真~
識人都係09 - 10 年咁上下時間買左珀麗灣
最近放左珀麗灣層樓仲可以換間大屋添
(如果無記錯宜家千幾萬既樓都仲做到八成按?)
我只係諗大約三萬人工不吃不喝，18年就差唔多有6.48m。咁差唔多上車盤價錢。
首期應該唔洗18年？講緊得一萬蚊人工，18年都2.16m，我諗應該唔會用一萬蚊人工然後話買樓，同首期唔洗咁多？
呢段我又幾認同，之前睇過香港超級富豪數量係全球第一第二多，有無拉勻都唔知。
仲有全球最高成本國家調查咁，香港有時排好前有時排後面，因為攞咩嘢做index都好大影響。
有時見到香港做滿意政府調查報告，我都心諗下點解無人問過我，我實俾滿分啦
有個富二代十年前（真係食飽瞓飽等痾屎嗰隻）同我講，一家三口每人搵期五蚊，我就唔信佢哋買唔起樓。同呢d 人講嘢真係浪費自己寶貴嘅時間。
1個讚
首先要一畢業有三萬
唔好講數據，現實d 睇一個學生畢業後搵幾多，要還幾多錢？養父母？食飯、車錢、置裝⋯⋯咪睇到佢哋難唔難。
如果香港上車難到登天就唔會咁多人買到樓，樓價亦唔會係高位到咁耐啦，有呢個價一定有人買得起，香港買樓唔算難啦，香港人工高按揭借得多點會難，一定易過英國我好肯定，但如果人工3萬想買1000萬樓咪難囉，買400萬樓一d都唔難，又或者要一野full pay唔俾銀行賺就一定難過登天
買得起嘅有幾多係自住？定放租？
唔難，但返工可能唔方便、校網亦未必好。你用英國嚟比較，其實都係一樣嘅問題，偏遠地方自然平，但生活要用多d 時間去返工。
我樓上都有講啊，雖然好多人話難，但好多人都有樓。我唔會話買樓好easy。
咁一畢業一定係搵小啲，但又好現實咁講，基本上想要係發展好既城市或者國家一個比較decent既生活，本身就要有好職業/人生規劃。
移民既人本身如果唔係係香港賣樓過去，有幾多個可以打工就夠借錢買樓，佢哋一樣會覺得唔易。
香港買樓，心理壓力非常大就真
1個讚
好多人指你身邊嘅朋友？定成個香港社會？
喺香港裡面又有幾多個買嚟自住？
嗱我無數據支持㗎戴定頭盔先，諗到嘅係香港好多人買樓如果係用嚟投資，其實所謂好多人有樓只係一小撮人，而另外嗰班只係可以租（俗稱幫人供樓）
我從來無覺得易，只係其他人講起香港易過英國，我想帶出嘅係，全世界亦一樣，你要平嘅自然有一d 問題，香港買400萬樓唔難，都同英國一樣，平但唔方便。
我身邊親戚朋友大部分都有樓。我都無數據廢事講成個香港社會。
但你又好難講租樓個啲係真係無錢買定唔想買。
運輸及房屋局提到，根據稅務局在執行職務時所得的資料顯示，截至2020年3月31日，2019至2020年度以個人名義全權及聯權、或分權擁有物業的人數中，香港共有165萬人擁有1個物業 。 若以香港人口計算，即是747萬人。 香港便約有20%人擁有一個物業。 擁有2個至3個及物業人士，則只有28.5萬人及8.6萬人。
在2018年，居住在各類型公共房屋的市民佔香港人口44.6% （不包括限制期滿，可在市場自由買賣的居住單位）
啱啱求其google search, 資料有d舊可能唔準但照傾下先，公屋有44%, 1間私樓有20%, 買2,3個收租既得28.5萬人同8.6萬，按比例算少？
1個讚
大家吹水研究下
我有朋友租較貴嘅地區，因為佢覺得呢世都買唔起，但租得起，可以享受下。大部分無樓嘅都係唔夠錢，可能佢哋只想住返某區，除咗錢，買層樓都好多因素，唔係話邊到平夠錢就買邊度。
1個讚
咁但係無錢就只可以睇餸食飯啦，我都有買樓，我其實心入面都想買好啲既區，但係想要既區就會負擔大，同天時地利人和當時就揀左個度。
難唔難同身邊好多人買到無必然關係 你都唔知人地當初為左買樓付出左幾多努力 好似要搵3萬買4百萬既樓 就要儲到1球首期先過到壓測 咁算唔算難啊 我就覺得好難啦
就算俾你係外國，咁你要一個人份糧，借錢買樓都係難架啦。我都無話買樓好易啊。
壓力測試就係等你知道自己供唔供得起，過唔到唔好買係正常，唔買咪租囉。一路話啲樓好貴，但又想買，基本上就代表左有demand。咁仲點平。
當165萬人嘅物業係for 自己同屋企人住
https://www.censtatd.gov.hk/tc/scode600.html
睇返2021 嘅數據，即係仲有大概60萬嘅家庭無買樓
唔知咁睇啱唔啱？
1個讚
十年前左右，我去朋友新屋（租），佢話佢樓上樓下隔離都好靜，因為大陸人買咗但無人住。
1個讚
咁都好多香港人以前係大陸買樓，或者外地買樓，個啲樓都無人住。只可以講有錢就係仼性。
我身邊好多人已經買左樓。唔買樓既朋友唔係因為窮買唔起，相反佢地專業人士好有錢，買大單位租樓係抵過買。佢地有冇買細單位以租養租咁我就唔知。
上次我係網上傾完，都有諗點解大家既體感會爭咁遠。一黎可能年紀？我3尾了，好老土但我個陣真係買樓結婚生仔順住做。2x歲啱啱畢業想買可能係難d。
二黎可能圈子？有諗過打呢堆係咪匿名打好d, 驚唔小心得罪人或者俾人覺得係曬。但係由大學，做大公司，小朋友讀直資其實圈中識既人真係好少話要不吃不喝18年咁黎買樓。
我媽間唔中有分享鄰居仔女買邊到，可能冇買樓既人少d講？所以我體感少d?