數進行統計，結果顯示本港樓價對收入比率為18.8倍，較對上兩年逾20倍略為緩和，但仍連續13年成為全球樓價最難負擔城市，排行第2位的澳洲悉尼，供樓佔入息比例為13.3倍，加拿大溫哥華則以12倍排行第3位。
有學者表示，隨著本港復常，樓價於首季已有回升跡象，相信樓價高、上車難的困局，短期仍難明顯改善。
中大商學院亞太工商研究所名譽教研學人李兆波說:「我認為根本原因是供應，政府在樓市中賺了很多錢，賣地、物業買賣印花稅等，看到兩者加起來差不多30%，收入是來自這方面，若樓價下跌，政府收入亦有很大影響。對於高樓價，政府都是積極參與者，估計樓價亦頗難回落至一個合理水平。」
報告又指，去年統計的城市中，沒有1個樓價處於可負擔水平，是19年以來首見，估計跟某些城市受疫情影響，導致需求出現急劇變化有關。
而家上流越嚟越難，而家好多年輕人都要父母資助才能上樓，無得怪佢哋。
至少，有父母靠都係一種褔氣嚟⋯⋯⋯⋯⋯⋯
3個讚
係好難，一般打工仔，要儲到首期加過到壓測，難上加難。
雖然話有九成按揭，但你人工唔夠高，銀行借唔足九成，你就要擰更多首期。
2個讚
可能人地人工高有錢，咪覺得唔難
專業人士同普通文員買樓都爭好遠啦
我都覺得無傳說中講到咁難…上年樓價低位上左車，無不吃不喝18年…
其實都唔係, 我識好幾位律師40+… 個個月入六位數, 但都未係香港買樓, 我問過佢哋, 佢哋話我唔可以去GU 買衫返工架…甚至見客連 Giordano G2 d 西裝都唔OK, 香港地, 真係先敬來衣後敬人, 平日返工萫到型男美女咁, 又唔想去平民地方食, 想慳就最多就係外賣, 佢哋日日係中上環返工, 又唔會係上水深水埗置業…係港島區買樓, 簡直係妄想… 總括而言, 都係買唔到香港樓…
2個讚
通常買到既人就會覺得唔算好難
呢種問題問1000人會有1000個答案
呢到唔少會員聽得出係知識份子
見移民POST咁多人有樓賣走人就知喇
後生仔仲用 18 年在 XG 買樓??
正常人有呢個錢和本事都唔會投資在呢個地方。
1個讚
咁豪宅盤同上車盤又唔同既，佢地唔係買唔到係唔想買
我識個醫生見佢賺咁多以為實住得好豪，但原來係普通私樓想住近醫院
第一名香港18年，第二名澳洲都13年，只能講發展得好既地方買樓都唔平…
其實都係每人價值觀唔同，我都識兩個律師結婚，一人買一間愉景灣物業然後打通，佢哋做律師勁理性，覺得咁樣有咩事各自賣樓都易啲。不過都同意某啲人的確唔想住某啲地段。
見唔小外國讀書既人香港買一間，外國買一間，咁當然唔係個個有錢，但有錢既人的確好多。香港講緊無啦啦騙案都呃到幾千萬，真係貧窮限制想像力。
有閒錢點使都得， 但係又要借又要慳先上到車，仲要係納米樓，就要認真考慮。
4個讚
40+ 佢地畢業果10年其實都好平。我識好多都大約08，09年結婚，9成按揭，20萬就買到樓，仲要超低息plan H+09。有d錯過左個timing，樓價一直升，之後就一直揾籍口自己厄自己。
宜家20+果d相對真係難好多。
3個讚
呢句真呀… 係物非所值, 幾百萬買個連轉身都要慢嘅單位… 真係算吧…
2個讚
我地要感恩架喇~
之前個survery 做出黎係要22年不吃不喝
而家18年咋
仲唔快D講多謝!
3個讚