呢個post令我諗起問小朋友美甲個post
+1 好有熟口熟面嘅感覺
寫得清楚就得 唔好追求完美 考試寫得太靚會寫得好慢 無著數
放鬆啲啦,你阿女升到中學寫字要快唔係要工整,仲咁高要求要佢重寫,邊有咁多時間同精力啊
好奇你有冇讀過中學?我廿年前中學明明就好多野要寫,要快,特別係考中文試。
你係咪認為,寫字寫到書法比賽冠軍咁先可以?定厭佢功課未夠多?
媽媽…. 放手啦
如果唔係讀書,可以接受。
但仲讀緊書,講真要留意筆劃,好似個理 字,明明橫,點解會有勾?
我覺得小學可能會比較著重字體要端正,升咗中學基本上都唔理,只要係一個無寫錯嘅中文字就得。
唔明邊度有勾?係個田字有定係其他筆畫?佢個王字邊最底下似個,我諗寫得快嘅人好多時都會出現哩啲連筆嘅問題
所以可能老師覺樓主個女寫字太快所以唔靚。
不過每人手字都唔同,我寫字快橫直唔會無啦啦起咗個勾,最多係彎晒歪晒。
樓主講咗,老師冇話過唔靚、有問題。睇曬,主要係樓主問題多…
都升中啦,答卷真係要快準狠,只要唔好打風、夠清楚就ok 。
只要佢阿媽降低要求,佢啲字就自然會靚。
升到中學只要唔係錯字,老師根本唔會理d字靚唔靚。同埋去到高中考試係同時間競賽,d字係會愈寫愈肉酸
我見工時會叫interviewee即場寫篇自我介紹,
中學畢業到美國名校都有,
真心好多人都比樓主個女寫差,
樓主個女手字點都唔算靚,但起碼睇得明
我即刻舉報左你,
如果你唔係膠,只有兩個可能 ,
1,你根本唔係圖中女仔父母,post佢相只想網絡欺淩佢,打格仔唔代表熟人認唔到。
2,你係佢父母,但你係cls父母,咁樣post個女個樣出來完全冇危機感
美甲、指甲太長彈琴,我都覺得係同一個人
即係點呀?唔同名嘅acc?
唔係果啲戀物癖呀嘛(戀甲癖?)
我諗起BK有個人年年開學都問小朋友讀小一瀨尿嘅問題⋯⋯
佢有post樣?
指甲太長彈琴係公海就有, 同一account,
小朋友美甲係幾個月前,另一account,
兩個都係close up手指甲,特點係兩邊都係指甲長得離奇(而且講野tone一樣),所以好深刻,
如果真係同一人,好有可疑,學琴嘅人點可能gel甲
有,就係呢個post佢被ban嗰個回覆,我即舉報。
佢話post相係想證明個女係小六wor, cls ,都冇人質疑佢個女讀幾年班,就算有都唔駛post啦
咁真係好可疑wo
我阿媽係咁執筆,佢d字好似寫書法咁靚
如果我好似片中阿sir咁坐正,放正本簿,同埋跟佢執筆手勢我會唔識寫字